《一場被VAR破壞的勝仗 車路士對熱刺賽後分析》
《原創文章 歡迎轉載 請列明出處 謝謝》
-請支持藍獅 Facebook專頁-
依加車路士球迷對於英超既VAR相信會有一種無形既恐懼，就好似白色恐怖一樣，幸好既係今次藍軍能夠成功全取三分，否則又再一次被英格蘭足總逼害成功，而林伯特今季雙殺身為人師既摩連奴所帶領既熱刺，似乎有啲「格食格」既味道，後者喺賽後並未有與徒弟握手亦成為賽事中既其一焦點。
雙方喺賽前都存在唔少傷兵問題，單計牌面黎講車路士係稍為佔優些少，至少望到後備席上都有一啲可用既「後手」作臨場變動，賽前一如所料林伯特會依照首循環所選用既三後衛陣式應戰（車路士首循環作客贏熱刺0-2），安排左基斯甸臣、魯迪加以及艾斯派古達作三後衛，而久疏戰陣既馬高斯阿朗素亦以左翼衛登場，右翼衛就繼續源用近五場有四場正選既尼爾斯占士，中場方面喺簡迪受傷下用左高華錫伙拍佐真奴打雙中場，而較令人意外既係林伯特安排左巴克利與蒙特於前鋒身後作支援，逢對熱刺都有加乘既韋利安先任後備，而箭頭方面亦安排左呼聲最高既基奧特打正選。
喺開賽後睇林伯特係安排左一個偏向係3421既式，主要內容都係圍繞住一個「迫」字，務求以人釘人方式盡快將熱刺球員腳下個波迫走，由對手後場經已逐步開始施壓，巴克利、蒙特以及高華錫負責運球推進，繼續以小組傳球方式以最快路徑運上前場，而同時左右兩名翼衛亦同時會壓上參與進攻，令熱刺閘位球員多次要以一打二進行防守，由於藍軍由前場開始進行壓迫，羅列斯開出既龍門球亦只能以長為主，而林伯特今季所打既三後衛陣式當中亦會安排一至兩名中堅會做上前哨既角色，今場波見到艾斯派古達經常上前殺波，區域什至會覆蓋去到中圈更前位置，務求填補簡迪不在陣而佐真奴覆蓋面不足既缺點，而感覺上林伯特喺今場波所安排既戰術同首循環都大同小異，唔算得上有太大變化，反而係摩連奴除左陣式上既轉換之外似乎搵唔到太多解決辦法作應對。
但與此同時林伯特喺今場波亦有一啲問題出現，首先係巴克利同蒙特既定位，其實兩人喺位置上較為偏句中場角色，但好多時兩者都要波會走埋去同一個位，重疊之下其實只係熱刺無作一啲針對性部署又或者係對面中場尼當比利打得唔好，如果唔係絕對無咁易比佢地話過就過，而另外馬高斯阿朗素雖然有一球斬獲以及罰球中柱，哩位西班牙翼衛攻強守弱既問題經已係天下都知既事實，但係佢下半場喺體力流放之下集中力明顯存在不足，多次跟甩同接應失敗，如果唔係對手把握唔到的話其實都幾係野，而林伯特喺未用盡三個換人名額之下亦未有用艾馬臣入替阿朗素既舉動，實在難以理解。
基奧特當選賽事中最佳球員可以話當之無愧，戰術作用明顯下佢喺兩球入球之中都擔當重要角色，相信林伯特黎緊會對「銀河唯一」繼續委以重任，至少以Plan B黎講基奧特都絕對可以交足功課，而今場勝仗亦可以話為黎緊歐聯對拜仁既淘汰賽首回合加強士氣，不過亦切勿掉以輕心，始終有簡迪、佩利錫等正選球員受傷缺陣，只希望球隊能博盡無悔，延續藍軍鐵血精神。
至於英超VAR同英超球証...不予置評...真係講多都晒氣...
