《蜜月期已過 快車期接連失分 車路士對般尼茅夫賽後分析》
《原創文章 歡迎轉載 請列明出處 謝謝》
-請支持藍獅 Facebook專頁-
今場波林伯特用返433陣式，前線三個人無變，而中場就用蒙特、簡迪同佐真奴，先收起高華錫做後備，至於後防就繼續係復出既魯迪加拍蘇馬，左閘就用左艾馬臣。如果以成個上半場黎睇，其實都經已相當「五五波」，車路士無話特別喺主場之下得到太多壓倒性優勢，無錯的確喺有唔少控球權，但係對手既針對件戰術係相當之有效。
.
有時候球員表現唔好並唔係全歸狀態不佳所引致，何解唔去睇下其實係對手喺戰術佈置上所花既功夫，般茅今場波以一個451既單箭頭陣式作客史丹福橋，除左過多時間將大約九名球員囤於自己後半場之外，拎到波既時候亦都好識得運用高波長傳去到箭頭京治度打反擊，製造到唔少驚險鏡頭，亦好針對性咁箝制車路士兩翼，韋利安同佩利錫今場波表現得咁所壓抑亦都係因為咁所致，好多時佢地都要一個打兩個，就算中場或者閘上黎幫手，都會限制左佢地互相之間既傳球路線，明顯係知道車路士既邊路小組推進會係球隊既進攻泉源。.
而般茅三名中場球員與後防緊密連接，將車路士既中前場壓縮，令到我地唔單止喺邊路上受到限制，就連打中路都受到阻攔，但係今場波藍軍喺傳球上的確比以往慢，行軍速度慢左，令對手容易部署防守，的確有可能係因為對手人數太多影響左球員相互之間既傳送決定，但無可否認既一樣既係大家喺無乜太多靈活走位，哩一點係車路士咁多年黎既老問題。
.
而下半場對手出到黎更進一步貫徹執行戰術，令車路士所能夠製造到既機會比起上半場更少，主要既對手怖局就係咁多，就係時候講下全隊波既問題，主要都離不開林伯特同球員哩兩項，但個人認為大部份球迷較執著於球員問題哩個項目，再分為針對兩閘以及中前場進攻乏力既兩個細項，但忽略左林伯特其實係戰術鋪排以及臨場調動都有唔少問題。
.
先講戰術鋪排，其實有睇之前既文章都有講過，無論喺4231定還是433，喺中場既定位上林伯特係非常之依賴蒙特哩位年輕球員，主要係因為佢能夠為車路士既前場提供多啲進攻套路上既變化，亦係隊中依加唯一一個能夠做到以上工作既前場球員，巴克利同路夫斯捷克係可以做到同樣效果，後者甚至可以做得更多，但奈何兩個都養緊傷，亦都可能係林伯特到依加都死攬巴克利話哩位球員仍然可佔一席位既原因。而喺組合上另外兩個中場就係簡迪、高華錫同佐真奴三個之中抽其二，之前都有講係組合上會以前兩者得出既效果更好。.
今場波喺開賽陣容上無乜大野可以挑剔，個人認為球迷所批評既兩閘其實都真係已經做盡，艾馬臣果下頭槌唔入固然係欠運，但講到話佢去到垃圾級別又實在抹殺左球員今場波走上走落既努力，佢唔係殺入禁區車路士都唔會有果下機會，而你有叫佢喺後場防守時即刻出現，點可能做到？仲有唔少球迷比較利物浦兩閘，繼而要求球隊立即喺一月轉會窗進行補強，首先第一樣野，利物浦兩閘既成功唔單止係球員本身既能力，亦關係到利物浦喺成套戰術打造上球員互相之間既配合，由前場至後場既壓迫到企位，繼而攤分兩閘壓上後後場既漏洞，第二，要喺依加哩一刻即時買到一個具質素既球員係咩價錢？人地放比你既機會有幾大？捷維爾係有潛力，但見唔到佢係有一個明顯既提升對於依加哩隊車路士黎講，講緊既係一個「明顯」提升(人地沉晚和左 又會唔會有球迷對捷維爾既能力有保留？)，再者人地李斯特城肯唔肯放比你又係另一件事，理解得到左閘喺馬高斯阿朗素如果離隊後係需要補充，理解得到捷維爾係一名具潛力球員，但個人認為唔應該因為咁而抹殺艾馬臣或者艾斯派古達依加哩一刻為球隊比賽上所做到既野，至少唔認同球員會係「垃圾」，唔應該用一球最後唔入既波去批定一名球員生死。
.
