《外借或比留隊好 靜待琢磨的契機 - 湯姆利（下）》
《原創文章 歡迎轉載 請列明出處 謝謝》
-請支持藍獅 Facebook專頁-
上回傳送門 : 《外借或比留隊好 靜待琢磨的契機 - 湯姆利（上）》
雖然同艾巴咸以及蒙特同屆，今季亦同樣獲得留隊機會，不過湯姆利並無好似前兩者咁得到林伯特有所重用，雖然季初喺魯迪加受傷時的確獲得一段上陣機會，但其後喺德國人復出後慢就慢退居後備，再降至第四中堅排序，如同開季所料湯姆利就只係大衛雷斯臨時離隊下既替補人選，為防止中堅位置上出現傷員而導致人手短缺，始終另外三名隊友間唔中都會有受傷情況發生。
而喺季初既上陣既一段時間都睇到，湯姆利既能力同級數去到邊個位，論實力，其實英格蘭人都質素都相當平庸，除左喺速度上比較有優勢之外，其他所謂既賣點都相當一般，而年輕球員較容易犯下唔集中既既情況佢亦相當容易發生，林伯特主要安排湯姆利做上前殺波既角色，利用佢既速度盡快向前搶回球權，即使失敗或出現個人失誤，湯姆利每次都能利用自身速度回追對手，而哩一個情況喺上半季亦時有發生。
不過喺雙中堅陣式之中，出現既危險鏡頭就特別多，再加上季初果段時間佢既拍檔係蘇馬或者基斯甸臣，兩者都比唔到較為穩定既表現去說服球迷，喺「自己都未顧得掂自己」既情況之下更何況要佢地去帶住細一級既湯姆利黎踢，而喺三堅陣式時比較能夠發揮得到哩位英格蘭小將既自身能力，擔任左右中堅時能夠利用速度填補翼衛遺漏落黎既區域，就算自己殺上中場以上位置時後面亦有隊友包位，再加上湯姆利有一定程度既腳下技術，今季最為人記憶定必係歐聯分組賽對阿積士時，於後場扭跌下季隊友薛耶治既畫面。
但係以廿二歳之齡黎講湯姆利既身形的確較為瘦削，身高以及身體質素定必係四位中堅人選之中最弱，對於打哩個位置既球員黎講可以話先讓半臂，再加上缺乏上陣時間下亦難以吸收實戰經驗，喺防守時刻較多時出現比番對手擔住身位既情況，再加上缺乏好似泰利哩啲有經驗之談既老江湖人物提點，其實湯姆利係較難喺隊內自我成長，個人偏好於下季將佢外借到其他英超球隊較為合適。
近日一直有傳車路士對里爾中堅加比爾馬加希斯（Gabriel Magalhães）相當感興趣，藍軍好大程度會喺黎緊轉會窗於中堅位置上收購新球員，而喺魯迪加將會續約之下，意味住蘇馬、基斯甸臣以及湯姆利需要爭取隊內第三中堅打後既排位，其實喺早前既文章都有交代到蘇馬會比起基斯甸臣更值得獲留隊機會，如果車路士喺黎緊哩個轉會窗都唔賣走後者的話，湯姆利就有必要透過外借尋求機會。
湯姆利其實可以參考另一位藍軍青訓艾基既成長路線（Nathan Aké），身高上更矮既荷蘭人經歷兩次英超外借後確立左佢有係能力喺哩個聯賽中生存，亦引致到般茅最後出手求購，今日既身價經已升至多一倍有多，而個人認為愛華頓未必能夠提供一個穩定既處境比到湯姆利去成長，始終佢隊內經已有耶利米拿（Yerry Mina）以及米高堅尼（Michael Keane）作核心之外，亦有自家青訓賀基治（Mason Holgate），如果維拉最終能夠保住英超席位脫離降班區的話，湯姆利跟隨泰利吸收有關防守技巧會更為合適。
始終都需要一個契機比湯姆利喺英超賽場上琢磨，至可以睇到佢究竟係資質平庸還是欠缺成長機會，相信英超亦有唔少中下游球會會對佢感興趣，就要睇下林伯特黎緊有咩合適既安排。
文章發表時間 : 28/04/2020 10:35
文章最後更新時間 : 28/04/2020 10:35
