《預期的結果 殘酷的真相 車路士對拜仁慕尼黑歐聯賽後分析》
《原創文章 歡迎轉載 請列明出處 謝謝》
-請支持藍獅 Facebook專頁-
預期的結果，殘酷的真相，面對住老對手拜仁慕尼黑，回歸歐聯既車路士可以話什麼都不是，比數上被擊敗得體無完膚，次回合去到安聯球場相信翻盤機會微乎其微，無論係講緊林伯特定係依加哩支車路士，對於歐聯黎講都仲係喺初哥屆段，但今次所交既學費都都可以話相當之痛。
「一樣的陣式 不一樣的內容」，林伯特今場源用左早幾日對陣熱刺既陣式，人腳上既配置亦都完全一樣，繼續源用基斯甸斯、魯迪加以及艾斯派古達打三中堅，左右翼衛分別係馬高斯阿朗素同尼爾斯占士，雙中場為佐真奴加高華錫，而前線就係基奧特配合蒙特及巴克利，令人意外既係將韋利安繼續放喺後備席上，論歐戰經驗黎講巴西人絕對對起合蒙特同巴克利優勝，加上上場其實佢都已經係後備上陣，實在令人不解為何韋利安不能以正選參戰既原因。
雖然陣式同人腳上與上場一樣，但戰術內容卻大有改變，並無好似對熱刺咁過度向前施壓，車路士球員今場主要以企位為主，等到對手開始喺半場靠近至開始埋身迫，但中場喺缺少左簡迪既掃蕩之下，再加上佐真奴以及高華錫對於禁區頂位置保護意識不足，拜仁其實係好輕易由邊路開始透過兩三腳傳球就輕易運到個波上去，無論橫傳定高波落點都可以準確咁落喺近十二碼點區域，而哩個區域總係會有人作接應，但藍軍就好少有哩啲機會出現。
以位論位，其實車路士係叫做得條中場夠拜仁打，佐真奴加上高華錫哩對組合雖然偏向缺少防守要素，不過論傳控能力依然係數一數二，全隊人得佢兩個會傳到啲到位既波，而其他球員傳啲波只係到腳波，姐係傳到隊友腳下時係比人擔住個位背住身拎，要自己加作調整，而藍軍大多數攻勢都係依靠哩對中場製造啲穿透性傳球，傳到個位係可以比蒙特或者巴克利喺前面自己走一段，而基奧特亦多次成功搶贏謝路美保定作支點分波比佢兩個，但奈何兩位英格蘭人一個質素有限一個質素不足，將機會一一浪費。
另外兩翼衛亦成為今場波重點打壓對象，尼爾斯占士經常有前無後，就算參與防守亦好多時出現唔知跟邊個既畫面，而另一邊既馬高斯阿朗素更加係缺乏速度，車路士三個失波都係由翼衛失位開始，要中堅出黎補位，再比人殺到入禁區邊區域二傳跟住射入，同一招萬試萬靈，要不是卡巴尼路上半場多下水準撲救，車路士其實早以被解決。
細既缺乏經驗打得急進，大既亦唔生性控制住自己，佐真奴因高華錫被侵犯而與球証爭論拎黃牌，無謂地下回合作客要坐波監，而馬高斯阿朗素因出手打跌利雲杜夫斯基而紅牌，喺歐聯水平既球証係唔會好似英超咁有機會走漏眼，果一刻短路過火左就一定要食牌，唔會比你咁輕易走得甩。
下回合喺缺少左佐真奴底下，車路士既處境更加背水一戰，始終有成三球差距唔會預期車路士能夠成功反勝，雙方球員實力存在一段明顯差距，只希望林伯特以及一眾年輕球員能夠藉著哩個機會作成長一課，無疑喺今場波既人腳佈置上存在好大既改善空間，加上戰術內容既部署亦可以有待完善，更需要多重點運用高華錫、佐真奴等具質素既球員發揮，而年輕球員們亦要把握上場機會，入球機會一個起兩個止已經足以成為成敗關鍵。
亦係時候收拾心情，準備作客般尼茅夫既賽事。
文章發表時間 : 27/02/2019 12:00
文章最後更新時間 :27/02/2019 12:00
