《有頭威無尾陣既352 目的是為了解放法比加斯？》
《原創文章 歡迎轉載 請列明出處 謝謝》
-請支持藍獅 Facebook專頁-
．圖片來源 : Independent.ie
不成功便成仁，車路士藉著三連勝經已恢復信心，而力求脫離降班旋渦既史雲斯亦希望喺主場球迷前打番一場好波，藍軍靠著法比加斯喺上半場初段既唯一入球，最終成功拎到三分全身而退，未有放棄喺爭前四路途上既機會，但球迷們對於干地今場所擺出既352陣式以及球隊既表現似乎充滿問號及不滿。
意大利人以基奧特及夏薩特為首合作攻堅，中場方面用上法比加斯、簡迪及上場已經復任正選既巴卡約高，翼衛方面繼續係艾馬臣同摩西斯一左一右，而三中堅亦都係繼續收起基斯甸臣，選用加利卡希爾、艾斯派古達以及魯迪加，久違既352首發陣式。先題外話少少，其實艾馬臣取代停賽緊既馬高斯阿朗素打哩三場波表現絕對唔差，不過隊友好似唔係好交波比佢，有幾下艾馬臣喺左路前插都無波到，如果多埋哩啲的話拉闊番個闊度對球隊進攻更為有利。
講番正題，話就話企位係352，其實留意番藍軍每次進攻時，尤其喺打緊反擊果陣，都留意到法比加斯好多時都係靠埋左去邊路上，而基奧特及夏薩特就向前走，形成番一個類近343陣式。雖然巴卡約高今場表現繼續都係碌碌無為，但佢既出現無疑令到法比加斯能夠更專注負責進攻同留喺前場，始終中場多左個人，責任同壓力自然會攤分得更少。
不過如果你要講論今場表現邊個係MVP的話，相信唔少球迷都會選擇簡迪而未必係法比加斯，法國人被安排企喺三中場中逗得最深既位置，面對好幾個對手包抄都能夠保持控球權，亦係球隊轉守為攻既發動點，今場為一入球都係由佢喺攔截而得番黎。長遠黎講哩三中場對於球隊幫助係正面，只係睇巴卡約高幾時可以練好啲基本功同攔截，佢啲啲First Touch同毛手毛腳動作真係睇到人好痛苦。
上下半場既車路士表現明顯有落差，亦一貫藍軍近期作風唔能夠拉開比數後比人襟住砌，史雲斯嘗試反撲下有好幾下射門都相當具威脅，只可以話車路士能夠拎到哩三分真係執返身彩，下場主場迎戰利物浦未必有咁好彩。
文章最後更新時間 : 29/04/2018 10:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
．圖片來源 : Independent.ie
不成功便成仁，車路士藉著三連勝經已恢復信心，而力求脫離降班旋渦既史雲斯亦希望喺主場球迷前打番一場好波，藍軍靠著法比加斯喺上半場初段既唯一入球，最終成功拎到三分全身而退，未有放棄喺爭前四路途上既機會，但球迷們對於干地今場所擺出既352陣式以及球隊既表現似乎充滿問號及不滿。
意大利人以基奧特及夏薩特為首合作攻堅，中場方面用上法比加斯、簡迪及上場已經復任正選既巴卡約高，翼衛方面繼續係艾馬臣同摩西斯一左一右，而三中堅亦都係繼續收起基斯甸臣，選用加利卡希爾、艾斯派古達以及魯迪加，久違既352首發陣式。先題外話少少，其實艾馬臣取代停賽緊既馬高斯阿朗素打哩三場波表現絕對唔差，不過隊友好似唔係好交波比佢，有幾下艾馬臣喺左路前插都無波到，如果多埋哩啲的話拉闊番個闊度對球隊進攻更為有利。
講番正題，話就話企位係352，其實留意番藍軍每次進攻時，尤其喺打緊反擊果陣，都留意到法比加斯好多時都係靠埋左去邊路上，而基奧特及夏薩特就向前走，形成番一個類近343陣式。雖然巴卡約高今場表現繼續都係碌碌無為，但佢既出現無疑令到法比加斯能夠更專注負責進攻同留喺前場，始終中場多左個人，責任同壓力自然會攤分得更少。
不過如果你要講論今場表現邊個係MVP的話，相信唔少球迷都會選擇簡迪而未必係法比加斯，法國人被安排企喺三中場中逗得最深既位置，面對好幾個對手包抄都能夠保持控球權，亦係球隊轉守為攻既發動點，今場為一入球都係由佢喺攔截而得番黎。長遠黎講哩三中場對於球隊幫助係正面，只係睇巴卡約高幾時可以練好啲基本功同攔截，佢啲啲First Touch同毛手毛腳動作真係睇到人好痛苦。
上下半場既車路士表現明顯有落差，亦一貫藍軍近期作風唔能夠拉開比數後比人襟住砌，史雲斯嘗試反撲下有好幾下射門都相當具威脅，只可以話車路士能夠拎到哩三分真係執返身彩，下場主場迎戰利物浦未必有咁好彩。
文章最後更新時間 : 29/04/2018 10:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/