文章發表時間 : 23/02/2019 12:00
文章最後更新時間 :23/02/2019 12:00
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
依加車路士球迷對於英超既VAR相信會有一種無形既恐懼，就好似白色恐怖一樣，幸好既係今次藍軍能夠成功全取三分，否則又再一次被英格蘭足總逼害成功，而林伯特今季雙殺身為人師既摩連奴所帶領既熱刺，似乎有啲「格食格」既味道，後者喺賽後並未有與徒弟握手亦成為賽事中既其一焦點。
雙方喺賽前都存在唔少傷兵問題，單計牌面黎講車路士係稍為佔優些少，至少望到後備席上都有一啲可用既「後手」作臨場變動，賽前一如所料林伯特會依照首循環所選用既三後衛陣式應戰（車路士首循環作客贏熱刺0-2），安排左基斯甸臣、魯迪加以及艾斯派古達作三後衛，而久疏戰陣既馬高斯阿朗素亦以左翼衛登場，右翼衛就繼續源用近五場有四場正選既尼爾斯占士，中場方面喺簡迪受傷下用左高華錫伙拍佐真奴打雙中場，而較令人意外既係林伯特安排左巴克利與蒙特於前鋒身後作支援，逢對熱刺都有加乘既韋利安先任後備，而箭頭方面亦安排左呼聲最高既基奧特打正選。
喺開賽後睇林伯特係安排左一個偏向係3421既式，主要內容都係圍繞住一個「迫」字，務求以人釘人方式盡快將熱刺球員腳下個波迫走，由對手後場經已逐步開始施壓，巴克利、蒙特以及高華錫負責運球推進，繼續以小組傳球方式以最快路徑運上前場，而同時左右兩名翼衛亦同時會壓上參與進攻，令熱刺閘位球員多次要以一打二進行防守，由於藍軍由前場開始進行壓迫，羅列斯開出既龍門球亦只能以長為主，而林伯特今季所打既三後衛陣式當中亦會安排一至兩名中堅會做上前哨既角色，今場波見到艾斯派古達經常上前殺波，區域什至會覆蓋去到中圈更前位置，務求填補簡迪不在陣而佐真奴覆蓋面不足既缺點，而感覺上林伯特喺今場波所安排既戰術同首循環都大同小異，唔算得上有太大變化，反而係摩連奴除左陣式上既轉換之外似乎搵唔到太多解決辦法作應對。
但與此同時林伯特喺今場波亦有一啲問題出現，首先係巴克利同蒙特既定位，其實兩人喺位置上較為偏句中場角色，但好多時兩者都要波會走埋去同一個位，重疊之下其實只係熱刺無作一啲針對性部署又或者係對面中場尼當比利打得唔好，如果唔係絕對無咁易比佢地話過就過，而另外馬高斯阿朗素雖然有一球斬獲以及罰球中柱，哩位西班牙翼衛攻強守弱既問題經已係天下都知既事實，但係佢下半場喺體力流放之下集中力明顯存在不足，多次跟甩同接應失敗，如果唔係對手把握唔到的話其實都幾係野，而林伯特喺未用盡三個換人名額之下亦未有用艾馬臣入替阿朗素既舉動，實在難以理解。
基奧特當選賽事中最佳球員可以話當之無愧，戰術作用明顯下佢喺兩球入球之中都擔當重要角色，相信林伯特黎緊會對「銀河唯一」繼續委以重任，至少以Plan B黎講基奧特都絕對可以交足功課，而今場勝仗亦可以話為黎緊歐聯對拜仁既淘汰賽首回合加強士氣，不過亦切勿掉以輕心，始終有簡迪、佩利錫等正選球員受傷缺陣，只希望球隊能博盡無悔，延續藍軍鐵血精神。
至於英超VAR同英超球証...不予置評...真係講多都晒氣...
文章發表時間 : 23/02/2019 12:00
文章最後更新時間 :23/02/2019 12:00
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/