《又話巴克利係十二碼儈子手？車路士對白禮頓賽後分析》
《原創文章 歡迎轉載 請列明出處 謝謝》
-請支持藍獅 Facebook專頁-
終於終於終於取得開季至今第一場主場勝仗，終於終於終於取得開季至今第一場不失球既賽事，見到賽前張出場同後備名單相信車迷們都會打個突，點解又會無左簡迪？點解後備又無左蘇馬？其實車路士本身傷兵都已經比以往多，尤其簡迪是關重要，林伯特解釋係因為球員喺沉日訓練中感到痛楚，所以避戰以策安全。
睇番個正選陣容，巴克利、蒙特、柏度、韋利安同場上陣，未到開波果刻都仲懷疑緊會打4231定433，而吹雞後睇到選用左後者，將蒙特放到左中場配合翼鋒既韋利安，自今場過後相信林伯特今季會主要以三後衛同433作黎緊選用既主要陣式。
開賽初段球隊長時間維持左路側擊，韋利安、蒙特及阿朗素多番製造進攻機會，三個互相配合走位亦都非常合作，好多時韋利安持球走入中路後蒙特亦會自己走去拉邊，透過走位同小範圍短傳拉開對手，令白禮頓即使「泊大巴」亦守得非常吃力，同時見到與沙利既433比較，林伯特同樣地所用既433對於面對主守既球隊時優勢會更加明顯，亦少左過往老鼠拉龜既畫面出現。
但係喺門前把握方面始終都總係差啲咁，同大家數下啲黃金餐，艾巴咸頭槌中柱、阿朗素左路出波比走入禁區既巴克利射中龍、艾巴咸拉中對手中堅後頭槌二傳比柏度半單刀中龍、以及阿朗素一對一龍門zin腳炒飛機 單單就咁數上半場經已有成四至五次必入球機會，林伯特喺賽後亦都有表示球隊的確有能力以更大比數擊敗對手，深信黎緊訓練之中會加強中前場球員喺一對一面對龍門時既心態同決定。
而下半場喺佐真奴射入十二碼過後換入傷癒復出既奧岱打左邊，將韋利安調到右邊，睇到哩位英格蘭小將喺推進方面依然保持到速度同盤球能力，反而喺傳送質素方面相信就再需要多一啲時間，佢亦好肯喺反擊時斜線走入中路，下半場有兩下都係咁將個波穿比韋利安，更有一球成為助攻，配合蒙特上前補位既情況下至少同時會有四個球員參與反擊，流動量大之下令威脅更加有力。
今場波想讚下其中三位球員，相信第一個大家都知係邊個，無錯係佐真奴，唔知係簡迪唔喺場上既關係，今場波佐真奴好似注入左簡迪既基因咁，唔係吹大左，唔信的話你可以開個全場黎睇下，真係前中後你都見到佢，肯迫肯搶，而好多時隊友迫甩到對手波後都會見到係佐真奴拎到個波再發動反擊，今場波都幾肯定會對一啲本身對佐真奴麻麻地既車迷一改觀感。
至於另外兩位打得好既反而想講係阿朗素同湯姆利，前者打得好既原因好大程度係因為後者，點解咁講？是因阿朗素其實大家都知佢老問題係乜，回防跑得慢、經常上左前、進攻意欲大，但正因為係咁先增加到多一個前線攻擊點，而同時只要後面有一包到佢個位的話其實成件事就會好唔到，過去左中堅位置會由大衛雷斯擔任，但巴西人同樣速度唔高，增加左對魯迪加喺體力上既負擔，而湯姆利就正正能夠做好哩個角色，之前都講過哩位英格蘭小將既跑動速度好快，就算甩左位佢都可以追得返，哩一點正正填補到阿朗素所遺留既空缺。當然，對手都只係白禮頓未必有太多考驗，不過相信時間會証明湯姆利係戰術作用喺林伯特心目中所佔既位置係都幾大。
.
