《林伯特拒接藍軍帥位 誓與打比郡再逐英超》
《原創文章 歡迎轉載 請列明出處 謝謝》
-請支持藍獅 Facebook專頁-
今季英冠最後一戰，由阿士東維拉同打比郡係溫布萊一同上演英冠附加賽決賽，爭逐來季英超名額，最終維拉以2-1擊敗對手成功升班，而一直有傳下季接掌車路士帥位既林伯特亦係賽後首次開腔，指自己同打比郡仲有兩年合約，即使來季升唔到班都唔太可能離開球隊。
單計往績，打比郡的確喺維拉之下，今季被雙殺之餘更係以大比數輸波，同時打比郡人腳質素亦無維拉咁好，今場波前者繼續以零星反擊為主，但比到人既感覺係前場球員分工不清，尤其係哈利威爾遜以及馬臣蒙特哩「雙核」，對住實力稍高既維拉兩者都發揮唔出應有既實力，而球隊好多時既攻勢最後都係求其一腳斬入禁區草草了事，無乜實際效果出到黎。
攻不銳之餘守亦不穩，季中雖然有艾殊利高爾「拍爛檔」加盟幫手，不過A高主要都係用經驗同路數搭救，講跑始終唔夠後生仔黎，同時防線人腳質素有限，今場波正正係後防兩個人為失誤直接將球隊「判死刑」，先係睇漏對手被後上頂入，再有守門員預計錯誤而導致失波，即使完場前追近一球亦都已經返魂乏術。
論林伯特以教波「初心者」既身份將打比郡帶到哩個位置其實都唔係易事，當中更反勝有「狂人」比爾沙執掌既列斯聯。說實話，相比於依加就接任車路士帥位，繼續留喺英冠對佢既執教生涯會有更大既幫助，不過今季喺佢手上有唔少戰術核心都係借返黎既「青春班」，就好似利物浦既哈利威爾遜以及車路士既馬臣蒙特同湯武利，人地來季未必會再比你續借，所以喺重新組軍方面必定係一個難題。
下季能唔能夠以直接升班名額競逐英超？林伯特既留低係重要，而黎緊哩個轉會窗既動作亦同樣重要。
文章發表時間 : 28/5/2019 17:15
文章最後更新時間 : 28/5/2019 17:15
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
今季英冠最後一戰，由阿士東維拉同打比郡係溫布萊一同上演英冠附加賽決賽，爭逐來季英超名額，最終維拉以2-1擊敗對手成功升班，而一直有傳下季接掌車路士帥位既林伯特亦係賽後首次開腔，指自己同打比郡仲有兩年合約，即使來季升唔到班都唔太可能離開球隊。
單計往績，打比郡的確喺維拉之下，今季被雙殺之餘更係以大比數輸波，同時打比郡人腳質素亦無維拉咁好，今場波前者繼續以零星反擊為主，但比到人既感覺係前場球員分工不清，尤其係哈利威爾遜以及馬臣蒙特哩「雙核」，對住實力稍高既維拉兩者都發揮唔出應有既實力，而球隊好多時既攻勢最後都係求其一腳斬入禁區草草了事，無乜實際效果出到黎。
攻不銳之餘守亦不穩，季中雖然有艾殊利高爾「拍爛檔」加盟幫手，不過A高主要都係用經驗同路數搭救，講跑始終唔夠後生仔黎，同時防線人腳質素有限，今場波正正係後防兩個人為失誤直接將球隊「判死刑」，先係睇漏對手被後上頂入，再有守門員預計錯誤而導致失波，即使完場前追近一球亦都已經返魂乏術。
論林伯特以教波「初心者」既身份將打比郡帶到哩個位置其實都唔係易事，當中更反勝有「狂人」比爾沙執掌既列斯聯。說實話，相比於依加就接任車路士帥位，繼續留喺英冠對佢既執教生涯會有更大既幫助，不過今季喺佢手上有唔少戰術核心都係借返黎既「青春班」，就好似利物浦既哈利威爾遜以及車路士既馬臣蒙特同湯武利，人地來季未必會再比你續借，所以喺重新組軍方面必定係一個難題。
下季能唔能夠以直接升班名額競逐英超？林伯特既留低係重要，而黎緊哩個轉會窗既動作亦同樣重要。
文章發表時間 : 28/5/2019 17:15
文章最後更新時間 : 28/5/2019 17:15
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/