《侮辱對手、操練遲到、拒絕出場樣樣做齊 巴卡約高既職業生涯好可能都真係「係咁先」》
《原創文章 歡迎轉載 請列明出處 謝謝》
-請支持藍獅 Facebook專頁-
侮辱對手、訓練遲到、拒絕出場，基本上犯左其中一樣都可以受到球隊重罰，什至會影響埋球員喺該球會既前程，而近期巴卡約高可以話「膽生毛」咁短時間內犯足哂哩三樣野，深信唔單止AC米蘭唔會喺季尾買斷佢，就連車路士黎緊想搵人接手都非常困難。
巴卡約高喺意甲既生涯絕對能夠以「過山車」式黎形容，被車路士棄用後以借用身份加盟AC米蘭，當時其實都唔太睇好佢能夠喺意甲闖出一片天，確實喺季初既時間法國人嘅表現都唔係太好，亦有試過繼續犯喺英超果陣比人「打荷包」既老毛病，導致球隊失波，隨即傳出主帥加度素有意「退貨」。不過經歷一段調整過後，巴卡約高喺冬季轉會窗之後表現亦有轉跌為升既趨勢，更成為AC米蘭正選十一人之一。
正當接近季尾而同時傳出加度素有意收歸旗下之制，巴卡約高先喺對拉素既賽事後高舉對手球衣作出侮辱，繼而因操練遲到而導致全隊閉門加操五日，再喺沉晚對陣博洛尼亞既賽事中拒絕出場，當時AC米蘭有中場球員受傷，加度素要求巴卡約高做好後備上場準備，但經過7-8分鐘既時間球員就連塊pad(護脛)都未戴好敷衍了事，鏡頭更捕捉到雙方爭論既畫面，基本上雙方既關係都經已達到缺裂既地步。
老實講其實如果唔係短時間內發生咁多事，相信都無乜球迷知原來巴卡約高既職業態度係如此惡劣，球員唔單止影響左自己既職業生涯，就連車路士都難以為佢再搵下一間球會接手，咁既操守就算你幾好波都好，大部份球隊唔願意承受哩個風險去收購你，更何況巴卡約高都唔算得上好波，難得有AC米蘭收留都唔珍惜的話，相信都只有重返法甲中下游先可以唯到唯一生機，不過人地能唔能夠承擔起球員人工亦係另一個問題。
但無論如何，巴卡約高對車路士都經已成為一件無底深潭既「水貨」。
文章發表時間 : 07/05/2019 15:20
文章最後更新時間 : 07/05/2019 15:20
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
侮辱對手、訓練遲到、拒絕出場，基本上犯左其中一樣都可以受到球隊重罰，什至會影響埋球員喺該球會既前程，而近期巴卡約高可以話「膽生毛」咁短時間內犯足哂哩三樣野，深信唔單止AC米蘭唔會喺季尾買斷佢，就連車路士黎緊想搵人接手都非常困難。
巴卡約高喺意甲既生涯絕對能夠以「過山車」式黎形容，被車路士棄用後以借用身份加盟AC米蘭，當時其實都唔太睇好佢能夠喺意甲闖出一片天，確實喺季初既時間法國人嘅表現都唔係太好，亦有試過繼續犯喺英超果陣比人「打荷包」既老毛病，導致球隊失波，隨即傳出主帥加度素有意「退貨」。不過經歷一段調整過後，巴卡約高喺冬季轉會窗之後表現亦有轉跌為升既趨勢，更成為AC米蘭正選十一人之一。
正當接近季尾而同時傳出加度素有意收歸旗下之制，巴卡約高先喺對拉素既賽事後高舉對手球衣作出侮辱，繼而因操練遲到而導致全隊閉門加操五日，再喺沉晚對陣博洛尼亞既賽事中拒絕出場，當時AC米蘭有中場球員受傷，加度素要求巴卡約高做好後備上場準備，但經過7-8分鐘既時間球員就連塊pad(護脛)都未戴好敷衍了事，鏡頭更捕捉到雙方爭論既畫面，基本上雙方既關係都經已達到缺裂既地步。
老實講其實如果唔係短時間內發生咁多事，相信都無乜球迷知原來巴卡約高既職業態度係如此惡劣，球員唔單止影響左自己既職業生涯，就連車路士都難以為佢再搵下一間球會接手，咁既操守就算你幾好波都好，大部份球隊唔願意承受哩個風險去收購你，更何況巴卡約高都唔算得上好波，難得有AC米蘭收留都唔珍惜的話，相信都只有重返法甲中下游先可以唯到唯一生機，不過人地能唔能夠承擔起球員人工亦係另一個問題。
但無論如何，巴卡約高對車路士都經已成為一件無底深潭既「水貨」。
文章發表時間 : 07/05/2019 15:20
文章最後更新時間 : 07/05/2019 15:20
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/