《絕處逢生的「水貨」 - 巴克利》
《原創文章 歡迎轉載 請列明出處 謝謝》
-請支持藍獅 Facebook專頁-
．圖片來源 : Royal Blue Mersey
當你去到一個無野可以再輸既地步，可能就係絕地反擊之時。曾經被譽為新一代英格蘭「金童」既巴克利上季以一個超抵價加盟車路士，當時唔少外界傳媒都認為哩單交宜物超所值，可惜好景不常，佢喺藍橋第一季既發展並唔係咁理想，最終亦背上「水貨」之名。去到今季主帥轉為沙利之後，似乎巴克利得到重生既機會，難道真係絕處逢生？
車路士早於早兩季既夏天其實經已希望引入巴克利，可惜哩位愛華頓中場經常受傷，同時由於球員本人想留待傷癒後至決定進一步去向，引致藍軍暫緩收購計劃。即使車路士從李斯特城收購同為英籍中場既真禾特，但由於當時球隊一線隊仍然缺乏英人元素，自林伯特、艾殊利高爾、泰利等傳奇相繼離開藍橋後，車路士主力之中就只係淨底加利卡希爾為純英格蘭本土球員，亦可能因為咁，球會並未有打消引進巴克利既意欲。
養傷逾半季，車路士再一次喺冬季轉會窗向愛華頓求購巴克利，而拖肥在球員同意後亦願意接受1500萬鎊轉會費報價，雖然外界曾傳出另有一筆相當不菲既費用比左經理人，但整體都認為哩單交易係物超所值。而言如果巴克利能夠重回自己既高峰期的話，可以話能傳善射，創造及組織力方面無需懷疑，亦能夠減輕夏薩特需要回後去中場拎波及帶動進攻既壓力，加上法比加斯年紀已經唔輕，再唔能夠過份依賴佢去組織攻勢，必需有新力量接棒，巴克利無疑係一個不可多得既好球員。
但傷患可以話成為佢喺藍軍停滯不前既主因，斷斷續續既傷患不但影響到巴克利既狀態，更加影響到球員喺干地戰術理念方面既理解以及隊友之間既磨合，意大利人似乎對於巴克利喺陣中既定位仲未有一個徹實位置，令佢上到場時有一種格格不入既感覺。而沙利接掌帥印後，巴克利被定為三中場之中較偏向進攻端既球員，好多時見到佢除左參與球隊串聯之外，亦會經時捕於三閘線位置靜待遠射良機，睇得出哩個位置解放左英格蘭人潛能，取得今季第一個入球只係時間問題，不過佢同時要面對高華錫以及同鄉路夫斯捷克喺位置上既競爭。穩步上揚
著上8號球衣，同為英格蘭人，依加既巴克利同林伯特之間仲有好遠距離，不過相信只要佢遠離傷患繼續成長，他朝有日亦有機會擁有同樣成就。
文章最後更新時間 : 03/09/2018 16:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
．圖片來源 : Royal Blue Mersey
當你去到一個無野可以再輸既地步，可能就係絕地反擊之時。曾經被譽為新一代英格蘭「金童」既巴克利上季以一個超抵價加盟車路士，當時唔少外界傳媒都認為哩單交宜物超所值，可惜好景不常，佢喺藍橋第一季既發展並唔係咁理想，最終亦背上「水貨」之名。去到今季主帥轉為沙利之後，似乎巴克利得到重生既機會，難道真係絕處逢生？
車路士早於早兩季既夏天其實經已希望引入巴克利，可惜哩位愛華頓中場經常受傷，同時由於球員本人想留待傷癒後至決定進一步去向，引致藍軍暫緩收購計劃。即使車路士從李斯特城收購同為英籍中場既真禾特，但由於當時球隊一線隊仍然缺乏英人元素，自林伯特、艾殊利高爾、泰利等傳奇相繼離開藍橋後，車路士主力之中就只係淨底加利卡希爾為純英格蘭本土球員，亦可能因為咁，球會並未有打消引進巴克利既意欲。
養傷逾半季，車路士再一次喺冬季轉會窗向愛華頓求購巴克利，而拖肥在球員同意後亦願意接受1500萬鎊轉會費報價，雖然外界曾傳出另有一筆相當不菲既費用比左經理人，但整體都認為哩單交易係物超所值。而言如果巴克利能夠重回自己既高峰期的話，可以話能傳善射，創造及組織力方面無需懷疑，亦能夠減輕夏薩特需要回後去中場拎波及帶動進攻既壓力，加上法比加斯年紀已經唔輕，再唔能夠過份依賴佢去組織攻勢，必需有新力量接棒，巴克利無疑係一個不可多得既好球員。
但傷患可以話成為佢喺藍軍停滯不前既主因，斷斷續續既傷患不但影響到巴克利既狀態，更加影響到球員喺干地戰術理念方面既理解以及隊友之間既磨合，意大利人似乎對於巴克利喺陣中既定位仲未有一個徹實位置，令佢上到場時有一種格格不入既感覺。而沙利接掌帥印後，巴克利被定為三中場之中較偏向進攻端既球員，好多時見到佢除左參與球隊串聯之外，亦會經時捕於三閘線位置靜待遠射良機，睇得出哩個位置解放左英格蘭人潛能，取得今季第一個入球只係時間問題，不過佢同時要面對高華錫以及同鄉路夫斯捷克喺位置上既競爭。穩步上揚
著上8號球衣，同為英格蘭人，依加既巴克利同林伯特之間仲有好遠距離，不過相信只要佢遠離傷患繼續成長，他朝有日亦有機會擁有同樣成就。
文章最後更新時間 : 03/09/2018 16:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/