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
上回傳送門 : 《外借或比留隊好 靜待琢磨的契機 - 湯姆利（上）》
雖然同艾巴咸以及蒙特同屆，今季亦同樣獲得留隊機會，不過湯姆利並無好似前兩者咁得到林伯特有所重用，雖然季初喺魯迪加受傷時的確獲得一段上陣機會，但其後喺德國人復出後慢就慢退居後備，再降至第四中堅排序，如同開季所料湯姆利就只係大衛雷斯臨時離隊下既替補人選，為防止中堅位置上出現傷員而導致人手短缺，始終另外三名隊友間唔中都會有受傷情況發生。
而喺季初既上陣既一段時間都睇到，湯姆利既能力同級數去到邊個位，論實力，其實英格蘭人都質素都相當平庸，除左喺速度上比較有優勢之外，其他所謂既賣點都相當一般，而年輕球員較容易犯下唔集中既既情況佢亦相當容易發生，林伯特主要安排湯姆利做上前殺波既角色，利用佢既速度盡快向前搶回球權，即使失敗或出現個人失誤，湯姆利每次都能利用自身速度回追對手，而哩一個情況喺上半季亦時有發生。
不過喺雙中堅陣式之中，出現既危險鏡頭就特別多，再加上季初果段時間佢既拍檔係蘇馬或者基斯甸臣，兩者都比唔到較為穩定既表現去說服球迷，喺「自己都未顧得掂自己」既情況之下更何況要佢地去帶住細一級既湯姆利黎踢，而喺三堅陣式時比較能夠發揮得到哩位英格蘭小將既自身能力，擔任左右中堅時能夠利用速度填補翼衛遺漏落黎既區域，就算自己殺上中場以上位置時後面亦有隊友包位，再加上湯姆利有一定程度既腳下技術，今季最為人記憶定必係歐聯分組賽對阿積士時，於後場扭跌下季隊友薛耶治既畫面。
但係以廿二歳之齡黎講湯姆利既身形的確較為瘦削，身高以及身體質素定必係四位中堅人選之中最弱，對於打哩個位置既球員黎講可以話先讓半臂，再加上缺乏上陣時間下亦難以吸收實戰經驗，喺防守時刻較多時出現比番對手擔住身位既情況，再加上缺乏好似泰利哩啲有經驗之談既老江湖人物提點，其實湯姆利係較難喺隊內自我成長，個人偏好於下季將佢外借到其他英超球隊較為合適。
近日一直有傳車路士對里爾中堅加比爾馬加希斯（Gabriel Magalhães）相當感興趣，藍軍好大程度會喺黎緊轉會窗於中堅位置上收購新球員，而喺魯迪加將會續約之下，意味住蘇馬、基斯甸臣以及湯姆利需要爭取隊內第三中堅打後既排位，其實喺早前既文章都有交代到蘇馬會比起基斯甸臣更值得獲留隊機會，如果車路士喺黎緊哩個轉會窗都唔賣走後者的話，湯姆利就有必要透過外借尋求機會。
湯姆利其實可以參考另一位藍軍青訓艾基既成長路線（Nathan Aké），身高上更矮既荷蘭人經歷兩次英超外借後確立左佢有係能力喺哩個聯賽中生存，亦引致到般茅最後出手求購，今日既身價經已升至多一倍有多，而個人認為愛華頓未必能夠提供一個穩定既處境比到湯姆利去成長，始終佢隊內經已有耶利米拿（Yerry Mina）以及米高堅尼（Michael Keane）作核心之外，亦有自家青訓賀基治（Mason Holgate），如果維拉最終能夠保住英超席位脫離降班區的話，湯姆利跟隨泰利吸收有關防守技巧會更為合適。
始終都需要一個契機比湯姆利喺英超賽場上琢磨，至可以睇到佢究竟係資質平庸還是欠缺成長機會，相信英超亦有唔少中下游球會會對佢感興趣，就要睇下林伯特黎緊有咩合適既安排。
文章發表時間 : 28/04/2020 10:35
文章最後更新時間 : 28/04/2020 10:35
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/