《「精彩的大敗」 利物浦對車路士賽後分析》
《原創文章 歡迎轉載 請列明出處 謝謝》
-請支持藍獅 Facebook專頁-
精彩的大敗，形容上似乎有啲水火不容，不過車路士今仗的確係輸得精彩，至少見到連失三球過後亦一度嘗試力追三球，較為可惜既係今場波既焦點被落入連失五球既基柏身上，反而忽略左其他理應亦需要著眼既地方。
篇幅上不會投入過多筆墨於哩位龍門身上，待事情繼續發酵，之後時間再搵空間討論；林伯特今場波安排左以三中堅應戰，普遍球迷都認為哩個陣式雖然保守不過亦非常合理，不過睇返今季過去三場對利物浦既賽事時，就會發現今次係第一場選擇以三中堅應戰既賽事，而收錄得既賽果竟然比起以433出戰既果三場賽事更以大比數落敗。
取決於陣式上既安排，個人推測主要原因係中場上既人手被受限制，簡迪以及基摩爾受傷缺陣，巴克利亦自上場足總盃對曼聯時無再出現於大軍名單之中，中場人手就只剩下佐真奴、高華錫以及路夫斯捷克，而後者自復賽後一直尋覓狀態，表現相當一般，喺哩個人手配置上就只能利用佐真奴同高華錫出任雙中場，再用三中堅陣式以控球作為應戰手法。
佩利錫先任後備略有保守，亦可能希望將佢作後備變奏之用，而的確一上場就即刻交到貨。上半場其實喺被利物浦先開記錄前有兩下入球機會走甩左，蒙特接應占士長傳但頭槌頂高，韋利安禁區邊位置空哂但觸球控失，繼而一而再再而三咁被利物浦炮轟式攻門破網，當然防線上以至龍門都有問題，但亦唔好忽略前線喺把握少有機會上既失敗率其實都相當高。
喺美國隊長狀態火熱以及薛耶治、添姆雲拿既加盟，再加上夏費斯無限接近，下季車路士前線的確令人充滿期待，但同時防線上既缺失亦開始成為林伯特著眼修補既地方，喺資金有限既情況下如果佢繼續力求更換門將以及收購新中堅同時進行的話，套現出售球員成為必要步驟，而佐真奴亦成為左首要對象，但如果選擇佢由中軸線拎走的話，中場風格亦要重新打造，十個煲得九個蓋，依加究竟搞得邊樣先呢？
文章發表時間 : 24/07/2020 10:55
文章最後更新時間 : 24/07/2020 10:55
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
精彩的大敗，形容上似乎有啲水火不容，不過車路士今仗的確係輸得精彩，至少見到連失三球過後亦一度嘗試力追三球，較為可惜既係今場波既焦點被落入連失五球既基柏身上，反而忽略左其他理應亦需要著眼既地方。
篇幅上不會投入過多筆墨於哩位龍門身上，待事情繼續發酵，之後時間再搵空間討論；林伯特今場波安排左以三中堅應戰，普遍球迷都認為哩個陣式雖然保守不過亦非常合理，不過睇返今季過去三場對利物浦既賽事時，就會發現今次係第一場選擇以三中堅應戰既賽事，而收錄得既賽果竟然比起以433出戰既果三場賽事更以大比數落敗。
取決於陣式上既安排，個人推測主要原因係中場上既人手被受限制，簡迪以及基摩爾受傷缺陣，巴克利亦自上場足總盃對曼聯時無再出現於大軍名單之中，中場人手就只剩下佐真奴、高華錫以及路夫斯捷克，而後者自復賽後一直尋覓狀態，表現相當一般，喺哩個人手配置上就只能利用佐真奴同高華錫出任雙中場，再用三中堅陣式以控球作為應戰手法。
佩利錫先任後備略有保守，亦可能希望將佢作後備變奏之用，而的確一上場就即刻交到貨。上半場其實喺被利物浦先開記錄前有兩下入球機會走甩左，蒙特接應占士長傳但頭槌頂高，韋利安禁區邊位置空哂但觸球控失，繼而一而再再而三咁被利物浦炮轟式攻門破網，當然防線上以至龍門都有問題，但亦唔好忽略前線喺把握少有機會上既失敗率其實都相當高。
喺美國隊長狀態火熱以及薛耶治、添姆雲拿既加盟，再加上夏費斯無限接近，下季車路士前線的確令人充滿期待，但同時防線上既缺失亦開始成為林伯特著眼修補既地方，喺資金有限既情況下如果佢繼續力求更換門將以及收購新中堅同時進行的話，套現出售球員成為必要步驟，而佐真奴亦成為左首要對象，但如果選擇佢由中軸線拎走的話，中場風格亦要重新打造，十個煲得九個蓋，依加究竟搞得邊樣先呢？
文章發表時間 : 24/07/2020 10:55
文章最後更新時間 : 24/07/2020 10:55
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/