《超越施丹 你就是你本身的傳奇 - 基奧特》
《原創文章 歡迎轉載 請列明出處 謝謝》
-請支持藍獅 Facebook專頁-
．圖片來源 : Goal.com
長達十場國際賽既入球荒，最終靠著對荷蘭既歐洲國家聯賽賽事中一球窩利，不經不覺基奧特以32個入球超越施丹成為法國隊射手榜第4位，相比於另一位法國傳奇射手查斯古特就只淨低2球距離。身為法國國家隊既正選9號前鋒，成日比人瑘瑜射波無腳準，簡單波永遠唔識入，你又有冇諗過佢未來或會成為會成為法國史上頭三射手？
如果你單睇基奧特喺岩岩哩屆世界盃既表現，以數據論黎講可以話絕對唔合格，由分組賽至決賽果六場波，交出既就只有一個助攻，身為射手連一個入球都無，亦比人笑佢碌碌無為。而言查實基奧特好清楚自己喺國家隊中既位置，身處於平均年齡相對低既法國隊，以速度黎講佢唔會夠班後生仔跑得快，以靈活度黎講佢亦唔會有班後生仔咁敏捷，既然係咁，就唯有專心一意地去做一個「綠葉」前鋒。
成日聽柱躉中鋒哩個名，但唔係所有高大既前鋒就叫做柱躉中鋒，基奧特就做一個較為另類既演繹，不惜犧牲體力由前線走到後場幫忙防守，不惜犧牲前鋒的入球數字為隊友開山劈石頂波開路，不惜犧牲去做一個起腳機會比隊友少的法國9號，透過走動不斷竄擾、牽制對方後衛，拉出更多空間比隊友突破製造進攻機會，己隊開出龍門球時能夠作支點爭頂，多次成功停波並二傳比隊友，聽落好簡單既野，又其實當今球壇又有幾多個前鋒可以做得到同時又可以做得好？
基奧特並沒有基沙文在馬體會拍檔迪亞高哥斯達既前線全能性，亦沒有麥巴比在巴黎聖日門拍檔卡雲尼既埋門把握力，更沒有丹比利在巴塞拍檔蘇亞雷斯對入球的渴望，但基奧特話比全世界聽，唔需要多產量，唔需要世界級，更唔需要比較。
因為基奧特，你就是你本身的傳奇。
文章最後更新時間 : 12/09/2018 14:15
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
．圖片來源 : Goal.com
長達十場國際賽既入球荒，最終靠著對荷蘭既歐洲國家聯賽賽事中一球窩利，不經不覺基奧特以32個入球超越施丹成為法國隊射手榜第4位，相比於另一位法國傳奇射手查斯古特就只淨低2球距離。身為法國國家隊既正選9號前鋒，成日比人瑘瑜射波無腳準，簡單波永遠唔識入，你又有冇諗過佢未來或會成為會成為法國史上頭三射手？
如果你單睇基奧特喺岩岩哩屆世界盃既表現，以數據論黎講可以話絕對唔合格，由分組賽至決賽果六場波，交出既就只有一個助攻，身為射手連一個入球都無，亦比人笑佢碌碌無為。而言查實基奧特好清楚自己喺國家隊中既位置，身處於平均年齡相對低既法國隊，以速度黎講佢唔會夠班後生仔跑得快，以靈活度黎講佢亦唔會有班後生仔咁敏捷，既然係咁，就唯有專心一意地去做一個「綠葉」前鋒。
成日聽柱躉中鋒哩個名，但唔係所有高大既前鋒就叫做柱躉中鋒，基奧特就做一個較為另類既演繹，不惜犧牲體力由前線走到後場幫忙防守，不惜犧牲前鋒的入球數字為隊友開山劈石頂波開路，不惜犧牲去做一個起腳機會比隊友少的法國9號，透過走動不斷竄擾、牽制對方後衛，拉出更多空間比隊友突破製造進攻機會，己隊開出龍門球時能夠作支點爭頂，多次成功停波並二傳比隊友，聽落好簡單既野，又其實當今球壇又有幾多個前鋒可以做得到同時又可以做得好？
基奧特並沒有基沙文在馬體會拍檔迪亞高哥斯達既前線全能性，亦沒有麥巴比在巴黎聖日門拍檔卡雲尼既埋門把握力，更沒有丹比利在巴塞拍檔蘇亞雷斯對入球的渴望，但基奧特話比全世界聽，唔需要多產量，唔需要世界級，更唔需要比較。
因為基奧特，你就是你本身的傳奇。
文章最後更新時間 : 12/09/2018 14:15
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/