《「蝙蝠俠」終於降臨史丹福橋 巴舒亞伊成林伯特手中的救亡者》
《原創文章 歡迎轉載 請列明出處 謝謝》
-請支持藍獅 Facebook專頁-
8場波5個入球2個助攻，就咁睇數據的話絕對合格有餘，而如果同你講哩啲數據係巴舒亞伊今季既記錄，你又有冇啲感到意外？無錯，即使比利時人今季絕大部份時間都係以後備身份上場，不過佢所交出既成績真係一啲都唔失禮，相信唔少球隊都希望自己能夠擁有同樣數據既後備前鋒，似乎花名為「蝙蝠俠」既巴舒亞伊經已成功喺林伯特手上取得唔少歡心。
唔經唔覺比利時人自16年喺法甲馬賽加盟後都已經踏入第三個年頭，但巴舒亞伊喺史丹福橋既生涯並唔係順風順水，雖然首季就一嘗英超冠軍夢，不過上陣機會並唔多，主要都係擔任當時首席射入既迪亞高哥斯達後備，而賽季完結後西班牙人就同干地鬧翻左，隨即換來既係由皇馬來投既莫拉達，雖然黎到第二季巴舒亞伊既上陣時間係有顯注提升，不過交出既成績依然唔能夠比佢競逐長期正選一席，始終未能適應干地所打既戰術，而哩位意大利主帥亦未有明顯幫助巴舒亞伊發揮，最終喺季中球會就將佢借到當時缺少前鋒多蒙特半季，亦開始左球員斷斷續續既外借生涯。
短短一年半既時間，巴舒亞伊先後外借到多蒙特、華倫西亞以及水晶宮發展，單睇番佢喺哩三間球會既成績，比利時人喺德甲效力既表現最為亮眼，多蒙特其實喺當屆季尾後有向車路士提出買斷收購，但遭藍軍高層一口拒絕，如果當日選擇比佢留番喺德甲的話，可能巴舒亞伊既職業生涯唔洗咁迂迴曲折。而華倫西亞既外借生涯真係唔洗多提，完全同球隊戰術格格不入，至於外借水晶宮既表現就不過不失，至少睇到其實巴舒亞伊係有能力生存於英超之中，只係究竟主帥喺戰術包裝上點樣可以發揮到佢既長處。
其實季初果幾場比賽巴舒亞伊都未有入選賽事名單當中，林伯特主要將後備前鋒哩個位放左比基奧特，係直到「銀河唯一」喺第四週開始因傷缺席，比利時人先至有機會晉身於後備名單之中，亦得到一部份上陣時間，喺狀態漸見起色之後，林伯特亦好願意比佢喺一啲本土盃賽及歐聯賽事中上陣，而喺場上既表現都睇到，巴舒亞伊喺身型上能夠為前線帶到比艾巴咸更強既衝擊力，而支點停波同分波方面亦比起當初剛加盟車路士時有唔少進步，至少無再咁雞手鴨腳，不過喺各方面仍然有唔少提升空間。
喺早前作客對阿積士既歐聯分組賽中更射入致勝既一球為球隊全收三分，係運氣定係實力都唔需要太過執著，最重要既係佢能夠為球隊喺下半場出到黎有改寫戰局既能力，就好似利物浦既奧歷治一樣，再加上巴舒亞伊同佩利錫喺多蒙特合作過，雖然只係短短半季，不過佢地兩個依加喺史丹福橋既化學作用都相當明顯，對球隊喺臨場調配既戰術效果絕對係百利而無一害。
蝙蝠俠...終於成功降臨車路士之中...
文章發表時間 : 4/11/2019 13:40
文章最後更新時間 : 4/11/2019 13:40
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
8場波5個入球2個助攻，就咁睇數據的話絕對合格有餘，而如果同你講哩啲數據係巴舒亞伊今季既記錄，你又有冇啲感到意外？無錯，即使比利時人今季絕大部份時間都係以後備身份上場，不過佢所交出既成績真係一啲都唔失禮，相信唔少球隊都希望自己能夠擁有同樣數據既後備前鋒，似乎花名為「蝙蝠俠」既巴舒亞伊經已成功喺林伯特手上取得唔少歡心。
唔經唔覺比利時人自16年喺法甲馬賽加盟後都已經踏入第三個年頭，但巴舒亞伊喺史丹福橋既生涯並唔係順風順水，雖然首季就一嘗英超冠軍夢，不過上陣機會並唔多，主要都係擔任當時首席射入既迪亞高哥斯達後備，而賽季完結後西班牙人就同干地鬧翻左，隨即換來既係由皇馬來投既莫拉達，雖然黎到第二季巴舒亞伊既上陣時間係有顯注提升，不過交出既成績依然唔能夠比佢競逐長期正選一席，始終未能適應干地所打既戰術，而哩位意大利主帥亦未有明顯幫助巴舒亞伊發揮，最終喺季中球會就將佢借到當時缺少前鋒多蒙特半季，亦開始左球員斷斷續續既外借生涯。
短短一年半既時間，巴舒亞伊先後外借到多蒙特、華倫西亞以及水晶宮發展，單睇番佢喺哩三間球會既成績，比利時人喺德甲效力既表現最為亮眼，多蒙特其實喺當屆季尾後有向車路士提出買斷收購，但遭藍軍高層一口拒絕，如果當日選擇比佢留番喺德甲的話，可能巴舒亞伊既職業生涯唔洗咁迂迴曲折。而華倫西亞既外借生涯真係唔洗多提，完全同球隊戰術格格不入，至於外借水晶宮既表現就不過不失，至少睇到其實巴舒亞伊係有能力生存於英超之中，只係究竟主帥喺戰術包裝上點樣可以發揮到佢既長處。
其實季初果幾場比賽巴舒亞伊都未有入選賽事名單當中，林伯特主要將後備前鋒哩個位放左比基奧特，係直到「銀河唯一」喺第四週開始因傷缺席，比利時人先至有機會晉身於後備名單之中，亦得到一部份上陣時間，喺狀態漸見起色之後，林伯特亦好願意比佢喺一啲本土盃賽及歐聯賽事中上陣，而喺場上既表現都睇到，巴舒亞伊喺身型上能夠為前線帶到比艾巴咸更強既衝擊力，而支點停波同分波方面亦比起當初剛加盟車路士時有唔少進步，至少無再咁雞手鴨腳，不過喺各方面仍然有唔少提升空間。
喺早前作客對阿積士既歐聯分組賽中更射入致勝既一球為球隊全收三分，係運氣定係實力都唔需要太過執著，最重要既係佢能夠為球隊喺下半場出到黎有改寫戰局既能力，就好似利物浦既奧歷治一樣，再加上巴舒亞伊同佩利錫喺多蒙特合作過，雖然只係短短半季，不過佢地兩個依加喺史丹福橋既化學作用都相當明顯，對球隊喺臨場調配既戰術效果絕對係百利而無一害。
蝙蝠俠...終於成功降臨車路士之中...
文章發表時間 : 4/11/2019 13:40
文章最後更新時間 : 4/11/2019 13:40
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/