《由左翼衛化身成為左閘？ 淺談馬高斯阿朗素在林伯特手中的蛻變》
《原創文章 歡迎轉載 請列明出處 謝謝》
-請支持藍獅 Facebook專頁-
．圖片來源 : plus.lesoir.be
受惠於艾馬臣受傷，馬高斯阿朗素從林伯特手中既後備變為正選，而西班牙人無論喺三後衛還是433陣式當中表現都相當唔錯，戰術內容既包裝令阿朗素得到回勇既發揮，同時球員亦喺場上作出力圖爭取正選既表現，如果能夠繼續保持狀態的話，相信艾馬臣復出會令林伯特喺左閘位置上充滿幸福既煩惱。
三代都係職業球員，祖父為皇馬名宿，父親亦係當年巴塞及馬體會既重要一員，但阿朗素既職業生涯開始時並無因而順風順水，反而要經歷過高低起跌，好唔容易至得到加盟車路士既機會，初到史丹福橋並接上3號波衫。然而最初球迷們對這單收購不敢抱太大期望，畢竟自車路士傳奇左閘艾殊利高爾離開後，除了艾斯派古達兼任左閘位較為合適外，收購番黎擁有各自聯賽名涵既菲臘比路易斯以及巴巴拉文都係敗走收場，更何況馬高斯阿朗素喺加盟藍軍前可以話藉藉無名。
不過干地比到一個阿朗素成名既機會，球員喺左翼衛既位置上發揮得相當得宜，更令車路士最終成為應屆英超冠軍，無諗過當日只喺英超效力保頓既阿朗素能夠成為今日既冠軍功臣。不過球員喺沙利手上就無得再打翼衛位要打左閘，始終西班牙人攻強守弱方面既缺憾，所以經常見到佢跑左上前回唔切後既情況出現無數次。
而自林伯特上任後，阿朗素既處境並沒有馬上一百八十度轉變，係直到上個國際賽週期艾馬臣喺意大利國大隊受傷後，前者先得到正選上陣既機會，林伯特近期較常用於三後衛以及433陣式，以無論係喺邊套陣式當中西班牙人既表現都無太大落差，主要原因係因為佢隔離既左中堅係由湯姆利去擔任，上季哩個位置係由大衛雷斯負責，但佢同阿朗素既缺點一樣都係易失位以及速度慢。
反而湯姆利既速度能夠快速填補到阿朗素所留下既左後場區域，雖然防守技巧上未係話好全面，仍然會存在唔少個人失誤，但至少湯姆利能夠「得」住個位先，等到阿朗素以及中場球員返黎回防幫手，亦間接能夠繼續釋放西班牙人既進攻意識，始終無論喺左路出波比隊友頭槌攻門還是自己入禁區等機會射門都算係具威脅既「奇招」黎。
雖然近日有傳車路士希望於一月再次上訴務求「打甩」轉會禁令，收購部份位置既球員包括左閘，不過個人認為以阿朗素依加既狀態同表現，即使艾馬臣復出仍然能爭一日之長短，至少喺林伯特既包裝底下球員能夠發揮出應有既表現，哩一點絕對係無容置疑。
文章發表時間 : 13/10/2019 09:50
文章最後更新時間 : 13/10/2019 09:50
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
．圖片來源 : plus.lesoir.be
受惠於艾馬臣受傷，馬高斯阿朗素從林伯特手中既後備變為正選，而西班牙人無論喺三後衛還是433陣式當中表現都相當唔錯，戰術內容既包裝令阿朗素得到回勇既發揮，同時球員亦喺場上作出力圖爭取正選既表現，如果能夠繼續保持狀態的話，相信艾馬臣復出會令林伯特喺左閘位置上充滿幸福既煩惱。
三代都係職業球員，祖父為皇馬名宿，父親亦係當年巴塞及馬體會既重要一員，但阿朗素既職業生涯開始時並無因而順風順水，反而要經歷過高低起跌，好唔容易至得到加盟車路士既機會，初到史丹福橋並接上3號波衫。然而最初球迷們對這單收購不敢抱太大期望，畢竟自車路士傳奇左閘艾殊利高爾離開後，除了艾斯派古達兼任左閘位較為合適外，收購番黎擁有各自聯賽名涵既菲臘比路易斯以及巴巴拉文都係敗走收場，更何況馬高斯阿朗素喺加盟藍軍前可以話藉藉無名。
不過干地比到一個阿朗素成名既機會，球員喺左翼衛既位置上發揮得相當得宜，更令車路士最終成為應屆英超冠軍，無諗過當日只喺英超效力保頓既阿朗素能夠成為今日既冠軍功臣。不過球員喺沙利手上就無得再打翼衛位要打左閘，始終西班牙人攻強守弱方面既缺憾，所以經常見到佢跑左上前回唔切後既情況出現無數次。
而自林伯特上任後，阿朗素既處境並沒有馬上一百八十度轉變，係直到上個國際賽週期艾馬臣喺意大利國大隊受傷後，前者先得到正選上陣既機會，林伯特近期較常用於三後衛以及433陣式，以無論係喺邊套陣式當中西班牙人既表現都無太大落差，主要原因係因為佢隔離既左中堅係由湯姆利去擔任，上季哩個位置係由大衛雷斯負責，但佢同阿朗素既缺點一樣都係易失位以及速度慢。
反而湯姆利既速度能夠快速填補到阿朗素所留下既左後場區域，雖然防守技巧上未係話好全面，仍然會存在唔少個人失誤，但至少湯姆利能夠「得」住個位先，等到阿朗素以及中場球員返黎回防幫手，亦間接能夠繼續釋放西班牙人既進攻意識，始終無論喺左路出波比隊友頭槌攻門還是自己入禁區等機會射門都算係具威脅既「奇招」黎。
雖然近日有傳車路士希望於一月再次上訴務求「打甩」轉會禁令，收購部份位置既球員包括左閘，不過個人認為以阿朗素依加既狀態同表現，即使艾馬臣復出仍然能爭一日之長短，至少喺林伯特既包裝底下球員能夠發揮出應有既表現，哩一點絕對係無容置疑。
文章發表時間 : 13/10/2019 09:50
文章最後更新時間 : 13/10/2019 09:50
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/