《「球霸」踢走「球霸」？探討林伯特賣走雷斯背後的利弊》
《原創文章 歡迎轉載 請列明出處 謝謝》
-請支持藍獅 Facebook專頁-
事出突然，大衛雷斯由傳聞會離開再直到阿仙奴正式官宣都不需兩日既時間，當中不乏藍軍球迷難以理解既聲音，亦有球迷樂見歡送炸彈，而中立球迷亦對梅斯達菲伙拍雷斯哩個後防組合充滿幻想。而回歸現實以車路士角度喺，哩單交易上實質究竟係賺定蝕？一齊探討一下。
先由球會角度講起，上季早已知道轉會禁令會喺今季實行，車路士高層雖然成日做埋哂啲「無厘頭」交易，但佢地唔係傻，所以早以喺上半季為一啲就黎完約既球員開始商議續約內容，就好似柏度、馬高斯阿朗素咁，而大衛雷斯、韋利安哩兩位巴西人，就一直未有有關續約既消息，有傳聞球會從未開始相約過佢地經理人會面，亦有傳係對新合約不滿，但以局外人角度睇其實唔難理解，主因係車路士高層希望提出轉會禁令既上訴而能夠延遲執行期，令藍軍能夠喺岩岩哩個轉會窗都可以作出最後一次補強，咁就可以有更大空間作出操作。
但哩個如意算盤亦唔能夠打響，一而再再而三既上訴就只係徒勞無功，迫使高層無奈地喺季後同雷斯續約兩年，而合約所講哩兩年係經已打破球會過往常規，講緊既係就連泰利、林伯特哩啲「傳奇級」球員希望得到唔止一年合約都被球會拒絕，可想而知其實今次既轉會禁令係幾咁迫在眉睫，但球會選擇為球員續約，而球員喺同期轉會窗選擇離開，又究竟係咩玩法黎呢？就要由領隊同球員角度去睇埋落去。
林伯特同雷斯係陣中仲淨番喺度既歐冠陣容成員，論情感佢地兩個理應都好清楚大家，林伯特貴為球隊「傳奇級」名宿，今次回歸史丹福橋亦可以話係接受政治任務既挑戰，而雷斯喺更衣室內亦係繼艾斯派古達後最有「Say」既球員，感染力喺隊中黎講絕對係數一數二，如無意外亦都會係今季接手副隊長一職，而喺哩個時候各散東西，傳聞係指林伯特唔能夠向雷斯承諾來季必定有正選一職，導致後者意氣闌珊選擇離隊他投。
以依加既雷斯黎講，雖然「短路」畫面亦偶有發生，但論能力同戰術效益的確仍然能夠喺高水平聯賽既列強球隊中立足，後場用波能力、單防能力、個人技術，仲要未數指揮後防同提搶，說實話市面上又有幾多個擁有哩個級數既中堅存在於轉會市場當中？但對於林伯特黎講，今次回歸既主要任務係務求讓年輕球員上位，加上愛華頓曾力購上季外借到去既蘇馬，亦都因為林伯特承諾會給予上陣機會至令到球員選擇留低，但係喺唔會以三中堅作為主要陣式之下，加上基斯甸臣以及即將復出既魯迪加，其實都好難平均地分配出場時間。
觀點與角度，哩單交易可以話唔同人有唔同睇法，既然雷斯去意已決希望尋求佢所講既「新挑戰」，強留佢對雙方亦都唔會係好事，但對於依加車路士條防線黎講，缺乏巴西人既元素之下亦令球隊進攻同防守兩端出現不平衡，攻不銳同時守不穩，但係依加既藍軍都經已「Show Hand」，仲諗住執掂個後防？倒不如放手一博搞掂個進攻套路好過啦。
文章發表時間 : 22/08/2019 12:50
文章最後更新時間 : 22/08/2019 12:50
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
事出突然，大衛雷斯由傳聞會離開再直到阿仙奴正式官宣都不需兩日既時間，當中不乏藍軍球迷難以理解既聲音，亦有球迷樂見歡送炸彈，而中立球迷亦對梅斯達菲伙拍雷斯哩個後防組合充滿幻想。而回歸現實以車路士角度喺，哩單交易上實質究竟係賺定蝕？一齊探討一下。
先由球會角度講起，上季早已知道轉會禁令會喺今季實行，車路士高層雖然成日做埋哂啲「無厘頭」交易，但佢地唔係傻，所以早以喺上半季為一啲就黎完約既球員開始商議續約內容，就好似柏度、馬高斯阿朗素咁，而大衛雷斯、韋利安哩兩位巴西人，就一直未有有關續約既消息，有傳聞球會從未開始相約過佢地經理人會面，亦有傳係對新合約不滿，但以局外人角度睇其實唔難理解，主因係車路士高層希望提出轉會禁令既上訴而能夠延遲執行期，令藍軍能夠喺岩岩哩個轉會窗都可以作出最後一次補強，咁就可以有更大空間作出操作。
但哩個如意算盤亦唔能夠打響，一而再再而三既上訴就只係徒勞無功，迫使高層無奈地喺季後同雷斯續約兩年，而合約所講哩兩年係經已打破球會過往常規，講緊既係就連泰利、林伯特哩啲「傳奇級」球員希望得到唔止一年合約都被球會拒絕，可想而知其實今次既轉會禁令係幾咁迫在眉睫，但球會選擇為球員續約，而球員喺同期轉會窗選擇離開，又究竟係咩玩法黎呢？就要由領隊同球員角度去睇埋落去。
林伯特同雷斯係陣中仲淨番喺度既歐冠陣容成員，論情感佢地兩個理應都好清楚大家，林伯特貴為球隊「傳奇級」名宿，今次回歸史丹福橋亦可以話係接受政治任務既挑戰，而雷斯喺更衣室內亦係繼艾斯派古達後最有「Say」既球員，感染力喺隊中黎講絕對係數一數二，如無意外亦都會係今季接手副隊長一職，而喺哩個時候各散東西，傳聞係指林伯特唔能夠向雷斯承諾來季必定有正選一職，導致後者意氣闌珊選擇離隊他投。
以依加既雷斯黎講，雖然「短路」畫面亦偶有發生，但論能力同戰術效益的確仍然能夠喺高水平聯賽既列強球隊中立足，後場用波能力、單防能力、個人技術，仲要未數指揮後防同提搶，說實話市面上又有幾多個擁有哩個級數既中堅存在於轉會市場當中？但對於林伯特黎講，今次回歸既主要任務係務求讓年輕球員上位，加上愛華頓曾力購上季外借到去既蘇馬，亦都因為林伯特承諾會給予上陣機會至令到球員選擇留低，但係喺唔會以三中堅作為主要陣式之下，加上基斯甸臣以及即將復出既魯迪加，其實都好難平均地分配出場時間。
觀點與角度，哩單交易可以話唔同人有唔同睇法，既然雷斯去意已決希望尋求佢所講既「新挑戰」，強留佢對雙方亦都唔會係好事，但對於依加車路士條防線黎講，缺乏巴西人既元素之下亦令球隊進攻同防守兩端出現不平衡，攻不銳同時守不穩，但係依加既藍軍都經已「Show Hand」，仲諗住執掂個後防？倒不如放手一博搞掂個進攻套路好過啦。
文章發表時間 : 22/08/2019 12:50
文章最後更新時間 : 22/08/2019 12:50
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/