《把握力成勝負分野 遭槌仔幫雙殺 韋斯咸對車路士賽後分析》
《原創文章 歡迎轉載 請列明出處 謝謝》
-請支持藍獅 Facebook專頁-
一場比賽可以創造無限入球機會，但一不能把握，就足以成為左右勝負既分野，而今場車路士作客韋斯咸既賽事中就正正睇到哩個結論，終結藍軍復賽後聯賽兩連勝，更為槌仔幫奪得護級既重要三分，林伯特喺賽後亦認為球隊喺賽事進程既細節上處理得比較差，同時成為球隊只能爭前四而非前二既主要原因。
換上新球衣既車路士今場正選陣容作出三個人選上既變動，分別以艾巴咸取代基奧特為正選，伙拍韋利安以及佩利錫，而中場方面亦選用巴克利及高華錫與簡迪合組三中場，佐真奴自復賽後仍然未獲得上陣機會，後場方面就繼續源用魯迪加拍基斯甸臣，同時左右兩閘亦都繼續係馬高斯阿朗素同隊長艾斯派古達擔任。賽程頻密，輪換會係當中重要元素，之前亦有提過合適既得宜既輪換會係致勝關鍵，但林伯特今場波所安排既輪換可以話換湯卻不換藥。
講緊既就係今場波遭球迷力插既艾巴咸，哩位英格蘭小將自復賽後首次得到聯賽正選上陣機會，但全場表現可以話相當一般，尤其係上半場喺場上既數據更可以用差黎形容，只不過喺佢發揮得差既同時，林伯特有冇為過艾巴咸制定過一套戰術方針又係當中值得深究既問題，正如安排基奧特落場一樣，球隊理應以高空攻勢作重點進攻套路，同時相信球迷們亦唔會認為喺反擊速率上基奧特會可以跟得上球隊節奏。
運用番以上同樣道理，艾巴咸喺特質上係善於打反擊類型既前鋒，理應以創造反擊機會至係最有利於佢發揮，但敢問上半場球隊有幾多下反擊機會？係要去到半場末段時間以及下半場佢被換出之前球隊先開始多番啲直接由後場斬個波上前場比攻擊球員跑一段既反擊機會，其餘時間都係不斷短傳，連早兩場基本都會見到左右大腳轉下邊既畫面都無，而同時過份依賴阿朗素喺左邊盲斬入禁區，艾巴咸面對住對手兩名高大中堅底下完全見唔到有明顯身形優勢，既然上半場主打高空波而下半場至開始主打反擊的話，點解唔源用基奧特為正選去到下半場先至換艾巴咸出黎？真係睇唔透...
再講埋果三個失波，失第一球之前其實都預演過一次，韋斯咸喺角球攻勢上明顯係製定過一套可行模式，只係第一下被吹越位，第二下至成功為球隊喺完半場前追平，而第二個失波就正正睇到魯迪加拍基斯甸臣哩對中堅組合既弊病，韋斯咸前鋒安東尼奧（Michail Gregory Antonio）專心打身後波，喺佢同時具備身形、速度以及爆發力底下明顯睇到魯迪加同基斯甸臣都應付得相當吃力，而安東尼奧亦多次「硬爆」得手，至於最後一球失望，除左係把握力上既分野外，運氣都係當中好大要素，簡迪差半腳可以喺中場攔截到，魯迪加同樣差半腳可以擋到個射門，差半下，就係差半下。
近幾場都睇到車路士非常依賴韋利安同佩利錫喺左右兩邊推進既效果，兩位球員亦將會成為黎緊賽程之中既關鍵，而早前球迷們高呼重用基摩爾以及簡迪重回防中位而棄用佐真奴既聲音，相信自今場波後亦會有一番整頓，不過無可否認既係暫時都未知佐真奴仍然未能上陣既主因係咩，係真係無態還是有其他原因真係無從稽考，要再睇埋落去至可下定斷...
