《一球世界波成名的背後 全因大衛雷斯離開而造就今日的湯姆利》
《原創文章 歡迎轉載 請列明出處 謝謝》
-請支持藍獅 Facebook專頁-
一球可以話「有今生無來世」既世界波，足足三十五碼既距離，造就左車路士以一場大勝擊敗左狼隊，哩位後防年輕小將湯姆利今季首次晉身藍軍一隊，連同艾巴咸以及馬臣蒙特一同喺林伯特手中得到唔少上陣機會，但有邊個估到其實湯姆利喺轉會窗完結前曾經好大機會會離開史丹福橋，全因大衛雷斯最終選擇離隊他投令前者得到留隊一席。
2005年，當時只有8歲既湯姆利經已加入車路士年青梯隊，同上次介紹過既尼爾斯占士（可參閱有關文章）一樣都係升至十八歲後正式簽下職業球員合同，而湯姆利喺效力藍軍U19期間曾協助球隊連續於14/15及15/16兩個球季獲得歐洲青年聯賽冠軍，同期隊友亦有依加一同喺一隊效力既基斯甸臣、路夫斯捷克等人，果幾屆既青年軍可以話相當星光熠熠，亦開始成為依加林伯特陣中既骨幹成員。
當然，湯姆利喺今季升到一隊之前亦離不開需要經歷外借鍛煉既生涯，相比於同樣為後防球員既基斯甸臣，擁有加拿大以及英格蘭雙重國籍既湯姆利只獲得國內球會既邀請，於17/18球季外借到英冠球隊候城，而當季表現亦相當理想，令候城喺季尾亦希望正式將哩位英格蘭小將收歸旗下，但被車路士拒絕，而喺繼後一個球季林伯特走馬上任成為打比郡主帥，令湯姆利再一次以借用身份落到英冠多一季，而湯姆利最終更力壓隊友蒙特成為上季打比郡年度最佳球員。
話需如此，但查實英格蘭人喺防守上既表現仍有好大既改善空間，經常會見到湯姆利因為唔集中而跟甩左人或頂空，同時位置感亦存在不足，車路士有好幾個失波其實都需要佢負責，只係上場用一個世界波蓋過左佢防守上既不足，而喺季初轉會窗結束前其實藍軍都希望將佢外借到英超球會試試水溫，有傳愛華頓亦有意借用佢一季填補車路士回收蘇馬既空缺，但最終因為大衛雷斯喺期限前選擇離隊他投，引致球會不得不擱置有關湯姆利既轉會，避免喺後防位置出現唔夠人用既情況。
無論點都好，湯姆利喺能力上的確存在不足之處，不過難得林伯特今季有用盡青訓資源既「免死金牌」，花時間喺湯姆利身上對球隊發展亦算係有正面作用，希望哩位英格蘭小將盡快改善有關缺點，至少能夠成為一位有力企穩英超既本土後衛。
文章發表時間 : 17/09/2019 14:15
文章最後更新時間 : 17/09/2019 18:20
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
一球可以話「有今生無來世」既世界波，足足三十五碼既距離，造就左車路士以一場大勝擊敗左狼隊，哩位後防年輕小將湯姆利今季首次晉身藍軍一隊，連同艾巴咸以及馬臣蒙特一同喺林伯特手中得到唔少上陣機會，但有邊個估到其實湯姆利喺轉會窗完結前曾經好大機會會離開史丹福橋，全因大衛雷斯最終選擇離隊他投令前者得到留隊一席。
2005年，當時只有8歲既湯姆利經已加入車路士年青梯隊，同上次介紹過既尼爾斯占士（可參閱有關文章）一樣都係升至十八歲後正式簽下職業球員合同，而湯姆利喺效力藍軍U19期間曾協助球隊連續於14/15及15/16兩個球季獲得歐洲青年聯賽冠軍，同期隊友亦有依加一同喺一隊效力既基斯甸臣、路夫斯捷克等人，果幾屆既青年軍可以話相當星光熠熠，亦開始成為依加林伯特陣中既骨幹成員。
當然，湯姆利喺今季升到一隊之前亦離不開需要經歷外借鍛煉既生涯，相比於同樣為後防球員既基斯甸臣，擁有加拿大以及英格蘭雙重國籍既湯姆利只獲得國內球會既邀請，於17/18球季外借到英冠球隊候城，而當季表現亦相當理想，令候城喺季尾亦希望正式將哩位英格蘭小將收歸旗下，但被車路士拒絕，而喺繼後一個球季林伯特走馬上任成為打比郡主帥，令湯姆利再一次以借用身份落到英冠多一季，而湯姆利最終更力壓隊友蒙特成為上季打比郡年度最佳球員。
話需如此，但查實英格蘭人喺防守上既表現仍有好大既改善空間，經常會見到湯姆利因為唔集中而跟甩左人或頂空，同時位置感亦存在不足，車路士有好幾個失波其實都需要佢負責，只係上場用一個世界波蓋過左佢防守上既不足，而喺季初轉會窗結束前其實藍軍都希望將佢外借到英超球會試試水溫，有傳愛華頓亦有意借用佢一季填補車路士回收蘇馬既空缺，但最終因為大衛雷斯喺期限前選擇離隊他投，引致球會不得不擱置有關湯姆利既轉會，避免喺後防位置出現唔夠人用既情況。
無論點都好，湯姆利喺能力上的確存在不足之處，不過難得林伯特今季有用盡青訓資源既「免死金牌」，花時間喺湯姆利身上對球隊發展亦算係有正面作用，希望哩位英格蘭小將盡快改善有關缺點，至少能夠成為一位有力企穩英超既本土後衛。
文章發表時間 : 17/09/2019 14:15
文章最後更新時間 : 17/09/2019 18:20
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/