《「新卡卡」名字已成絕響 皮亞桑的浪人夢是時候甦醒》
《原創文章 歡迎轉載 請列明出處 謝謝》
-請支持藍獅 Facebook專頁-
車路士近十年都有引入唔少巴西球員，當中固然有成功例子亦有失敗球員，而其中皮亞桑（Lucas Piazon）就絕對可以歸類為後者，雖然佢依加仲算係車路士球員，但加盟咁多季以黎一直都無任何一名領隊選擇留用佢，而球會亦一直幫佢喺世界各地搜尋外借之地，基本上每年夏天都會係佢改變環境既時機，試問咁樣又點會對一位職業球員黎講係一個好現象。
「新卡卡」之名主要源於皮亞桑出道當時無論外貌、身型、場上位置、甚至踢法風格上，都同果時尚未退役既真卡卡非常相似，所以當時喺聖保羅效力時就經已受到各大豪門追逐，而車路士就係其中之一，最終巴西人亦選擇接受挑戰離開祖國球壇，毅然隻身走到倫敦登陸史丹福橋，本應一切都幻想成為美好的開始，但令人意想不到既係之後落黎穿起車路士波衫既日子就只有每季季前熱身賽既時間。
皮亞桑先後外借到西甲既馬拉加、有「荷甲車仔」之稱既合衛星球會維迪斯、德甲既法蘭克福、當時仲係喺英冠聯賽既雷丁同富咸，上季就借埋去意甲球會維羅納，而今季就外借去萄超既里奧艾維，真係可以話走遍世界各地，但喺次序下明顯見到皮亞桑既職業生涯一浪低於一浪，愈來愈少主流球壇既球會肯比到佢外借既機會，而其實當日為富咸由英冠升上英超之時係最有機會開始將佢甩手，可惜既係最終都無任何球會能夠同車路士達成轉會協商。
而其中最令人摸不著頭腦既係，喺今季開季之前藍軍竟然同佢續約至2021年夏天，究竟點樣解釋得到一名加盟至今都從未獲任何一名領隊選用過既球員反而得到球會續約，代表住會等到一名選用佢既主帥出現？還是唔希望佢完約後以自由身離隊？實在睇唔透，就算你話有球隊肯出價收留都好，以皮亞桑咁多年既表現黎講都唔可能收到一個較為可觀既轉會費架啦，咁的話又何必要繼續續約落去，長痛不如短痛早日分手對雙方都係好事。
相信皮亞桑既能力上都未必能再留得番喺主流球壇，名氣上雖然仲算係車路士球員，不過繼續咁落去的話對佢既職業生涯都唔會有任何正面既幫助。
文章發表時間 : 05/06/2020 10:30
文章最後更新時間 : 05/06/2020 10:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
車路士近十年都有引入唔少巴西球員，當中固然有成功例子亦有失敗球員，而其中皮亞桑（Lucas Piazon）就絕對可以歸類為後者，雖然佢依加仲算係車路士球員，但加盟咁多季以黎一直都無任何一名領隊選擇留用佢，而球會亦一直幫佢喺世界各地搜尋外借之地，基本上每年夏天都會係佢改變環境既時機，試問咁樣又點會對一位職業球員黎講係一個好現象。
「新卡卡」之名主要源於皮亞桑出道當時無論外貌、身型、場上位置、甚至踢法風格上，都同果時尚未退役既真卡卡非常相似，所以當時喺聖保羅效力時就經已受到各大豪門追逐，而車路士就係其中之一，最終巴西人亦選擇接受挑戰離開祖國球壇，毅然隻身走到倫敦登陸史丹福橋，本應一切都幻想成為美好的開始，但令人意想不到既係之後落黎穿起車路士波衫既日子就只有每季季前熱身賽既時間。
皮亞桑先後外借到西甲既馬拉加、有「荷甲車仔」之稱既合衛星球會維迪斯、德甲既法蘭克福、當時仲係喺英冠聯賽既雷丁同富咸，上季就借埋去意甲球會維羅納，而今季就外借去萄超既里奧艾維，真係可以話走遍世界各地，但喺次序下明顯見到皮亞桑既職業生涯一浪低於一浪，愈來愈少主流球壇既球會肯比到佢外借既機會，而其實當日為富咸由英冠升上英超之時係最有機會開始將佢甩手，可惜既係最終都無任何球會能夠同車路士達成轉會協商。
而其中最令人摸不著頭腦既係，喺今季開季之前藍軍竟然同佢續約至2021年夏天，究竟點樣解釋得到一名加盟至今都從未獲任何一名領隊選用過既球員反而得到球會續約，代表住會等到一名選用佢既主帥出現？還是唔希望佢完約後以自由身離隊？實在睇唔透，就算你話有球隊肯出價收留都好，以皮亞桑咁多年既表現黎講都唔可能收到一個較為可觀既轉會費架啦，咁的話又何必要繼續續約落去，長痛不如短痛早日分手對雙方都係好事。
相信皮亞桑既能力上都未必能再留得番喺主流球壇，名氣上雖然仲算係車路士球員，不過繼續咁落去的話對佢既職業生涯都唔會有任何正面既幫助。
文章發表時間 : 05/06/2020 10:30
文章最後更新時間 : 05/06/2020 10:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/