《泰利回歸史丹福橋 車路士對阿士東維拉賽後分析》
《原創文章 歡迎轉載 請列明出處 謝謝》
-請支持藍獅 Facebook專頁-
喺主場輸左比韋斯咸之後，話咁快就要對阿士東維拉，喺連續兩場英超失分之後車路士所面對壓力並唔細，雖然同排名榜上既第五位保持一定距離，不過始終都能夠比上面既對手拉得太遠。
今場波林伯特繼續以4231出戰，由於上場前線經已作出大幅度輪換，加上今場波有艾巴咸賽前趕及復出，令前線配置回復常用陣容，艾巴咸繼續配合韋利安及佩利錫為攻堅，而攻中位由蒙特擔任，身後收起左佐真奴作輪換而用左簡迪打正選配搭高華錫，至於後場亦換入左基斯甸臣搭蘇馬，而艾斯派古達為左閘正選，右閘位置就交由尼爾斯占士出任。
今次會花少少篇幅講一講尼爾斯占士哩個後生仔，自從佢傷癒復出後林伯特一直對佢委以重任，除左英超之外連歐聯都會比機會佢，而唔少球迷都認為占士會係取代艾斯派古達既人選，不過之前其實都有講過，雖然後者喺回防速率同助攻力上不復當年之勇，但西班牙人勝在穩定，再加上為球隊隊長，喺無乜太大顯著跌watt之前其實林伯特係無乜太大可能長期收起佢，而事實上亦見得到占士直接取代既人係馬高斯阿朗素，而將艾斯派古達調到去佢都適合打既左閘位。
占士其實被當地傳媒形容為「坦克車(Tank)」，其實哩個形容可以話相當貼切，好多時見到佢喺啲一對一對抗上絕對唔會處於下風，而今場亦見得到即使佢需要one on one面對住維拉中鋒韋斯利(Wesley)爭頂，占士都可以成功「擔」得住個位，再加上球員本身出波都準，今場波第一球都係由佢交，如果繼續keep到落去的話敢相信占士未來會成為車路士好耐無見過既英格蘭籍右閘正選。
至於場波，車路士都依然係保持一貫踢法，以邊路小組配合以及速度性反擊作招數，而高華錫職責上偏近佐真奴既工作，逗後負責策動攻勢，有機會先至會前插，而今場波亦少左好多邊路上既誤傳，如果你有睇上場對韋斯咸既賽事都知，果場波真係有理無理都斬左入禁區先，根本唔會睇人就斬，仲要下下斬落去無人既近柱，今場波就回復返正常，亦睇得到艾巴咸復出既重要性喺度。
不過都要講返條後防線，基斯甸臣久違復出後換任正選，佢配合蘇馬其實理應係魯迪加因傷缺陣下既首選，可惜佢早前都因傷而比左湯姆利打，睇番今場波球失波，喺左路比人拉散後，對手一個高波吊入禁區後前插頂入，以成條防線黎睇，無乜邊個要負上個人失誤之責，反而係每個人都要負責番少少，對手主要係食住占士唔能夠一個睇兩個之下前插頂入，如果中場又者右路韋利安肯跟的話係有可能唔失哩一球。
今晚8:30早場，將會作客岩岩炒左主帥既愛華頓。
文章發表時間 : 7/12/2019 12:20
文章最後更新時間 : 7/12/2019 12:20
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
喺主場輸左比韋斯咸之後，話咁快就要對阿士東維拉，喺連續兩場英超失分之後車路士所面對壓力並唔細，雖然同排名榜上既第五位保持一定距離，不過始終都能夠比上面既對手拉得太遠。
今場波林伯特繼續以4231出戰，由於上場前線經已作出大幅度輪換，加上今場波有艾巴咸賽前趕及復出，令前線配置回復常用陣容，艾巴咸繼續配合韋利安及佩利錫為攻堅，而攻中位由蒙特擔任，身後收起左佐真奴作輪換而用左簡迪打正選配搭高華錫，至於後場亦換入左基斯甸臣搭蘇馬，而艾斯派古達為左閘正選，右閘位置就交由尼爾斯占士出任。
今次會花少少篇幅講一講尼爾斯占士哩個後生仔，自從佢傷癒復出後林伯特一直對佢委以重任，除左英超之外連歐聯都會比機會佢，而唔少球迷都認為占士會係取代艾斯派古達既人選，不過之前其實都有講過，雖然後者喺回防速率同助攻力上不復當年之勇，但西班牙人勝在穩定，再加上為球隊隊長，喺無乜太大顯著跌watt之前其實林伯特係無乜太大可能長期收起佢，而事實上亦見得到占士直接取代既人係馬高斯阿朗素，而將艾斯派古達調到去佢都適合打既左閘位。
占士其實被當地傳媒形容為「坦克車(Tank)」，其實哩個形容可以話相當貼切，好多時見到佢喺啲一對一對抗上絕對唔會處於下風，而今場亦見得到即使佢需要one on one面對住維拉中鋒韋斯利(Wesley)爭頂，占士都可以成功「擔」得住個位，再加上球員本身出波都準，今場波第一球都係由佢交，如果繼續keep到落去的話敢相信占士未來會成為車路士好耐無見過既英格蘭籍右閘正選。
至於場波，車路士都依然係保持一貫踢法，以邊路小組配合以及速度性反擊作招數，而高華錫職責上偏近佐真奴既工作，逗後負責策動攻勢，有機會先至會前插，而今場波亦少左好多邊路上既誤傳，如果你有睇上場對韋斯咸既賽事都知，果場波真係有理無理都斬左入禁區先，根本唔會睇人就斬，仲要下下斬落去無人既近柱，今場波就回復返正常，亦睇得到艾巴咸復出既重要性喺度。
不過都要講返條後防線，基斯甸臣久違復出後換任正選，佢配合蘇馬其實理應係魯迪加因傷缺陣下既首選，可惜佢早前都因傷而比左湯姆利打，睇番今場波球失波，喺左路比人拉散後，對手一個高波吊入禁區後前插頂入，以成條防線黎睇，無乜邊個要負上個人失誤之責，反而係每個人都要負責番少少，對手主要係食住占士唔能夠一個睇兩個之下前插頂入，如果中場又者右路韋利安肯跟的話係有可能唔失哩一球。
今晚8:30早場，將會作客岩岩炒左主帥既愛華頓。
文章發表時間 : 7/12/2019 12:20
文章最後更新時間 : 7/12/2019 12:20
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/