《荊棘滿途 問題越滾越大 林伯特陷入困境旋渦》
《原創文章 歡迎轉載 請列明出處 謝謝》
-請支持藍獅 Facebook專頁-
歐聯大敗，英超接連失分，都經已忘記左車路士對上一次贏波係幾時既事，無論場外場內，藍軍依一刻所遇到既問題都已經到達臨界點，但似乎林伯特尚未有解決辦法，究竟佢係知道問題所在而束手無策，還是仍然對問題既根源處於摸索階段？可以將車路士依加既問題作一個整合歸類..
傷兵問題
傷兵問題可以話係過去哩幾季幾講今季爆發得最嚴重既一季，先假設性地排除林伯特既日常操練方式，再睇番全隊傷員分佈，今季傷病主要圍繞簡迪、佩利錫同奧岱哩幾位球員，前者過去除左為車路士喺大大小小唔同比賽中擔任核心球員外，亦為法國國家隊征戰世界盃，從而今季開始出現透支情況，至於佩利錫同奧岱都係較容易受傷既球員黎。
不過衍生出黎既問題係林伯特由季初至今一直都好少運用到就好似柏度哩啲後備球員，直到依加真係無人可用既時候先抽調佢地上陣，而同時亦因為缺乏實戰需要時間重拾狀態，其實一直都有唔少機會係可以用到哩啲球員，但林伯特更多時都用唔盡三個換人名額，就算係領先緊果陣都情願用熟場上同一班球員，去到依加先臨急抱佛腳用返基奧特、柏度等人，搞到今日咁既境況其實係有啲自己攞黎。
人腳配置、戰術安排
後防線一直係今季為人詬病既地方，林伯特季初賣走大衛雷斯，起用同為打比郡一同回歸既湯姆利，而季初魯迪加因傷缺陣，選用後防組合為蘇馬搭湯姆利，而魯迪加復出後就由佢拍蘇馬，而過左啱啱哩個轉會窗之後就由基斯甸臣拍魯迪加，林伯特一直都未有一個正選組合人選，明白每對組合都各自有唔同問題，但中堅組合係需要透過接連比賽去提升默契同狀態，個人認為就算後防人腳點差都好都有需要固定一個中堅組合作首選，而唔係瘋狂地每幾場就轉一個咁輪住用。
再講就係戰術陣式，季初一度有稱讚林伯特喺戰術陣式安排上得宜既地方，會因應對手而安排唔同既人腳同戰術內容，直同近排開始受到人腳限制，亦開始令佢既思路走入左困境，就好似啱啱對完熱刺再喺歐歐對拜仁哩兩場波咁，安排一式一樣既陣式同人腳作賽，好似「食過返尋味」咁，最終一盤冷水倒頭淋咁令車路士獲得一場大敗，球員喺場上定位亦開始模糊不清，戰術方針不明確，令球迷睇唔到究竟車路士係打緊啲乜野波。
人員管理
近日林伯特喺人員管理上亦受到爭議，想講既唔係基柏而係韋利安，巴西人自開季至今一直同球會商討有關續約事宜，球員希望能夠得到三年合約於史丹福橋退役，而球會亦只能為年過三十既韋利安提供最多兩年合約，直到近日球員亦開始向外界表明其心願，而林伯特亦隨即將佢收到後備席之中，韋利安今季其實維持相當穩定既表現，喺球隊進攻推進上可以話出左唔少力，亦會適時參與協防，但林伯特就連對拜仁哩場咁重點既賽事都將哩位較有經驗既隊中老臣子收於後備之中，埋下球隊大敗伏線，實在令人不解。
至於基柏，暫時都未肯定究竟林伯特黎緊仲會唔會比機會佢，只能夠講球員自己今季表現的確出現下滑，但同時防線本身亦存在唔少問題，唔應該將所有過失都推卸到基柏自己一個人身上，始終一隊防線，都係由全隊所建立起黎。
青春風暴變成揠苗助長？
蒙特既定位亦係令一受爭議既地方，哩位自家青訓今季參與左車路士接近九成賽事，季初其實有一段小爆發期打得相當唔錯，但隨著賽季進程，加上各項盃賽賽事展開，日接日既賽事令球員狀態下滑，同時球員明顯喺場上表現亦開始顯得急躁，判斷上亦出現唔少錯誤，理解得到蒙特係可以令林伯特既戰術上達致更加立體，但球員心態上出現低迷如果唔適時作出調整的話，就算幾有天賦都係死，感覺上林伯特對蒙特開始有啲揠苗助長，對球員既成長唔會係好事。
文章發表時間 : 02/03/2019 12:00
文章最後更新時間 :02/03/2019 12:00
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
歐聯大敗，英超接連失分，都經已忘記左車路士對上一次贏波係幾時既事，無論場外場內，藍軍依一刻所遇到既問題都已經到達臨界點，但似乎林伯特尚未有解決辦法，究竟佢係知道問題所在而束手無策，還是仍然對問題既根源處於摸索階段？可以將車路士依加既問題作一個整合歸類..
