《給馬達的一封信》
《原創文章 歡迎轉載 請列明出處 謝謝》
-請支持藍獅 Facebook專頁-
馬達，即使轉投曼聯都好幾季既時間，相信佢喺部份車迷心目中仍然存在一定位置，論能力同星味馬達未必算係一個世界級球星，但佢無論喺場內場外所做既野係唔少世界級球星都做唔到，積極樂觀既態度以及鬥志令唔少球迷對佢寵愛有加，也許一個球壇就只有一個馬達。
首次踏足英超，當日由華倫西亞轉投英超車路士，收購馬達既主因唔多唔少都係同為左激活費蘭度托利斯有關，始終經歷左一季時間王子喺史丹福橋依然存在不適應，而馬達亦隨即成為車路士既核心球員之一，隊中唔少攻勢都交由西班牙人發板，亦令球迷欣賞得到藍軍缺少以耐既「技術流」，一改過往硬朗作風，最終馬達首季就經已為車路士攻入12球及助攻20球雙雙數字，更為球隊贏得歐聯及英格蘭足總盃雙料冠軍。
隨即球會一改轉會方針，喺「大耳朵盃」效應下收購夏薩特、奧斯卡等潛力球星，打正旗號希望以華麗既「技術流」作進攻風格，雖然季中成績未如理上之下由賓尼迪斯接替迪馬替奧為看守領隊，不過肥賓為車路士所制定既戰術體系絕對可以話度身訂造，火力全開下完全將馬達佢地幾個前場球員發揮得淋漓盡致，而西班牙人亦再進一步以19入球35個助攻完成喺藍軍既第二季，更為車路士贏得歐霸盃，個人成績可以話相當驚人。
可惜摩連奴二次接掌藍軍後，由於馬達對於防守既輸出不能滿足得到摩佬，加上思維上要求以簡單、直接以及快速去完成反擊，無論喺速度以至球風方面球員都唔係摩連奴所需要既類型，最終選擇離隊他投加盟曼聯。而命中注定之下摩連奴亦喺之後成為曼聯主帥，但馬達並沒有因此而存在放棄既意思，一直為球隊付出所有，無論有無正選定係連後備都無，球員都從不向外界宣洩不滿。
與此同時，馬達雖然唔係一個土生土長既英國人，不過佢對於一間球會既歷史同傳統價值唔會比一啲由球會出身既自家青訓球員低，對於一間球會以至週邊社區，馬達都非常樂於參與社區活動，再定期親筆以短文方式於社交媒體上向大眾分享，試問依加仲有幾多個球員會有咁樣既習慣？大多數一切都係以商業贊助為大前題，否則都只會愛理不理。
現今球壇上既「好好先生」愈見愈少，有時候唔淨止睇場上既戰術效益，場外既一言一行其實都能夠睇到一個球員既價值，有傳馬達有機會離開曼聯，雖然都無乜太大可能回歸車路士，不過偶然能夠FF一下其實都算唔錯...
文章發表時間 : 14/5/2019 15:30
文章最後更新時間 : 14/5/2019 15:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
馬達，即使轉投曼聯都好幾季既時間，相信佢喺部份車迷心目中仍然存在一定位置，論能力同星味馬達未必算係一個世界級球星，但佢無論喺場內場外所做既野係唔少世界級球星都做唔到，積極樂觀既態度以及鬥志令唔少球迷對佢寵愛有加，也許一個球壇就只有一個馬達。
首次踏足英超，當日由華倫西亞轉投英超車路士，收購馬達既主因唔多唔少都係同為左激活費蘭度托利斯有關，始終經歷左一季時間王子喺史丹福橋依然存在不適應，而馬達亦隨即成為車路士既核心球員之一，隊中唔少攻勢都交由西班牙人發板，亦令球迷欣賞得到藍軍缺少以耐既「技術流」，一改過往硬朗作風，最終馬達首季就經已為車路士攻入12球及助攻20球雙雙數字，更為球隊贏得歐聯及英格蘭足總盃雙料冠軍。
隨即球會一改轉會方針，喺「大耳朵盃」效應下收購夏薩特、奧斯卡等潛力球星，打正旗號希望以華麗既「技術流」作進攻風格，雖然季中成績未如理上之下由賓尼迪斯接替迪馬替奧為看守領隊，不過肥賓為車路士所制定既戰術體系絕對可以話度身訂造，火力全開下完全將馬達佢地幾個前場球員發揮得淋漓盡致，而西班牙人亦再進一步以19入球35個助攻完成喺藍軍既第二季，更為車路士贏得歐霸盃，個人成績可以話相當驚人。
可惜摩連奴二次接掌藍軍後，由於馬達對於防守既輸出不能滿足得到摩佬，加上思維上要求以簡單、直接以及快速去完成反擊，無論喺速度以至球風方面球員都唔係摩連奴所需要既類型，最終選擇離隊他投加盟曼聯。而命中注定之下摩連奴亦喺之後成為曼聯主帥，但馬達並沒有因此而存在放棄既意思，一直為球隊付出所有，無論有無正選定係連後備都無，球員都從不向外界宣洩不滿。
與此同時，馬達雖然唔係一個土生土長既英國人，不過佢對於一間球會既歷史同傳統價值唔會比一啲由球會出身既自家青訓球員低，對於一間球會以至週邊社區，馬達都非常樂於參與社區活動，再定期親筆以短文方式於社交媒體上向大眾分享，試問依加仲有幾多個球員會有咁樣既習慣？大多數一切都係以商業贊助為大前題，否則都只會愛理不理。
現今球壇上既「好好先生」愈見愈少，有時候唔淨止睇場上既戰術效益，場外既一言一行其實都能夠睇到一個球員既價值，有傳馬達有機會離開曼聯，雖然都無乜太大可能回歸車路士，不過偶然能夠FF一下其實都算唔錯...
文章發表時間 : 14/5/2019 15:30
文章最後更新時間 : 14/5/2019 15:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/