《由年度最佳球員變成今日平平無奇 基斯甸臣由始至終只係名過其實？ （下）》
《原創文章 歡迎轉載 請列明出處 謝謝》
-請支持藍獅 Facebook專頁-
上回傳送門 : 《由年度最佳球員變成今日平平無奇 基斯甸臣由始至終只係名過其實？ （上）》
延續上回既分析，下半部份將會圍繞基斯甸臣個人特質上既利弊以及喺史丹福橋既前境...
身體對抗絕不是球員賣點，面對住高大中鋒時基斯甸臣經常處於下風，只可以透過先發制人既侵犯或者技術犯規黎阻止對手，同時制空力亦係佢既缺點之一，喺迎高波方面只要對方施加少許壓力，丹麥人就好容易自我犯錯，感覺上心理質素同比賽狀態會因應對手而反映出黎，較為唔穩定；而基斯甸臣既主力賣點就係喺閱讀球賽方面，視野同長傳能力上可以作第一點交出一啲過頭波比前場球員，而落腳攔截方面既相對爽快乾淨，無太多多餘拖泥帶水既動作，但先要條件係要有隊友幫手協助。
基斯甸臣自前季干地帶領車路士第二季時回歸史丹福橋，果季受惠於大衛雷斯經常受傷，令丹麥人喺干地手上得到唔少上陣機會，喺哩名意大利主帥主打既三後衛陣式當中，偏好將佢放喺兩名中堅之間，主要原因係睇到基斯甸臣並唔善於出迎，佢較偏好於幫隊友喺後面包位作處理第二重防守工作居多，再加上之前所講既長傳視野，擔任置中既中堅能夠比到佢更多空間到自由度去選擇過頭波落點，而喺干地既三中堅陣式底下基斯甸臣既發揮亦的確相對穩定。
而上季去到沙利接掌後，哩位丹麥中堅就只能喺歐霸戰線上出戰，英超所得到既上陣時間大大縮減，雖然球隊最終都能夠奪得歐霸盃冠軍，但其實喺晉級路途上面對既對手實力並唔算高，除左話最後決賽對阿仙奴同準決賽對法蘭克福之外，其餘對手比到佢既考驗實在唔多，不過亦反映到一樣野，就係基斯甸臣其實係咪一名唔適合踢英超既中堅？
尤其係經歷過今個賽季，哩條問題既迴響就更加之大，始終基斯甸臣係隊內四位中堅之中抗壓能力等級最低既一位，就連湯姆利感覺上都比佢硬淨，而前者與直接競爭者蘇馬兩人之間，雖然含有好大「水兵鬥海軍」既成份喺度，蘇馬同樣不善處理高空波（跳頂時機有四成機會唔準），亦偶以會出現短路畫面，不過法國人至少喺對抗性方面比基斯甸臣好，上搶同回追力亦較強，加上同樣有用波能力，風格上會對比起後者較為全面。
雙中堅陣式將基斯甸臣既弊端表露無遺，組合上亦未能產生任何化學作用，延伸之下睇到直接競爭者蘇馬更為優勝，而喺生存於英超作大前題底下，三中堅會基斯甸臣既唯一出路，但睇落林伯特只會因應個別對手而作出哩個陣式上既操作，長遠會繼續以4231為首選，如果係咁的話，基斯甸臣離開車路士轉投其他聯賽似乎會係更好選擇。
文章發表時間 : 30/03/2019 12:25
文章最後更新時間 : 30/03/2019 12:25
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
上回傳送門 : 《由年度最佳球員變成今日平平無奇 基斯甸臣由始至終只係名過其實？ （上）》
延續上回既分析，下半部份將會圍繞基斯甸臣個人特質上既利弊以及喺史丹福橋既前境...
身體對抗絕不是球員賣點，面對住高大中鋒時基斯甸臣經常處於下風，只可以透過先發制人既侵犯或者技術犯規黎阻止對手，同時制空力亦係佢既缺點之一，喺迎高波方面只要對方施加少許壓力，丹麥人就好容易自我犯錯，感覺上心理質素同比賽狀態會因應對手而反映出黎，較為唔穩定；而基斯甸臣既主力賣點就係喺閱讀球賽方面，視野同長傳能力上可以作第一點交出一啲過頭波比前場球員，而落腳攔截方面既相對爽快乾淨，無太多多餘拖泥帶水既動作，但先要條件係要有隊友幫手協助。
基斯甸臣自前季干地帶領車路士第二季時回歸史丹福橋，果季受惠於大衛雷斯經常受傷，令丹麥人喺干地手上得到唔少上陣機會，喺哩名意大利主帥主打既三後衛陣式當中，偏好將佢放喺兩名中堅之間，主要原因係睇到基斯甸臣並唔善於出迎，佢較偏好於幫隊友喺後面包位作處理第二重防守工作居多，再加上之前所講既長傳視野，擔任置中既中堅能夠比到佢更多空間到自由度去選擇過頭波落點，而喺干地既三中堅陣式底下基斯甸臣既發揮亦的確相對穩定。
而上季去到沙利接掌後，哩位丹麥中堅就只能喺歐霸戰線上出戰，英超所得到既上陣時間大大縮減，雖然球隊最終都能夠奪得歐霸盃冠軍，但其實喺晉級路途上面對既對手實力並唔算高，除左話最後決賽對阿仙奴同準決賽對法蘭克福之外，其餘對手比到佢既考驗實在唔多，不過亦反映到一樣野，就係基斯甸臣其實係咪一名唔適合踢英超既中堅？
尤其係經歷過今個賽季，哩條問題既迴響就更加之大，始終基斯甸臣係隊內四位中堅之中抗壓能力等級最低既一位，就連湯姆利感覺上都比佢硬淨，而前者與直接競爭者蘇馬兩人之間，雖然含有好大「水兵鬥海軍」既成份喺度，蘇馬同樣不善處理高空波（跳頂時機有四成機會唔準），亦偶以會出現短路畫面，不過法國人至少喺對抗性方面比基斯甸臣好，上搶同回追力亦較強，加上同樣有用波能力，風格上會對比起後者較為全面。
雙中堅陣式將基斯甸臣既弊端表露無遺，組合上亦未能產生任何化學作用，延伸之下睇到直接競爭者蘇馬更為優勝，而喺生存於英超作大前題底下，三中堅會基斯甸臣既唯一出路，但睇落林伯特只會因應個別對手而作出哩個陣式上既操作，長遠會繼續以4231為首選，如果係咁的話，基斯甸臣離開車路士轉投其他聯賽似乎會係更好選擇。
文章發表時間 : 30/03/2019 12:25
文章最後更新時間 : 30/03/2019 12:25
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/