傷兵問題
傷兵問題可以話係過去哩幾季幾講今季爆發得最嚴重既一季，先假設性地排除林伯特既日常操練方式，再睇番全隊傷員分佈，今季傷病主要圍繞簡迪、佩利錫同奧岱哩幾位球員，前者過去除左為車路士喺大大小小唔同比賽中擔任核心球員外，亦為法國國家隊征戰世界盃，從而今季開始出現透支情況，至於佩利錫同奧岱都係較容易受傷既球員黎。
不過衍生出黎既問題係林伯特由季初至今一直都好少運用到就好似柏度哩啲後備球員，直到依加真係無人可用既時候先抽調佢地上陣，而同時亦因為缺乏實戰需要時間重拾狀態，其實一直都有唔少機會係可以用到哩啲球員，但林伯特更多時都用唔盡三個換人名額，就算係領先緊果陣都情願用熟場上同一班球員，去到依加先臨急抱佛腳用返基奧特、柏度等人，搞到今日咁既境況其實係有啲自己攞黎。
人腳配置、戰術安排
後防線一直係今季為人詬病既地方，林伯特季初賣走大衛雷斯，起用同為打比郡一同回歸既湯姆利，而季初魯迪加因傷缺陣，選用後防組合為蘇馬搭湯姆利，而魯迪加復出後就由佢拍蘇馬，而過左啱啱哩個轉會窗之後就由基斯甸臣拍魯迪加，林伯特一直都未有一個正選組合人選，明白每對組合都各自有唔同問題，但中堅組合係需要透過接連比賽去提升默契同狀態，個人認為就算後防人腳點差都好都有需要固定一個中堅組合作首選，而唔係瘋狂地每幾場就轉一個咁輪住用。
再講就係戰術陣式，季初一度有稱讚林伯特喺戰術陣式安排上得宜既地方，會因應對手而安排唔同既人腳同戰術內容，直同近排開始受到人腳限制，亦開始令佢既思路走入左困境，就好似啱啱對完熱刺再喺歐歐對拜仁哩兩場波咁，安排一式一樣既陣式同人腳作賽，好似「食過返尋味」咁，最終一盤冷水倒頭淋咁令車路士獲得一場大敗，球員喺場上定位亦開始模糊不清，戰術方針不明確，令球迷睇唔到究竟車路士係打緊啲乜野波。
人員管理
近日林伯特喺人員管理上亦受到爭議，想講既唔係基柏而係韋利安，巴西人自開季至今一直同球會商討有關續約事宜，球員希望能夠得到三年合約於史丹福橋退役，而球會亦只能為年過三十既韋利安提供最多兩年合約，直到近日球員亦開始向外界表明其心願，而林伯特亦隨即將佢收到後備席之中，韋利安今季其實維持相當穩定既表現，喺球隊進攻推進上可以話出左唔少力，亦會適時參與協防，但林伯特就連對拜仁哩場咁重點既賽事都將哩位較有經驗既隊中老臣子收於後備之中，埋下球隊大敗伏線，實在令人不解。
至於基柏，暫時都未肯定究竟林伯特黎緊仲會唔會比機會佢，只能夠講球員自己今季表現的確出現下滑，但同時防線本身亦存在唔少問題，唔應該將所有過失都推卸到基柏自己一個人身上，始終一隊防線，都係由全隊所建立起黎。
青春風暴變成揠苗助長？
蒙特既定位亦係令一受爭議既地方，哩位自家青訓今季參與左車路士接近九成賽事，季初其實有一段小爆發期打得相當唔錯，但隨著賽季進程，加上各項盃賽賽事展開，日接日既賽事令球員狀態下滑，同時球員明顯喺場上表現亦開始顯得急躁，判斷上亦出現唔少錯誤，理解得到蒙特係可以令林伯特既戰術上達致更加立體，但球員心態上出現低迷如果唔適時作出調整的話，就算幾有天賦都係死，感覺上林伯特對蒙特開始有啲揠苗助長，對球員既成長唔會係好事。
文章發表時間 : 02/03/2019 12:00
文章最後更新時間 :02/03/2019 12:00
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/