《魯迪加強勢回歸亦難以不失 藍軍以小組次名逃出死亡之組》
《原創文章 歡迎轉載 請列明出處 謝謝》
-請支持藍獅 Facebook專頁-
今場波既目標好清晰，就係只要赢到波既話車路士就可以晉級，而無需理會另一邊箱阿積士對華倫西亞既賽果，而最終藍軍亦以「煲魚生粥」姿態成功奪取三分，雖然仍然難保不失，但總算相隔一季後重返歐聯淘汰賽，亦成功喺死亡之組中生還。
.
同賽前預計一樣，今場林伯特會回歸433陣式，早前都有講過近兩場波佢都收起左佐真奴，而原因主要係因為組合性上喺4231底下高華錫配合簡迪既效果會較全面，而佐真奴較為適合於433下既發揮，所以預計球員經已休息兩場後今場波會復出，而後防線上亦有魯迪加強勢回歸，後防線由佢夾蘇馬，至於前線方面就繼續由艾巴咸、韋利安加佩利錫作攻堅。
.
兩隊實力差距其實都有一定距離，而里爾本身亦喺小組中包尾，無論今場波賽果如何都無法晉級，心態上點都有啲風流波格局，而車路士喺主場之下的確保持一定優勢，而其中佩利錫同艾馬臣今場波既發揮最為出色。.
先講艾馬臣，同佐真奴一樣休左兩場波之後今場波出到黎表現相當生猛，基本上成條左路由後場到前場都見到佢生影，而經常前插亦令前面既佩利錫能夠更多時間留喺近禁區位置，「美國隊長」今場波有幾下cut in都相當吸睛，只係稍稍欠運令佢未有取得入球，而林伯特亦喺下半場早段用奧岱入替佢，而佩利錫表現出亦有啲失落，難免有啲可惜。
.
至於果球失波，其實經已有唔少藍衫球員囤積於禁區內，但反而咁樣喺人少打人多之下比人射入就真係抵打，而以位置上睇黎，入波既舊將雷米喺近十二碼位置根本無人睇住，而最近佢既兩位中場球員就係簡迪同高華錫，前者無留意佢右手邊既雷米無人mark，而高華錫就無入到禁區，當佢發現雷米進入起腳範圍先追都經已太遲。
.
而今場復出既魯迪加表現亦好理想，始終有佢指揮底下蘇馬都會較為淡定，個人認為其實可以睇埋今個月喺魯迪加出賽之下夾佢地幾個既表現如何，先再定段會唔會喺冬季轉會窗喺哩個位置上補強，始終季初就要基斯甸臣、蘇馬、湯姆利哩三個後生仔頂硬上係真係預左交學費，反而依加有魯迪加之下就睇下佢地表現有冇改善，相信林伯特都係同一睇法。
文章發表時間 : 9/12/2019 14:55
文章最後更新時間 : 9/12/2019 14:55
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
今場波既目標好清晰，就係只要赢到波既話車路士就可以晉級，而無需理會另一邊箱阿積士對華倫西亞既賽果，而最終藍軍亦以「煲魚生粥」姿態成功奪取三分，雖然仍然難保不失，但總算相隔一季後重返歐聯淘汰賽，亦成功喺死亡之組中生還。
.
同賽前預計一樣，今場林伯特會回歸433陣式，早前都有講過近兩場波佢都收起左佐真奴，而原因主要係因為組合性上喺4231底下高華錫配合簡迪既效果會較全面，而佐真奴較為適合於433下既發揮，所以預計球員經已休息兩場後今場波會復出，而後防線上亦有魯迪加強勢回歸，後防線由佢夾蘇馬，至於前線方面就繼續由艾巴咸、韋利安加佩利錫作攻堅。
.
兩隊實力差距其實都有一定距離，而里爾本身亦喺小組中包尾，無論今場波賽果如何都無法晉級，心態上點都有啲風流波格局，而車路士喺主場之下的確保持一定優勢，而其中佩利錫同艾馬臣今場波既發揮最為出色。.
先講艾馬臣，同佐真奴一樣休左兩場波之後今場波出到黎表現相當生猛，基本上成條左路由後場到前場都見到佢生影，而經常前插亦令前面既佩利錫能夠更多時間留喺近禁區位置，「美國隊長」今場波有幾下cut in都相當吸睛，只係稍稍欠運令佢未有取得入球，而林伯特亦喺下半場早段用奧岱入替佢，而佩利錫表現出亦有啲失落，難免有啲可惜。
.
至於果球失波，其實經已有唔少藍衫球員囤積於禁區內，但反而咁樣喺人少打人多之下比人射入就真係抵打，而以位置上睇黎，入波既舊將雷米喺近十二碼位置根本無人睇住，而最近佢既兩位中場球員就係簡迪同高華錫，前者無留意佢右手邊既雷米無人mark，而高華錫就無入到禁區，當佢發現雷米進入起腳範圍先追都經已太遲。
.
而今場復出既魯迪加表現亦好理想，始終有佢指揮底下蘇馬都會較為淡定，個人認為其實可以睇埋今個月喺魯迪加出賽之下夾佢地幾個既表現如何，先再定段會唔會喺冬季轉會窗喺哩個位置上補強，始終季初就要基斯甸臣、蘇馬、湯姆利哩三個後生仔頂硬上係真係預左交學費，反而依加有魯迪加之下就睇下佢地表現有冇改善，相信林伯特都係同一睇法。
文章發表時間 : 9/12/2019 14:55
文章最後更新時間 : 9/12/2019 14:55
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/