《一場集所有不幸於一身的失分賽事 車路士對曼聯賽後分析》
《原創文章 歡迎轉載 請列明出處 謝謝》
-請支持藍獅 Facebook專頁-
陣容天殘地缺、臨場球員受傷、VAR兩次判入球無效再加上球証喺執法上標準不一，車路士今場波可以話集所有不幸事件於一身，亦令曼聯喺今季成功雙殺藍軍，而車路士喺賽後同第五既熱刺就只係淨番一分差距，以近期走勢狀態黎講，似乎藍軍離開前四行列亦只係時間問題。
雖然經歷左一個短假期比唔少球員充充電，但車路士有唔少球員仍處於讓傷之中，艾巴咸、奧岱、佩利錫等主力依然未能上陣，令林伯特不得不使用巴舒亞伊作箭頭，左右兩邊分別源用上季配置既韋利安同柏度，而三中場方面就繼續由簡迪、高華錫、佐真奴擔任，至於後場就仍然係魯迪加伙拍基斯甸臣，左右兩閘就由艾斯派古達同尼爾斯占士作正選。
雖然前線上人腳唔同，但其實對於車路士喺進攻方面既運作無乜太大唔同，繼續主打控球為首，無奈地簡迪早段經已受傷退下火線，而林伯特亦馬上於後備席上抽調蒙特上陣，缺少左簡迪喺右路既推進下，大大減弱左車路士喺右路既前進能力，而同時亦加劇依賴高華錫作中路運球，韋利安亦要多次回後協防，經已打亂林伯特既賽前部署。巴舒亞伊雖然喺進攻運作上能夠做到左右分波等配合角色，但喺把握力方面依要一貫「一腳波」作風，以佢能力黎講實在太講求運氣，藍軍雖然喺控球上得到優勢，但其實當中有唔少唔中目標既攻門。
完半場前基斯甸臣與馬迪爾碰撞受傷，期後止血後亦馬上被對手頂入頭槌，企位上兩位中堅都各自有失誤既地方，而隨後林伯特亦喺半場時用蘇馬入替前者，經過四十五分鐘既賽事就已經用左兩個換人名額，而下半場亦未有太大變化，失第二球既時候明顯被對手成功於角球進攻模式上得手，魯迪加哩球絕對需要負上全責，賽後佢亦被泰利批評喺企位上既失誤令對手取得入球。
至於果兩下既VAR，都無乜太多野補充，就好似冥冥中自有主宰咁，就算你入幾多球，要你唔入就係唔入，無需多講，黎緊星期六仲要面對住熱刺，只能夠講自求多福，不過今場波睇到柏度同基奧特既狀態都相當唔錯，其實無左艾巴咸、奧岱等人既前線人腳上季都一樣係咁打，反而係球隊近五場賽事接連失分會唔會出現信心危機先至係大問題，依加車路士面對既問題愈黎愈大，林伯特仲有冇對策應付？
文章發表時間 : 19/02/2019 11:35
文章最後更新時間 :19/02/2019 11:35
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
陣容天殘地缺、臨場球員受傷、VAR兩次判入球無效再加上球証喺執法上標準不一，車路士今場波可以話集所有不幸事件於一身，亦令曼聯喺今季成功雙殺藍軍，而車路士喺賽後同第五既熱刺就只係淨番一分差距，以近期走勢狀態黎講，似乎藍軍離開前四行列亦只係時間問題。
雖然經歷左一個短假期比唔少球員充充電，但車路士有唔少球員仍處於讓傷之中，艾巴咸、奧岱、佩利錫等主力依然未能上陣，令林伯特不得不使用巴舒亞伊作箭頭，左右兩邊分別源用上季配置既韋利安同柏度，而三中場方面就繼續由簡迪、高華錫、佐真奴擔任，至於後場就仍然係魯迪加伙拍基斯甸臣，左右兩閘就由艾斯派古達同尼爾斯占士作正選。
雖然前線上人腳唔同，但其實對於車路士喺進攻方面既運作無乜太大唔同，繼續主打控球為首，無奈地簡迪早段經已受傷退下火線，而林伯特亦馬上於後備席上抽調蒙特上陣，缺少左簡迪喺右路既推進下，大大減弱左車路士喺右路既前進能力，而同時亦加劇依賴高華錫作中路運球，韋利安亦要多次回後協防，經已打亂林伯特既賽前部署。巴舒亞伊雖然喺進攻運作上能夠做到左右分波等配合角色，但喺把握力方面依要一貫「一腳波」作風，以佢能力黎講實在太講求運氣，藍軍雖然喺控球上得到優勢，但其實當中有唔少唔中目標既攻門。
完半場前基斯甸臣與馬迪爾碰撞受傷，期後止血後亦馬上被對手頂入頭槌，企位上兩位中堅都各自有失誤既地方，而隨後林伯特亦喺半場時用蘇馬入替前者，經過四十五分鐘既賽事就已經用左兩個換人名額，而下半場亦未有太大變化，失第二球既時候明顯被對手成功於角球進攻模式上得手，魯迪加哩球絕對需要負上全責，賽後佢亦被泰利批評喺企位上既失誤令對手取得入球。
至於果兩下既VAR，都無乜太多野補充，就好似冥冥中自有主宰咁，就算你入幾多球，要你唔入就係唔入，無需多講，黎緊星期六仲要面對住熱刺，只能夠講自求多福，不過今場波睇到柏度同基奧特既狀態都相當唔錯，其實無左艾巴咸、奧岱等人既前線人腳上季都一樣係咁打，反而係球隊近五場賽事接連失分會唔會出現信心危機先至係大問題，依加車路士面對既問題愈黎愈大，林伯特仲有冇對策應付？
文章發表時間 : 19/02/2019 11:35
文章最後更新時間 :19/02/2019 11:35
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/