《基柏失寵 卡巴叔上位 淺談球壇又一位老將清泉 卡巴尼路》
《原創文章 歡迎轉載 請列明出處 謝謝》
-請支持藍獅 Facebook專頁-
一般喺列強黎講擔任二號門將既球員，都只能喺一啲本土盃賽賽事中為球隊上陣，又或者喺正選門將受傷時臨危受命，而車路士既卡巴尼路喺上場對李斯特城既賽事之中首次於今季英超賽事中亮相，更成為今季上陣年紀最大既球員，而林伯特亦喺賽後記招指出今次調動係佢主動提出，並不關乎於球員受傷既情況影響，意味住基柏似乎已經失去信任，而卡巴尼路將會得到機會。
哩位阿根廷門將經已三十有八，唔經唔覺都喺史丹福橋效力到第三個賽季，論能力同級數，佢對比於保方果啲當然唔係一級門將，不過論態度，卡巴尼路可以話積極正面，從來都唔介意擔任後備，無論當時喺曼城嘅時候正選係祖赫特定巴禾，以至去到車路士之後係古圖爾斯定基柏，卡巴尼路都一直安份守己，只要球隊需要佢，教練要佢上場時，卡巴尼路都一定交足貨，唔會因為少出場機會而喺實力上有明顯下降，同時亦都好願意教導後輩，令好幾任領隊都願意留任佢為二號門將。
列強總要有兩個出色嘅門將，即使正選門將因為受傷或者其他原因上唔到場嘅時候，後備門將都能夠為球隊填補番哩個位置，盡可能避免成績過度下滑，但由於好多時哩啲情況喺一個完整賽季都未必出現，導致後備門將可能連一場聯賽出場機會都無而離隊他投，就好似早幾季嘅比高域咁，最終選擇離開加盟般尼茅夫擔任常任正選，所以好取決於後備門將嘅心態上究竟將自己定位於球隊中嘅咩位置。
卡巴尼路自加盟車路士後表現一直非常穩定，同時喺一啲面對傳媒同穩定球隊方面，對答亦非常得體，就好似上季基柏拒絕換出之後，卡巴尼路為避免外界炒作穩定軍心，亦相當維護後輩，為基柏設下台階，盡量減低球隊士氣被受影響既機會。而老實說，基柏作為職業球員既態度亦存在問題，除左話今季表現有所回落之外，林伯特唔多唔少都會因為上季既「基柏事件」影響左對球員既觀感，所以外界一直傳出車路士有意收購新門將既消息。
不過無論點都好，基柏都需要時間於後備席沉澱一下迷失既自己，亦希望卡巴尼路能夠把握得到機會好好教育一下哩位後輩，玉不琢不成器，都要睇下基柏自己有冇能力作出反思同改變。
文章發表時間 : 04/02/2019 11:35
文章最後更新時間 :05/02/2019 10:50
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
一般喺列強黎講擔任二號門將既球員，都只能喺一啲本土盃賽賽事中為球隊上陣，又或者喺正選門將受傷時臨危受命，而車路士既卡巴尼路喺上場對李斯特城既賽事之中首次於今季英超賽事中亮相，更成為今季上陣年紀最大既球員，而林伯特亦喺賽後記招指出今次調動係佢主動提出，並不關乎於球員受傷既情況影響，意味住基柏似乎已經失去信任，而卡巴尼路將會得到機會。
哩位阿根廷門將經已三十有八，唔經唔覺都喺史丹福橋效力到第三個賽季，論能力同級數，佢對比於保方果啲當然唔係一級門將，不過論態度，卡巴尼路可以話積極正面，從來都唔介意擔任後備，無論當時喺曼城嘅時候正選係祖赫特定巴禾，以至去到車路士之後係古圖爾斯定基柏，卡巴尼路都一直安份守己，只要球隊需要佢，教練要佢上場時，卡巴尼路都一定交足貨，唔會因為少出場機會而喺實力上有明顯下降，同時亦都好願意教導後輩，令好幾任領隊都願意留任佢為二號門將。
列強總要有兩個出色嘅門將，即使正選門將因為受傷或者其他原因上唔到場嘅時候，後備門將都能夠為球隊填補番哩個位置，盡可能避免成績過度下滑，但由於好多時哩啲情況喺一個完整賽季都未必出現，導致後備門將可能連一場聯賽出場機會都無而離隊他投，就好似早幾季嘅比高域咁，最終選擇離開加盟般尼茅夫擔任常任正選，所以好取決於後備門將嘅心態上究竟將自己定位於球隊中嘅咩位置。
卡巴尼路自加盟車路士後表現一直非常穩定，同時喺一啲面對傳媒同穩定球隊方面，對答亦非常得體，就好似上季基柏拒絕換出之後，卡巴尼路為避免外界炒作穩定軍心，亦相當維護後輩，為基柏設下台階，盡量減低球隊士氣被受影響既機會。而老實說，基柏作為職業球員既態度亦存在問題，除左話今季表現有所回落之外，林伯特唔多唔少都會因為上季既「基柏事件」影響左對球員既觀感，所以外界一直傳出車路士有意收購新門將既消息。
不過無論點都好，基柏都需要時間於後備席沉澱一下迷失既自己，亦希望卡巴尼路能夠把握得到機會好好教育一下哩位後輩，玉不琢不成器，都要睇下基柏自己有冇能力作出反思同改變。
文章發表時間 : 04/02/2019 11:35
文章最後更新時間 :05/02/2019 10:50
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/