《路夫斯捷克復出鬥熱刺 或成簡迪缺陣下的雷霆救兵》
《原創文章 歡迎轉載 請列明出處 謝謝》
-請支持藍獅 Facebook專頁-
千呼萬喚，養傷超過半年時間既路夫斯捷克經林伯特確定將會喺今晚對熱刺既賽事中復出，對於依加傷兵滿營既車路士黎講絕對係一大喜訊，尤其喺重將簡迪缺陣而巴克利難以令球迷放心底下，藍軍中場缺少值得依賴既球員元素，路夫斯捷克正喺哩個時候復出無疑能夠擔當雷霆救兵既角色。
喺對陣熱刺既賽前記招當中，林伯特特意交待有關車路士依加既傷員情況，名單之中包括路夫斯捷克、簡迪、基斯甸臣、佩利錫以及艾巴咸一共五位球員，而當中確定路夫斯捷克將會喺哩場賽事中復出，不過唔會以正選身份上陣，會先進入後備名單內，預計林伯特會先以高華錫及佐真奴作正選，當中有機會配搭蒙特或巴克利作組合，主要係睇佢究竟會源用上半季作客熱刺時既三後衛打雙中場還是會打433陣式用三名中場球員。
路夫斯捷克除左中場中之外，亦能勝任攻中以及翼鋒位置，根據依加林伯特為車路士所打造既戰術體系以及當前人腳配置黎講，推測路夫斯捷克較大機會出任中場中以及攻中哩兩個位置，哩位英格蘭中場既主要賣點係擁有極強既個人推進能力，而同時亦有一定程度既腳下技術，令佢自己無論喺中場定前線都能發爛持球突破，再加上佢亦善於進行快速小組短傳以及具備長傳視野，相比於前輩巴克利絕對全面得多。
而喺簡迪再次缺陣下，藍軍喺中場既推進力就只能集中於依賴高華錫，但佢既體能唔能夠維持到足一場九十分鐘既賽事都有穩定輸出，亦同時拆解左簡迪配搭韋利安哩對右路推進拍檔，對於車路士既進攻無疑有一定程度既打擊，而特性上路夫斯捷克的確係能夠喺哩個中場中位置上作替補，當然，始終球員經過一段長時間既傷患影響，復出後喺持球推進以及起步爆發力方面仲能夠保持到幾多，仍然是未知之數。
至於另一位置，就係近期備受球迷指責既蒙特所擔任既攻中位置，論能力同全面性，路夫斯捷克喺多方面都較前者優勝，而蒙特自開季至今一直都係林伯特既心腹，好大程度係因為隊中就只有蒙特一位球員能夠豐富車路士既前線進攻套路，依加有路夫斯捷克同佢喺位置上作輪換，得到喘息空間既蒙特亦可以整頓一下自己作心理調節。
再加上之前都有講到路夫斯捷克既復出係可以將簡迪拉番後同佐真奴喺防中位置上作輪換，因應對手既戰術需要而作出人腳上既調配，亦能為車路士中場既提供得到變奏效果，不過都真係要等所有人都full team在陣無傷無病先能夠有哩個安排，始終車路士今季都多災多難，實在好多季都未試過同一時間有咁多傷病問題出現，黎緊就要睇林伯特能唔能夠化危為機，還是愈跌愈沉喇。
文章發表時間 : 22/02/2019 12:00
文章最後更新時間 :22/02/2019 12:00
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
千呼萬喚，養傷超過半年時間既路夫斯捷克經林伯特確定將會喺今晚對熱刺既賽事中復出，對於依加傷兵滿營既車路士黎講絕對係一大喜訊，尤其喺重將簡迪缺陣而巴克利難以令球迷放心底下，藍軍中場缺少值得依賴既球員元素，路夫斯捷克正喺哩個時候復出無疑能夠擔當雷霆救兵既角色。
喺對陣熱刺既賽前記招當中，林伯特特意交待有關車路士依加既傷員情況，名單之中包括路夫斯捷克、簡迪、基斯甸臣、佩利錫以及艾巴咸一共五位球員，而當中確定路夫斯捷克將會喺哩場賽事中復出，不過唔會以正選身份上陣，會先進入後備名單內，預計林伯特會先以高華錫及佐真奴作正選，當中有機會配搭蒙特或巴克利作組合，主要係睇佢究竟會源用上半季作客熱刺時既三後衛打雙中場還是會打433陣式用三名中場球員。
路夫斯捷克除左中場中之外，亦能勝任攻中以及翼鋒位置，根據依加林伯特為車路士所打造既戰術體系以及當前人腳配置黎講，推測路夫斯捷克較大機會出任中場中以及攻中哩兩個位置，哩位英格蘭中場既主要賣點係擁有極強既個人推進能力，而同時亦有一定程度既腳下技術，令佢自己無論喺中場定前線都能發爛持球突破，再加上佢亦善於進行快速小組短傳以及具備長傳視野，相比於前輩巴克利絕對全面得多。
而喺簡迪再次缺陣下，藍軍喺中場既推進力就只能集中於依賴高華錫，但佢既體能唔能夠維持到足一場九十分鐘既賽事都有穩定輸出，亦同時拆解左簡迪配搭韋利安哩對右路推進拍檔，對於車路士既進攻無疑有一定程度既打擊，而特性上路夫斯捷克的確係能夠喺哩個中場中位置上作替補，當然，始終球員經過一段長時間既傷患影響，復出後喺持球推進以及起步爆發力方面仲能夠保持到幾多，仍然是未知之數。
至於另一位置，就係近期備受球迷指責既蒙特所擔任既攻中位置，論能力同全面性，路夫斯捷克喺多方面都較前者優勝，而蒙特自開季至今一直都係林伯特既心腹，好大程度係因為隊中就只有蒙特一位球員能夠豐富車路士既前線進攻套路，依加有路夫斯捷克同佢喺位置上作輪換，得到喘息空間既蒙特亦可以整頓一下自己作心理調節。
再加上之前都有講到路夫斯捷克既復出係可以將簡迪拉番後同佐真奴喺防中位置上作輪換，因應對手既戰術需要而作出人腳上既調配，亦能為車路士中場既提供得到變奏效果，不過都真係要等所有人都full team在陣無傷無病先能夠有哩個安排，始終車路士今季都多災多難，實在好多季都未試過同一時間有咁多傷病問題出現，黎緊就要睇林伯特能唔能夠化危為機，還是愈跌愈沉喇。
文章發表時間 : 22/02/2019 12:00
文章最後更新時間 :22/02/2019 12:00
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/