至於最後想講個笑話比大家聽，就係巴克利...完！
文章發表時間 : 29/09/2019 11:10
文章最後更新時間 : 29/09/2019 11:10
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
終於終於終於取得開季至今第一場主場勝仗，終於終於終於取得開季至今第一場不失球既賽事，見到賽前張出場同後備名單相信車迷們都會打個突，點解又會無左簡迪？點解後備又無左蘇馬？其實車路士本身傷兵都已經比以往多，尤其簡迪是關重要，林伯特解釋係因為球員喺沉日訓練中感到痛楚，所以避戰以策安全。
睇番個正選陣容，巴克利、蒙特、柏度、韋利安同場上陣，未到開波果刻都仲懷疑緊會打4231定433，而吹雞後睇到選用左後者，將蒙特放到左中場配合翼鋒既韋利安，自今場過後相信林伯特今季會主要以三後衛同433作黎緊選用既主要陣式。
開賽初段球隊長時間維持左路側擊，韋利安、蒙特及阿朗素多番製造進攻機會，三個互相配合走位亦都非常合作，好多時韋利安持球走入中路後蒙特亦會自己走去拉邊，透過走位同小範圍短傳拉開對手，令白禮頓即使「泊大巴」亦守得非常吃力，同時見到與沙利既433比較，林伯特同樣地所用既433對於面對主守既球隊時優勢會更加明顯，亦少左過往老鼠拉龜既畫面出現。
但係喺門前把握方面始終都總係差啲咁，同大家數下啲黃金餐，艾巴咸頭槌中柱、阿朗素左路出波比走入禁區既巴克利射中龍、艾巴咸拉中對手中堅後頭槌二傳比柏度半單刀中龍、以及阿朗素一對一龍門zin腳炒飛機 單單就咁數上半場經已有成四至五次必入球機會，林伯特喺賽後亦都有表示球隊的確有能力以更大比數擊敗對手，深信黎緊訓練之中會加強中前場球員喺一對一面對龍門時既心態同決定。
而下半場喺佐真奴射入十二碼過後換入傷癒復出既奧岱打左邊，將韋利安調到右邊，睇到哩位英格蘭小將喺推進方面依然保持到速度同盤球能力，反而喺傳送質素方面相信就再需要多一啲時間，佢亦好肯喺反擊時斜線走入中路，下半場有兩下都係咁將個波穿比韋利安，更有一球成為助攻，配合蒙特上前補位既情況下至少同時會有四個球員參與反擊，流動量大之下令威脅更加有力。
今場波想讚下其中三位球員，相信第一個大家都知係邊個，無錯係佐真奴，唔知係簡迪唔喺場上既關係，今場波佐真奴好似注入左簡迪既基因咁，唔係吹大左，唔信的話你可以開個全場黎睇下，真係前中後你都見到佢，肯迫肯搶，而好多時隊友迫甩到對手波後都會見到係佐真奴拎到個波再發動反擊，今場波都幾肯定會對一啲本身對佐真奴麻麻地既車迷一改觀感。
至於另外兩位打得好既反而想講係阿朗素同湯姆利，前者打得好既原因好大程度係因為後者，點解咁講？是因阿朗素其實大家都知佢老問題係乜，回防跑得慢、經常上左前、進攻意欲大，但正因為係咁先增加到多一個前線攻擊點，而同時只要後面有一包到佢個位的話其實成件事就會好唔到，過去左中堅位置會由大衛雷斯擔任，但巴西人同樣速度唔高，增加左對魯迪加喺體力上既負擔，而湯姆利就正正能夠做好哩個角色，之前都講過哩位英格蘭小將既跑動速度好快，就算甩左位佢都可以追得返，哩一點正正填補到阿朗素所遺留既空缺。當然，對手都只係白禮頓未必有太多考驗，不過相信時間會証明湯姆利係戰術作用喺林伯特心目中所佔既位置係都幾大。
.
至於最後想講個笑話比大家聽，就係巴克利...完！
文章發表時間 : 29/09/2019 11:10
文章最後更新時間 : 29/09/2019 11:10
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/