《伊度奧正式宣佈退役 還記得那些年在英超賽場奔馳過的「獵豹」嗎？》
《原創文章 歡迎轉載 請列明出處 謝謝》
-請支持藍獅 Facebook專頁-
伊度奧，一個相信令唔少後衛聞風喪膽既名字，球員出道於皇馬，而較為人熟悉係效力馬略卡、巴塞以及國米果大段時間，難以相信「獵豹」之後既然能夠出現於英超賽場，雖然效力時光並唔長，不過亦令唔少球迷津津樂道，現年38歲既伊度奧正式喺其社交媒體宣佈退役消息，一齊回顧一下佢既英超時光。
離開國際米蘭後，伊度奧選擇加盟俄超球會安治，球會係當時新挖起既富豪暴發戶，現時效力車路士既韋利安亦都係當時伊度奧既隊友，而離開主流球壇既目光使球迷認為後者會喺哩度享受最後既足球時光。可惜理想總是與現實有出入，安治好快失去投資，在沒有資金既支持底下需要削減高薪一族，大牌球星只能離隊他投，伊度奧正正係首批舉手離開既球員之一，而獵豹選擇既下一站，就係從未踏足過既英超，跟隨重掌帥印既摩連奴加盟車路士，再續國米前緣。
在摩連奴重掌車路士帥印時，球會只有費蘭度托利斯以及丹巴巴亞兩名前鋒，兩者無論功能還是屬性都過於單一，主要只係透過反擊製造起腳機會，無疑在這位置的確有需要進行人腳上既補充。雖然當時有部份球迷認為比伊度奧好既前鋒選擇大有人在，但在無需轉會費既前題底下收購伊度奧既性價比係十分之高，經驗會係帶到比球會最寶貴既資產，而能力絕對可以為車路士在鋒線上增添新元素。
獵豹並非一名典型喺禁區等波到既前鋒，除左總能夠將機會轉化成入球之外，同時能司職邊鋒既佢，好多時都會後切攞波，相比於另外兩位前鋒較多與隊友配合進攻，而且唔單止只係透過中路進行攻勢，適當機會亦會拉邊讓隊友插入中路再尋找機會，可以話務求令球隊得分而犧牲自己入球數字為隊友鋪橋搭路，即使已經離開主流目光兩年，在當時年紀唔輕同速度減退下，亦無阻佢証名自己仍然係球壇內一名相當有智慧同全面既前鋒，而代表作絕對係當季主場對曼聯個人連中三元既賽事。
雖然唔少球迷喺伊度奧登陸史丹福橋既初期都知道球員只屬「短期貨仔」，而獵豹整體表現亦比其他兩名前鋒為好，但從未諗到最後佢會同摩連奴不歡而散。一段入球荒令哩位葡萄牙名帥公開批評伊度奧既實際年齡與現實不乎，此舉當然令球員非常不滿，而獵豹則在之後既入波慶祝時，用動作去回應外界及摩連奴以示不滿。及後一季伊度奧選擇轉投愛華頓穿起另一件藍色球衣，與盧卡古在拖肥合組一對前車路士攻擊組合。
一季藍橋生涯，雖然最終曲終人散，不過都足以令唔少車路士球迷都留下深刻畫面。
文章發表時間 : 07/09/2019 11:30
文章最後更新時間 : 07/09/2019 11:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
伊度奧，一個相信令唔少後衛聞風喪膽既名字，球員出道於皇馬，而較為人熟悉係效力馬略卡、巴塞以及國米果大段時間，難以相信「獵豹」之後既然能夠出現於英超賽場，雖然效力時光並唔長，不過亦令唔少球迷津津樂道，現年38歲既伊度奧正式喺其社交媒體宣佈退役消息，一齊回顧一下佢既英超時光。
離開國際米蘭後，伊度奧選擇加盟俄超球會安治，球會係當時新挖起既富豪暴發戶，現時效力車路士既韋利安亦都係當時伊度奧既隊友，而離開主流球壇既目光使球迷認為後者會喺哩度享受最後既足球時光。可惜理想總是與現實有出入，安治好快失去投資，在沒有資金既支持底下需要削減高薪一族，大牌球星只能離隊他投，伊度奧正正係首批舉手離開既球員之一，而獵豹選擇既下一站，就係從未踏足過既英超，跟隨重掌帥印既摩連奴加盟車路士，再續國米前緣。
在摩連奴重掌車路士帥印時，球會只有費蘭度托利斯以及丹巴巴亞兩名前鋒，兩者無論功能還是屬性都過於單一，主要只係透過反擊製造起腳機會，無疑在這位置的確有需要進行人腳上既補充。雖然當時有部份球迷認為比伊度奧好既前鋒選擇大有人在，但在無需轉會費既前題底下收購伊度奧既性價比係十分之高，經驗會係帶到比球會最寶貴既資產，而能力絕對可以為車路士在鋒線上增添新元素。
獵豹並非一名典型喺禁區等波到既前鋒，除左總能夠將機會轉化成入球之外，同時能司職邊鋒既佢，好多時都會後切攞波，相比於另外兩位前鋒較多與隊友配合進攻，而且唔單止只係透過中路進行攻勢，適當機會亦會拉邊讓隊友插入中路再尋找機會，可以話務求令球隊得分而犧牲自己入球數字為隊友鋪橋搭路，即使已經離開主流目光兩年，在當時年紀唔輕同速度減退下，亦無阻佢証名自己仍然係球壇內一名相當有智慧同全面既前鋒，而代表作絕對係當季主場對曼聯個人連中三元既賽事。
雖然唔少球迷喺伊度奧登陸史丹福橋既初期都知道球員只屬「短期貨仔」，而獵豹整體表現亦比其他兩名前鋒為好，但從未諗到最後佢會同摩連奴不歡而散。一段入球荒令哩位葡萄牙名帥公開批評伊度奧既實際年齡與現實不乎，此舉當然令球員非常不滿，而獵豹則在之後既入波慶祝時，用動作去回應外界及摩連奴以示不滿。及後一季伊度奧選擇轉投愛華頓穿起另一件藍色球衣，與盧卡古在拖肥合組一對前車路士攻擊組合。
一季藍橋生涯，雖然最終曲終人散，不過都足以令唔少車路士球迷都留下深刻畫面。
文章發表時間 : 07/09/2019 11:30
文章最後更新時間 : 07/09/2019 11:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/