文章發表時間 : 02/07/2020 14:45
文章最後更新時間 : 02/07/2020 14:45
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
一場比賽可以創造無限入球機會，但一不能把握，就足以成為左右勝負既分野，而今場車路士作客韋斯咸既賽事中就正正睇到哩個結論，終結藍軍復賽後聯賽兩連勝，更為槌仔幫奪得護級既重要三分，林伯特喺賽後亦認為球隊喺賽事進程既細節上處理得比較差，同時成為球隊只能爭前四而非前二既主要原因。
換上新球衣既車路士今場正選陣容作出三個人選上既變動，分別以艾巴咸取代基奧特為正選，伙拍韋利安以及佩利錫，而中場方面亦選用巴克利及高華錫與簡迪合組三中場，佐真奴自復賽後仍然未獲得上陣機會，後場方面就繼續源用魯迪加拍基斯甸臣，同時左右兩閘亦都繼續係馬高斯阿朗素同隊長艾斯派古達擔任。賽程頻密，輪換會係當中重要元素，之前亦有提過合適既得宜既輪換會係致勝關鍵，但林伯特今場波所安排既輪換可以話換湯卻不換藥。
講緊既就係今場波遭球迷力插既艾巴咸，哩位英格蘭小將自復賽後首次得到聯賽正選上陣機會，但全場表現可以話相當一般，尤其係上半場喺場上既數據更可以用差黎形容，只不過喺佢發揮得差既同時，林伯特有冇為過艾巴咸制定過一套戰術方針又係當中值得深究既問題，正如安排基奧特落場一樣，球隊理應以高空攻勢作重點進攻套路，同時相信球迷們亦唔會認為喺反擊速率上基奧特會可以跟得上球隊節奏。
運用番以上同樣道理，艾巴咸喺特質上係善於打反擊類型既前鋒，理應以創造反擊機會至係最有利於佢發揮，但敢問上半場球隊有幾多下反擊機會？係要去到半場末段時間以及下半場佢被換出之前球隊先開始多番啲直接由後場斬個波上前場比攻擊球員跑一段既反擊機會，其餘時間都係不斷短傳，連早兩場基本都會見到左右大腳轉下邊既畫面都無，而同時過份依賴阿朗素喺左邊盲斬入禁區，艾巴咸面對住對手兩名高大中堅底下完全見唔到有明顯身形優勢，既然上半場主打高空波而下半場至開始主打反擊的話，點解唔源用基奧特為正選去到下半場先至換艾巴咸出黎？真係睇唔透...
再講埋果三個失波，失第一球之前其實都預演過一次，韋斯咸喺角球攻勢上明顯係製定過一套可行模式，只係第一下被吹越位，第二下至成功為球隊喺完半場前追平，而第二個失波就正正睇到魯迪加拍基斯甸臣哩對中堅組合既弊病，韋斯咸前鋒安東尼奧（Michail Gregory Antonio）專心打身後波，喺佢同時具備身形、速度以及爆發力底下明顯睇到魯迪加同基斯甸臣都應付得相當吃力，而安東尼奧亦多次「硬爆」得手，至於最後一球失望，除左係把握力上既分野外，運氣都係當中好大要素，簡迪差半腳可以喺中場攔截到，魯迪加同樣差半腳可以擋到個射門，差半下，就係差半下。
近幾場都睇到車路士非常依賴韋利安同佩利錫喺左右兩邊推進既效果，兩位球員亦將會成為黎緊賽程之中既關鍵，而早前球迷們高呼重用基摩爾以及簡迪重回防中位而棄用佐真奴既聲音，相信自今場波後亦會有一番整頓，不過無可否認既係暫時都未知佐真奴仍然未能上陣既主因係咩，係真係無態還是有其他原因真係無從稽考，要再睇埋落去至可下定斷...
文章發表時間 : 02/07/2020 14:45
文章最後更新時間 : 02/07/2020 14:45
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/