《基奧特 艾巴咸 巴舒亞伊 誰能勝任藍軍首席前鋒？淺談三人優劣分野》
《原創文章 歡迎轉載 請列明出處 謝謝》
-請支持藍獅 Facebook專頁-
上季夏薩特以21球成為車路士18/19球季既首席射手，自轉投皇馬後，所留下既入球數字就需要其他人分擔，而林伯特接掌藍軍帥印後為制於轉會禁令影響，喺唔能夠註冊新球員下唯有活用依加現有球員，喺未有前鋒球員離隊下，林伯特今季會點樣分配時間比到基奧特、艾巴咸同巴舒亞伊哩三位前鋒？而同時間佢地三個之間既技術特質又有咩分別？一齊討論下。
先講巴舒亞伊，相對於另外兩人，哩位比利時前鋒喺季前熱身得到既上陣時間絕對係比較多既一位，但可惜既係佢喺場上既功能實在過於單一，明明有唔錯既身體質素，但同同鄉盧卡古一樣都唔識善用哩副天生就擁有既優勢，喺日本既季前熱身賽什至見到唔夠一啲亞洲人撞，亦唔能夠以個人之力持球推進一段，主要係得禁區內埋門既最後一腳叫做最有板有眼，亦都可能因為咁所以自開季後一直都未有被林伯特安排上陣，雖然喺岩岩哩個轉會窗結束前未有離開，但如果今季喺啲本土盃賽都交唔到表現的話，相信完季後都好大機會離隊。
至於基奧特，戰術作用都可以話相當明顯，能夠善用身高以及身體優勢喺前線作支點接應長傳，再分兩邊翼鋒進行推進，又或者回後交到中場再作組織，但哩位法國國家隊首席中鋒既缺點亦都同樣明顯，速度慢加上把握力弱，喺反擊時未必能夠適時走到去對方禁區，不過對於車路士黎講基奧特既重要性絕對不下於巴舒亞伊，至少喺戰術功能上比比利時人亦較為豐富，無論正選還是後備第一人都勝任有餘。
而較為平衡到以上兩者特性既人，果個就係最後想講既艾巴咸，哩位青訓小將最殺食既係跑動範圍同速度，佢好肯喺前線作出迫搶，而同時亦擁有基奧特既背身同支點分波能力，不過對於門前把握力就有需要挑剔，對於佢哩類型既前鋒黎講務必要提升門前準確度，否則難以生存於英超列強，而見得到艾巴咸亦有加強對於門前最後一腳既訓練，亦喺每場波都愈見進步，先唔講能唔能夠破到「9號魔咒」，未來至少會係藍軍值得信賴既自家青訓前鋒。
喺林伯特唔會改變單前鋒既戰術體系下，相信艾巴咸同基奧特會輪流作正選後備，而如果兩者無傷無病的話估計巴舒亞伊只會喺本土盃賽至有機會上陣，而喺艾巴咸愈見上力既情況下，相信藍軍球迷們都開始改變開季前既取態，至少將夏薩特離開既後遺症減到最低。
文章發表時間 : 12/09/2019 14:45
文章最後更新時間 : 12/09/2019 14:45
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
上季夏薩特以21球成為車路士18/19球季既首席射手，自轉投皇馬後，所留下既入球數字就需要其他人分擔，而林伯特接掌藍軍帥印後為制於轉會禁令影響，喺唔能夠註冊新球員下唯有活用依加現有球員，喺未有前鋒球員離隊下，林伯特今季會點樣分配時間比到基奧特、艾巴咸同巴舒亞伊哩三位前鋒？而同時間佢地三個之間既技術特質又有咩分別？一齊討論下。
先講巴舒亞伊，相對於另外兩人，哩位比利時前鋒喺季前熱身得到既上陣時間絕對係比較多既一位，但可惜既係佢喺場上既功能實在過於單一，明明有唔錯既身體質素，但同同鄉盧卡古一樣都唔識善用哩副天生就擁有既優勢，喺日本既季前熱身賽什至見到唔夠一啲亞洲人撞，亦唔能夠以個人之力持球推進一段，主要係得禁區內埋門既最後一腳叫做最有板有眼，亦都可能因為咁所以自開季後一直都未有被林伯特安排上陣，雖然喺岩岩哩個轉會窗結束前未有離開，但如果今季喺啲本土盃賽都交唔到表現的話，相信完季後都好大機會離隊。
至於基奧特，戰術作用都可以話相當明顯，能夠善用身高以及身體優勢喺前線作支點接應長傳，再分兩邊翼鋒進行推進，又或者回後交到中場再作組織，但哩位法國國家隊首席中鋒既缺點亦都同樣明顯，速度慢加上把握力弱，喺反擊時未必能夠適時走到去對方禁區，不過對於車路士黎講基奧特既重要性絕對不下於巴舒亞伊，至少喺戰術功能上比比利時人亦較為豐富，無論正選還是後備第一人都勝任有餘。
而較為平衡到以上兩者特性既人，果個就係最後想講既艾巴咸，哩位青訓小將最殺食既係跑動範圍同速度，佢好肯喺前線作出迫搶，而同時亦擁有基奧特既背身同支點分波能力，不過對於門前把握力就有需要挑剔，對於佢哩類型既前鋒黎講務必要提升門前準確度，否則難以生存於英超列強，而見得到艾巴咸亦有加強對於門前最後一腳既訓練，亦喺每場波都愈見進步，先唔講能唔能夠破到「9號魔咒」，未來至少會係藍軍值得信賴既自家青訓前鋒。
喺林伯特唔會改變單前鋒既戰術體系下，相信艾巴咸同基奧特會輪流作正選後備，而如果兩者無傷無病的話估計巴舒亞伊只會喺本土盃賽至有機會上陣，而喺艾巴咸愈見上力既情況下，相信藍軍球迷們都開始改變開季前既取態，至少將夏薩特離開既後遺症減到最低。
文章發表時間 : 12/09/2019 14:45
文章最後更新時間 : 12/09/2019 14:45
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/