《轉會窗失蹤人口第一人 「飲水哥」真禾特究竟去咗邊？》
《原創文章 歡迎轉載 請列明出處 謝謝》
-請支持藍獅 Facebook專頁-
都幾肯定無乜人仲記得真禾特依加仲係車路士球員黎，自季初外借到般尼之後一直都未有為球隊喺英超賽事上上陣過任何一場，而租借期亦只有半季時間，意味住依加冬季轉會窗重開之後「飲水哥」係要回歸史丹福橋，而喺林伯特現有既戰術體系之中根本容立唔到真禾特既位置，亦都即係球會需要繼續幫球員尋求轉會或者外借對象，「飲水哥」亦成為近哩幾季黎講既「水貨」。
老實講，當初收購真禾特係有唔少車路士球迷反對，主要原因係認為球員無論係喺功能上同戰術上都相當單一，無法為藍軍中場提供得到戰力上既提升，與其只係搵一個球員黎頂一頂個位置深度，倒不如喺青年軍之中提拔年輕人上一隊更為實際，但球會最後都係向李斯特城提出收購真禾特，如果以球會角度黎睇，「飲水哥」係有兩個原因令佢地肯比錢買佢，一就係同簡迪夾慣夾熟同為狐狸既奪冠功臣，二就係為左佢有個英人名額。
12萬鎊週薪，你無睇錯，哩個價錢係依加真禾特喺車路士身上所拎到既薪金黎，一直有傳佢當季加盟既時候並非時任主帥干地希望既收購目標黎，只係車路士管理層方面一直窮追不捨，奈何喺無人用之下哩位意大利主帥亦只好嘗試睇下用唔用得好真禾特，位置上將英格蘭人既職責定位成為一位Box-to-box既中場球員，主要透過走上走落咁參與球隊進攻同防守兩端，但過往既真禾特都主要係企喺防線前負責攔截同長傳分波，唔需要參與太多消耗體力既跑動工作，格格不入之下亦同時出現左唔少傷患，亦引致佢之後既時間得到好少出場機會。
而上季由沙利上任成為車路士主帥過後，真禾特更可以用「被無視」哩三隻大字黎形容，球員基本上進入左投閒置散階段，而季中其實有唔少英超中下游球隊希望借用到佢，但最終都因為薪金過高問題而打退堂鼓，直到今季林伯特上任後，「飲水哥」至正式以借用身份離開史丹福橋加盟般尼，由於球員都經已有接近一整季時間無參與過正式比賽，所以般尼領隊戴治亦又先為真禾特安排於預備組賽事中上陣，希望能夠提升狀態，但正喺哩個時候球員於因場外操守問題被人打傷，一直被球會雪藏至今，亦相信般尼亦無意為其買斷。
其實以真禾特既球員特質同能力黎講，對於一啲英超中下游球會黎講其實係相當好洗好用，奈何車路士又或者球員一直喺薪金問題下僵持不下，最終白白蹉跎歲月浪費下哩兩季既光陰，近日有傳有傳奇隊長做助教既阿士東維拉希望借用真禾特黎提升己隊護級既機會，相信藍軍絕對樂意做個順水人情答應，但就要睇「飲水哥」自己究竟係真係想繼續踢波，還是覺得留喺度白逗人工嘆世界仲舒服喇。
文章發表時間 : 03/01/2020 13:50
文章最後更新時間 : 04/01/2020 09:15
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
都幾肯定無乜人仲記得真禾特依加仲係車路士球員黎，自季初外借到般尼之後一直都未有為球隊喺英超賽事上上陣過任何一場，而租借期亦只有半季時間，意味住依加冬季轉會窗重開之後「飲水哥」係要回歸史丹福橋，而喺林伯特現有既戰術體系之中根本容立唔到真禾特既位置，亦都即係球會需要繼續幫球員尋求轉會或者外借對象，「飲水哥」亦成為近哩幾季黎講既「水貨」。
老實講，當初收購真禾特係有唔少車路士球迷反對，主要原因係認為球員無論係喺功能上同戰術上都相當單一，無法為藍軍中場提供得到戰力上既提升，與其只係搵一個球員黎頂一頂個位置深度，倒不如喺青年軍之中提拔年輕人上一隊更為實際，但球會最後都係向李斯特城提出收購真禾特，如果以球會角度黎睇，「飲水哥」係有兩個原因令佢地肯比錢買佢，一就係同簡迪夾慣夾熟同為狐狸既奪冠功臣，二就係為左佢有個英人名額。
12萬鎊週薪，你無睇錯，哩個價錢係依加真禾特喺車路士身上所拎到既薪金黎，一直有傳佢當季加盟既時候並非時任主帥干地希望既收購目標黎，只係車路士管理層方面一直窮追不捨，奈何喺無人用之下哩位意大利主帥亦只好嘗試睇下用唔用得好真禾特，位置上將英格蘭人既職責定位成為一位Box-to-box既中場球員，主要透過走上走落咁參與球隊進攻同防守兩端，但過往既真禾特都主要係企喺防線前負責攔截同長傳分波，唔需要參與太多消耗體力既跑動工作，格格不入之下亦同時出現左唔少傷患，亦引致佢之後既時間得到好少出場機會。
而上季由沙利上任成為車路士主帥過後，真禾特更可以用「被無視」哩三隻大字黎形容，球員基本上進入左投閒置散階段，而季中其實有唔少英超中下游球隊希望借用到佢，但最終都因為薪金過高問題而打退堂鼓，直到今季林伯特上任後，「飲水哥」至正式以借用身份離開史丹福橋加盟般尼，由於球員都經已有接近一整季時間無參與過正式比賽，所以般尼領隊戴治亦又先為真禾特安排於預備組賽事中上陣，希望能夠提升狀態，但正喺哩個時候球員於因場外操守問題被人打傷，一直被球會雪藏至今，亦相信般尼亦無意為其買斷。
其實以真禾特既球員特質同能力黎講，對於一啲英超中下游球會黎講其實係相當好洗好用，奈何車路士又或者球員一直喺薪金問題下僵持不下，最終白白蹉跎歲月浪費下哩兩季既光陰，近日有傳有傳奇隊長做助教既阿士東維拉希望借用真禾特黎提升己隊護級既機會，相信藍軍絕對樂意做個順水人情答應，但就要睇「飲水哥」自己究竟係真係想繼續踢波，還是覺得留喺度白逗人工嘆世界仲舒服喇。
文章發表時間 : 03/01/2020 13:50
文章最後更新時間 : 04/01/2020 09:15
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/