接住就講臨場調動，哩一點對於今場波既形勢同結果有好大關係，唔明白林伯特今場點解唔喺下半場換入尼爾斯占士，兩閘喺下半場明顯所受既壓力更大之下，其實係好需要占士入場為前線加壓同時嘗試帶動球隊既右路推進，亦會帶黎多啲新衝擊，但林伯特反而係更新兩翼，換入奧岱同推蒙特上去左翼位置，哩一點真係好值得懷疑，前文都有講兩翼所受到對手既拑制好大，但好大程度並非球員能力同狀態問題，而係對手戰術有針對性，唔見得換入奧岱會有更大效果，就算係都應該要換埋其中一邊閘一對咁換令成條邊路更新先致有機會出現明顯改善。.
最後換入埋巴舒亞伊打442，主要都係博一博，換走佐真奴係無奈既選擇，但無左意大利人喺場上仲要打442既中場係根本零創造力，至於今場稍為恩喜既地方係後場，雖然係有球失波全失三分，但後防線總算叫做穩定，個人認為蘇馬今場波表現係優秀，破壞左好幾下對手既致命機會，落腳準繩，都真係幫魯迪加執漏左唔少，當然後者復出領導防線後蘇馬都有明顯回魂改善，暫時都抱著樂觀心態住先。
今場波篇幅真係好大，可能有啲亂同難睇希望大家見諒，不過主要大既觀點都表達得七七八八，可能遲啲再針對一個主題延伸再講，歡迎大家喺到本專頁留言再討論下。
文章發表時間 : 15/12/2019 12:45
文章最後更新時間 : 15/12/2019 12:45
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
今場波林伯特用返433陣式，前線三個人無變，而中場就用蒙特、簡迪同佐真奴，先收起高華錫做後備，至於後防就繼續係復出既魯迪加拍蘇馬，左閘就用左艾馬臣。如果以成個上半場黎睇，其實都經已相當「五五波」，車路士無話特別喺主場之下得到太多壓倒性優勢，無錯的確喺有唔少控球權，但係對手既針對件戰術係相當之有效。
.
有時候球員表現唔好並唔係全歸狀態不佳所引致，何解唔去睇下其實係對手喺戰術佈置上所花既功夫，般茅今場波以一個451既單箭頭陣式作客史丹福橋，除左過多時間將大約九名球員囤於自己後半場之外，拎到波既時候亦都好識得運用高波長傳去到箭頭京治度打反擊，製造到唔少驚險鏡頭，亦好針對性咁箝制車路士兩翼，韋利安同佩利錫今場波表現得咁所壓抑亦都係因為咁所致，好多時佢地都要一個打兩個，就算中場或者閘上黎幫手，都會限制左佢地互相之間既傳球路線，明顯係知道車路士既邊路小組推進會係球隊既進攻泉源。.
而般茅三名中場球員與後防緊密連接，將車路士既中前場壓縮，令到我地唔單止喺邊路上受到限制，就連打中路都受到阻攔，但係今場波藍軍喺傳球上的確比以往慢，行軍速度慢左，令對手容易部署防守，的確有可能係因為對手人數太多影響左球員相互之間既傳送決定，但無可否認既一樣既係大家喺無乜太多靈活走位，哩一點係車路士咁多年黎既老問題。
.
而下半場對手出到黎更進一步貫徹執行戰術，令車路士所能夠製造到既機會比起上半場更少，主要既對手怖局就係咁多，就係時候講下全隊波既問題，主要都離不開林伯特同球員哩兩項，但個人認為大部份球迷較執著於球員問題哩個項目，再分為針對兩閘以及中前場進攻乏力既兩個細項，但忽略左林伯特其實係戰術鋪排以及臨場調動都有唔少問題。
.