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
預期的結果，殘酷的真相，面對住老對手拜仁慕尼黑，回歸歐聯既車路士可以話什麼都不是，比數上被擊敗得體無完膚，次回合去到安聯球場相信翻盤機會微乎其微，無論係講緊林伯特定係依加哩支車路士，對於歐聯黎講都仲係喺初哥屆段，但今次所交既學費都都可以話相當之痛。
「一樣的陣式 不一樣的內容」，林伯特今場源用左早幾日對陣熱刺既陣式，人腳上既配置亦都完全一樣，繼續源用基斯甸斯、魯迪加以及艾斯派古達打三中堅，左右翼衛分別係馬高斯阿朗素同尼爾斯占士，雙中場為佐真奴加高華錫，而前線就係基奧特配合蒙特及巴克利，令人意外既係將韋利安繼續放喺後備席上，論歐戰經驗黎講巴西人絕對對起合蒙特同巴克利優勝，加上上場其實佢都已經係後備上陣，實在令人不解為何韋利安不能以正選參戰既原因。
雖然陣式同人腳上與上場一樣，但戰術內容卻大有改變，並無好似對熱刺咁過度向前施壓，車路士球員今場主要以企位為主，等到對手開始喺半場靠近至開始埋身迫，但中場喺缺少左簡迪既掃蕩之下，再加上佐真奴以及高華錫對於禁區頂位置保護意識不足，拜仁其實係好輕易由邊路開始透過兩三腳傳球就輕易運到個波上去，無論橫傳定高波落點都可以準確咁落喺近十二碼點區域，而哩個區域總係會有人作接應，但藍軍就好少有哩啲機會出現。
以位論位，其實車路士係叫做得條中場夠拜仁打，佐真奴加上高華錫哩對組合雖然偏向缺少防守要素，不過論傳控能力依然係數一數二，全隊人得佢兩個會傳到啲到位既波，而其他球員傳啲波只係到腳波，姐係傳到隊友腳下時係比人擔住個位背住身拎，要自己加作調整，而藍軍大多數攻勢都係依靠哩對中場製造啲穿透性傳球，傳到個位係可以比蒙特或者巴克利喺前面自己走一段，而基奧特亦多次成功搶贏謝路美保定作支點分波比佢兩個，但奈何兩位英格蘭人一個質素有限一個質素不足，將機會一一浪費。
另外兩翼衛亦成為今場波重點打壓對象，尼爾斯占士經常有前無後，就算參與防守亦好多時出現唔知跟邊個既畫面，而另一邊既馬高斯阿朗素更加係缺乏速度，車路士三個失波都係由翼衛失位開始，要中堅出黎補位，再比人殺到入禁區邊區域二傳跟住射入，同一招萬試萬靈，要不是卡巴尼路上半場多下水準撲救，車路士其實早以被解決。
細既缺乏經驗打得急進，大既亦唔生性控制住自己，佐真奴因高華錫被侵犯而與球証爭論拎黃牌，無謂地下回合作客要坐波監，而馬高斯阿朗素因出手打跌利雲杜夫斯基而紅牌，喺歐聯水平既球証係唔會好似英超咁有機會走漏眼，果一刻短路過火左就一定要食牌，唔會比你咁輕易走得甩。
下回合喺缺少左佐真奴底下，車路士既處境更加背水一戰，始終有成三球差距唔會預期車路士能夠成功反勝，雙方球員實力存在一段明顯差距，只希望林伯特以及一眾年輕球員能夠藉著哩個機會作成長一課，無疑喺今場波既人腳佈置上存在好大既改善空間，加上戰術內容既部署亦可以有待完善，更需要多重點運用高華錫、佐真奴等具質素既球員發揮，而年輕球員們亦要把握上場機會，入球機會一個起兩個止已經足以成為成敗關鍵。
亦係時候收拾心情，準備作客般尼茅夫既賽事。
文章發表時間 : 27/02/2019 12:00
文章最後更新時間 :27/02/2019 12:00
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/