《唔提真係唔記得你 摩納哥拒收留巴卡約高 法國人又再一次回歸史丹福橋？》
《原創文章 歡迎轉載 請列明出處 謝謝》
-請支持藍獅 Facebook專頁-
老實講唔係近日啲轉會新聞，都經已唔記得左巴卡約高仲係車路士球員黎，今季外借回歸摩納哥一季既佢，由於法國足總已經宣佈法甲所有餘下賽事取消，而摩納哥亦可以提前開始轉會上既部署，意向上哩支曾經法甲既暴發戶似乎未有想留低巴卡約高既意思，將不會啟動租借合約上既買斷條款，亦意味住哩位法國中場將會完成租借合約再一次回歸史丹福橋，但相信車路士同樣唔會有留低佢既意思喺度...
仍有小部份車迷話可以比多一次機會巴卡約高，其實都可以好「斬釘截鐵」咁講佢根本唔適合喺英超發展，再加上隊內亦無留低既空間，所以無需再過份閑想有任何憧憬，當日已經開壞左個頭，主要原因係干地收購巴卡約高返黎既時候其實係想佢能夠喺馬迪身邊慢慢成長，誰不知一個屈尾十後者轉投曼聯跟番摩連奴，喺無人可用既情況下迫住以揠苗助長方式將一個風格上完全唔熟英超打開法甲既人放喺場上，再加上仲要適應干地既三中堅陣式，無論喺343定係352之間法國人都對自己喺場上既定位感到困惑，加盟既第一季經已睇到哩個情況。
而干地亦喺賽季完結時被球會解約，巴卡約高亦隨即被外借到AC米蘭，聯賽風格上偏慢既意甲似乎會比到一線生機哩位法國中場，佢哩一季既進程可以話高山低谷，季初一度傳出會被時任主帥加度素打回頭，而其後逐步打上常任正選之位，表現亦獲得主帥以及球迷歡心，不過之後一連串侮辱對手、操練遲到以及拒絕出場等等事件，而最終AC米蘭亦未有啟動有關買斷條款，車路士無疑錯失左一個可以甩手既好機會。
而喺林伯特上任後亦有喺季前熱身賽安排所有球員參與既機會，而巴卡約高亦得到好幾場賽事既上陣時間，不過佢既一啲弊病仍然係無太大改善，控球節奏偏慢，粗枝大葉既腳下技術再加上經常魯莽犯規，相比於當時另一新收購既中場高華錫簡直可以話天與地之比，最終前者開一次被外借而今次回歸當日成名之地摩納哥，而今季交出既表現當然非常一般啦如果唔係人地一早買斷，唔洗等到依加又要車路士繼續為佢既下家而苦惱。
有傳前AC米蘭依加轉左去巴黎聖日門任體育總監既李安納度（Leonardo）有意再一次將巴卡約高帶到自己既球隊之中，而同時亦傳出西甲既西維爾亦同樣表示興趣，難得仲幫佢搵到有人接手的話車路士其實無必要再為佢標一個非常離地既價錢作出售，唔蝕都蝕左，倒不如及早甩手將啲錢投資落更適合既位置同人選度，唔係仲更加好咩？
文章發表時間 : 08/05/2019 11:55
文章最後更新時間 : 08/05/2019 11:55
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
老實講唔係近日啲轉會新聞，都經已唔記得左巴卡約高仲係車路士球員黎，今季外借回歸摩納哥一季既佢，由於法國足總已經宣佈法甲所有餘下賽事取消，而摩納哥亦可以提前開始轉會上既部署，意向上哩支曾經法甲既暴發戶似乎未有想留低巴卡約高既意思，將不會啟動租借合約上既買斷條款，亦意味住哩位法國中場將會完成租借合約再一次回歸史丹福橋，但相信車路士同樣唔會有留低佢既意思喺度...
仍有小部份車迷話可以比多一次機會巴卡約高，其實都可以好「斬釘截鐵」咁講佢根本唔適合喺英超發展，再加上隊內亦無留低既空間，所以無需再過份閑想有任何憧憬，當日已經開壞左個頭，主要原因係干地收購巴卡約高返黎既時候其實係想佢能夠喺馬迪身邊慢慢成長，誰不知一個屈尾十後者轉投曼聯跟番摩連奴，喺無人可用既情況下迫住以揠苗助長方式將一個風格上完全唔熟英超打開法甲既人放喺場上，再加上仲要適應干地既三中堅陣式，無論喺343定係352之間法國人都對自己喺場上既定位感到困惑，加盟既第一季經已睇到哩個情況。
而干地亦喺賽季完結時被球會解約，巴卡約高亦隨即被外借到AC米蘭，聯賽風格上偏慢既意甲似乎會比到一線生機哩位法國中場，佢哩一季既進程可以話高山低谷，季初一度傳出會被時任主帥加度素打回頭，而其後逐步打上常任正選之位，表現亦獲得主帥以及球迷歡心，不過之後一連串侮辱對手、操練遲到以及拒絕出場等等事件，而最終AC米蘭亦未有啟動有關買斷條款，車路士無疑錯失左一個可以甩手既好機會。
而喺林伯特上任後亦有喺季前熱身賽安排所有球員參與既機會，而巴卡約高亦得到好幾場賽事既上陣時間，不過佢既一啲弊病仍然係無太大改善，控球節奏偏慢，粗枝大葉既腳下技術再加上經常魯莽犯規，相比於當時另一新收購既中場高華錫簡直可以話天與地之比，最終前者開一次被外借而今次回歸當日成名之地摩納哥，而今季交出既表現當然非常一般啦如果唔係人地一早買斷，唔洗等到依加又要車路士繼續為佢既下家而苦惱。
有傳前AC米蘭依加轉左去巴黎聖日門任體育總監既李安納度（Leonardo）有意再一次將巴卡約高帶到自己既球隊之中，而同時亦傳出西甲既西維爾亦同樣表示興趣，難得仲幫佢搵到有人接手的話車路士其實無必要再為佢標一個非常離地既價錢作出售，唔蝕都蝕左，倒不如及早甩手將啲錢投資落更適合既位置同人選度，唔係仲更加好咩？
文章發表時間 : 08/05/2019 11:55
文章最後更新時間 : 08/05/2019 11:55
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/