《由有名無實的隊長 變到一無所有的隊員 - 加利卡希爾》
-請支持藍獅 Facebook專頁-
《原創文章 歡迎轉載 請列明出處 謝謝》
．圖片來源 : 90Min
琴晚車路士作客同韋斯咸打和零比零，當中後防重將魯迪加喺下半場時段傷出，而沙利首次派出今季尚未出過場嘅加利卡希爾上陣，有趣嘅係哩位英格蘭人一入場後並無要求副隊長艾斯派古達交出隊長臂章，同時後者亦未有主動交出，莫非車路士隊長之位經已在暗地裏完成交接？
今季換帥後，沙利馬上確立左大衛雷斯喺後防嘅領導地位，但同時亦有指出藍軍嘅後防球員質素未係最好，因而要求管理層收購祖雲達斯後衛魯加尼，可惜沙利心中嘅如意算盤並唔能夠打響，車路士一直在收購價上討價還價，最終導致轉會告吹。而睇返依加嘅中堅人腳，先後有蘇馬同卡拉斯外借離隊，淨返喺度嘅人手就只係得大衛雷斯、魯迪加、基斯甸臣同卡希爾四位，排除左艾斯派古達回復去閘位位置。
哩位車路士隊長自接過泰利班後無論場外場內表現一直備受批評，甚至有話副隊長艾斯派古達嘅領導能力更比佢優勝，不過如無意外今季嘅常用陣式將會圍繞以四後衛為主，加上藍軍亦要參與歐霸盃戰線，老實說四位中堅輪換兩個正選位其實先叫岩岩好，只要卡希爾唔係同大衛雷斯兩位速度較慢嘅球員同時上陣，配合返魯迪加或者基斯甸臣哩兩個轉身比較快同速度較高嘅球員，照計應該都唔會有太多驚險場面出現嘅。
由於上場歐霸盃賽事中基斯甸臣打足全場，沙利選擇喺今場將卡希爾放到後備席上，而哩位前隊長亦臨危受命地力保不失。雖然車路士官方人從未對外宣佈過今季藍軍正副隊長人選安排，不過種種場上跡象都顯示艾斯派古達經已為新一代藍軍領袖，至於上陣機會正進一步壓縮嘅卡希爾，有傳好大機會因為需要穩定嘅出場時間而喺一月轉會窗離開。
由有名無實的隊長，變到一無所有的隊員...
文章最後更新時間 : 24/09/2018 12:15
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
《原創文章 歡迎轉載 請列明出處 謝謝》
．圖片來源 : 90Min
琴晚車路士作客同韋斯咸打和零比零，當中後防重將魯迪加喺下半場時段傷出，而沙利首次派出今季尚未出過場嘅加利卡希爾上陣，有趣嘅係哩位英格蘭人一入場後並無要求副隊長艾斯派古達交出隊長臂章，同時後者亦未有主動交出，莫非車路士隊長之位經已在暗地裏完成交接？
今季換帥後，沙利馬上確立左大衛雷斯喺後防嘅領導地位，但同時亦有指出藍軍嘅後防球員質素未係最好，因而要求管理層收購祖雲達斯後衛魯加尼，可惜沙利心中嘅如意算盤並唔能夠打響，車路士一直在收購價上討價還價，最終導致轉會告吹。而睇返依加嘅中堅人腳，先後有蘇馬同卡拉斯外借離隊，淨返喺度嘅人手就只係得大衛雷斯、魯迪加、基斯甸臣同卡希爾四位，排除左艾斯派古達回復去閘位位置。
哩位車路士隊長自接過泰利班後無論場外場內表現一直備受批評，甚至有話副隊長艾斯派古達嘅領導能力更比佢優勝，不過如無意外今季嘅常用陣式將會圍繞以四後衛為主，加上藍軍亦要參與歐霸盃戰線，老實說四位中堅輪換兩個正選位其實先叫岩岩好，只要卡希爾唔係同大衛雷斯兩位速度較慢嘅球員同時上陣，配合返魯迪加或者基斯甸臣哩兩個轉身比較快同速度較高嘅球員，照計應該都唔會有太多驚險場面出現嘅。
由於上場歐霸盃賽事中基斯甸臣打足全場，沙利選擇喺今場將卡希爾放到後備席上，而哩位前隊長亦臨危受命地力保不失。雖然車路士官方人從未對外宣佈過今季藍軍正副隊長人選安排，不過種種場上跡象都顯示艾斯派古達經已為新一代藍軍領袖，至於上陣機會正進一步壓縮嘅卡希爾，有傳好大機會因為需要穩定嘅出場時間而喺一月轉會窗離開。
由有名無實的隊長，變到一無所有的隊員...
文章最後更新時間 : 24/09/2018 12:15
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/