先講戰術鋪排，其實有睇之前既文章都有講過，無論喺4231定還是433，喺中場既定位上林伯特係非常之依賴蒙特哩位年輕球員，主要係因為佢能夠為車路士既前場提供多啲進攻套路上既變化，亦係隊中依加唯一一個能夠做到以上工作既前場球員，巴克利同路夫斯捷克係可以做到同樣效果，後者甚至可以做得更多，但奈何兩個都養緊傷，亦都可能係林伯特到依加都死攬巴克利話哩位球員仍然可佔一席位既原因。而喺組合上另外兩個中場就係簡迪、高華錫同佐真奴三個之中抽其二，之前都有講係組合上會以前兩者得出既效果更好。.
今場波喺開賽陣容上無乜大野可以挑剔，個人認為球迷所批評既兩閘其實都真係已經做盡，艾馬臣果下頭槌唔入固然係欠運，但講到話佢去到垃圾級別又實在抹殺左球員今場波走上走落既努力，佢唔係殺入禁區車路士都唔會有果下機會，而你有叫佢喺後場防守時即刻出現，點可能做到？仲有唔少球迷比較利物浦兩閘，繼而要求球隊立即喺一月轉會窗進行補強，首先第一樣野，利物浦兩閘既成功唔單止係球員本身既能力，亦關係到利物浦喺成套戰術打造上球員互相之間既配合，由前場至後場既壓迫到企位，繼而攤分兩閘壓上後後場既漏洞，第二，要喺依加哩一刻即時買到一個具質素既球員係咩價錢？人地放比你既機會有幾大？捷維爾係有潛力，但見唔到佢係有一個明顯既提升對於依加哩隊車路士黎講，講緊既係一個「明顯」提升(人地沉晚和左 又會唔會有球迷對捷維爾既能力有保留？)，再者人地李斯特城肯唔肯放比你又係另一件事，理解得到左閘喺馬高斯阿朗素如果離隊後係需要補充，理解得到捷維爾係一名具潛力球員，但個人認為唔應該因為咁而抹殺艾馬臣或者艾斯派古達依加哩一刻為球隊比賽上所做到既野，至少唔認同球員會係「垃圾」，唔應該用一球最後唔入既波去批定一名球員生死。
.
接住就講臨場調動，哩一點對於今場波既形勢同結果有好大關係，唔明白林伯特今場點解唔喺下半場換入尼爾斯占士，兩閘喺下半場明顯所受既壓力更大之下，其實係好需要占士入場為前線加壓同時嘗試帶動球隊既右路推進，亦會帶黎多啲新衝擊，但林伯特反而係更新兩翼，換入奧岱同推蒙特上去左翼位置，哩一點真係好值得懷疑，前文都有講兩翼所受到對手既拑制好大，但好大程度並非球員能力同狀態問題，而係對手戰術有針對性，唔見得換入奧岱會有更大效果，就算係都應該要換埋其中一邊閘一對咁換令成條邊路更新先致有機會出現明顯改善。.
最後換入埋巴舒亞伊打442，主要都係博一博，換走佐真奴係無奈既選擇，但無左意大利人喺場上仲要打442既中場係根本零創造力，至於今場稍為恩喜既地方係後場，雖然係有球失波全失三分，但後防線總算叫做穩定，個人認為蘇馬今場波表現係優秀，破壞左好幾下對手既致命機會，落腳準繩，都真係幫魯迪加執漏左唔少，當然後者復出領導防線後蘇馬都有明顯回魂改善，暫時都抱著樂觀心態住先。
今場波篇幅真係好大，可能有啲亂同難睇希望大家見諒，不過主要大既觀點都表達得七七八八，可能遲啲再針對一個主題延伸再講，歡迎大家喺到本專頁留言再討論下。
文章發表時間 : 15/12/2019 12:45
文章最後更新時間 : 15/12/2019 12:45
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/