《 如何將添姆雲拿的能力最大化 將是林伯特今季的最大課題》
《原創文章 歡迎轉載 請列明出處 謝謝》
-請支持藍獅 Facebook專頁-
相信無乜人就連車路士既球迷都估唔到，球隊喺今個轉會窗會大刀闊斧地作出收購補充，始終受疫情影響之下大多數球會都會量入為出，相反車路士以逆其道而行，可見得管理層對於林伯特既支持係並非空口說白話而係有實質行動的，不過喺強援加盟之下，如何將新球員自身能力最大化以及互相配合，將會係林伯特首要處理既工作，而今次就想講下新收購既前鋒 - 添姆雲拿。
自季尾以黎所傳出關於添姆雲拿既轉會消息都係以利物浦為主，誰不知紅軍一直沒有任何跟進動作之下車路士突然殺出，最終更成功將哩名德國前鋒帶到史丹福橋。不過外界普遍對於德國人加盟藍軍顯然感到不樂觀，除左因為以往其少前鋒能夠喺哩支倫敦球會取得成功之外，添姆雲拿喺德國隊打單箭頭既表現亦令人聯想起佢將會喺車路士新賽季所面對既情況，但喺利物浦都係同樣運用433陣式底下，何解會出現外界認為佢啱利物浦大於車路士既睇法呢？
陣容深度的確會影響其第一身觀感，不過喺同時收購薛耶治以及配合隊中現有既佩利錫、奧岱之下，個人對於添姆雲拿既發揮未太感到過份不樂觀，雖則球員並非同以往於史丹福橋取得成功既杜奧巴、迪亞高哥斯達等「又黑又硬」既前鋒相同特性，不過林伯特為藍軍所建構既戰術體系偏向走現代路線，自上任初期都睇到佢主打技術型球員作為前場進攻套路，希望透過佢地相互之間走位配合各自為對方製造空間，更以快速推進作為「一劍封喉」既反擊技倆。
註 ｜雖然下半季換入基奧特之後又變返斬燒味戰術 不過林伯特骨子裏理應都係想打技術流
而添姆雲拿既個人特質亦的確符合絕大部份林伯特所要求前場球員應有既能力條件喺度，當中包括活動範圍廣闊、願意回後協防、於中前場穿梭跑動以及靈活走位配合隊友哩幾個大方向，最重要既係添姆雲拿既射門觸角絕對比起已在陣中既艾巴咸以及基奧特優勝，尤其係喺過去哩一季都睇得到藍軍喺成功製造出罕有入球機會之下卻沒有最後一射既本錢，哩一點可以話相當致命。
不過特質上符合有關條件亦都只係第一關，如何喺戰術包裝下發揮出哩啲能力先係重要因素，添姆雲拿喺國家隊擔任單箭頭時表現明顯無喺球會發揮時咁亮麗奪目，主要由於喺RB萊比錫時身邊長時間有多一名隊友拍住合組雙前鋒，變相喺火力分佈被攤分之下可以獲得更多空間運用，而添姆雲拿正正就係需要哩一啲空間去發揮自己既速度同爆發力，換句話說如果要將德國人既能力最大化，就先要從製造空間入手。
單箭頭還是雙前鋒只係場上企位既代名詞，添姆雲拿既拍檔並不在於果個人一定要係前鋒，而係喺場上能夠幫輕得到佢去換取果一啲「空間」，講緊既係無論喺反擊抑或主動進攻時都需要多一隊友與添姆雲拿合組衝擊對方防線，支援德國人既前線工作，而喺岩岩第一場對白禮頓既季前熱身賽睇到路夫斯捷克正正係擔當緊哩個角色，喺添姆雲拿持球拉邊時路夫斯捷克會推上前成為中鋒，而喺球隊以邊路進攻時兩者亦會同時停留於對手禁區捕捉機會，雖然不乏二人撞位重疊既畫面出現，不過默契係需要時間培養出來，而陣中既蒙特以及巴克利亦同樣擔當作為進攻第二點處理以上工作，當然，喺質素上能夠做到幾多又會係另一個問題，亦可能係林伯特希望收購得到夏弗斯既原因。
除此之外，直接以長傳方式將個波傳到對手身後亦能夠為添姆雲拿製造跑動空間，過往佐真奴被批評為沒有助攻數字既派牌型中場，當中其實有一部份係由於隊友並未能成功把握得到破門機會而造成，今季加上有同樣善於長傳出波既薛耶治加盟，質素上亦有一定保証，能夠增加多一個出球點為前線輸送彈藥，相信可以為添姆雲拿製造到更多顯現速度既機會。
篇幅過多相信亦耗費左一眾球迷們既眼力，相信亦要暫且先行收筆，今次概括喺方向上敘述左如何將添姆雲拿既能力最大化，當然一切要實際執行都好大程度要取決於林伯特既戰術安排，不過球迷們亦無需過份不樂觀，認定添姆雲拿好大機會會步莫拉達後塵，後者於史丹福橋失敗既原因除左係信心問題以及背傷一直未能根治之外，時任主教練干地既戰術體系亦未有考量過莫拉達會否出現適應問題，反觀初步睇黎添姆雲拿喺多方面既特質都符合得到林伯特既戰術需要，再加上後者於上季曾協助佩利錫適應英超既事例作參考，相信添姆雲拿能夠融入於體系之中亦只係時間問題。
文章發表時間 : 01/09/2020 11:35
文章最後更新時間 : 01/09/2020 11:35
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
相信無乜人就連車路士既球迷都估唔到，球隊喺今個轉會窗會大刀闊斧地作出收購補充，始終受疫情影響之下大多數球會都會量入為出，相反車路士以逆其道而行，可見得管理層對於林伯特既支持係並非空口說白話而係有實質行動的，不過喺強援加盟之下，如何將新球員自身能力最大化以及互相配合，將會係林伯特首要處理既工作，而今次就想講下新收購既前鋒 - 添姆雲拿。
自季尾以黎所傳出關於添姆雲拿既轉會消息都係以利物浦為主，誰不知紅軍一直沒有任何跟進動作之下車路士突然殺出，最終更成功將哩名德國前鋒帶到史丹福橋。不過外界普遍對於德國人加盟藍軍顯然感到不樂觀，除左因為以往其少前鋒能夠喺哩支倫敦球會取得成功之外，添姆雲拿喺德國隊打單箭頭既表現亦令人聯想起佢將會喺車路士新賽季所面對既情況，但喺利物浦都係同樣運用433陣式底下，何解會出現外界認為佢啱利物浦大於車路士既睇法呢？
陣容深度的確會影響其第一身觀感，不過喺同時收購薛耶治以及配合隊中現有既佩利錫、奧岱之下，個人對於添姆雲拿既發揮未太感到過份不樂觀，雖則球員並非同以往於史丹福橋取得成功既杜奧巴、迪亞高哥斯達等「又黑又硬」既前鋒相同特性，不過林伯特為藍軍所建構既戰術體系偏向走現代路線，自上任初期都睇到佢主打技術型球員作為前場進攻套路，希望透過佢地相互之間走位配合各自為對方製造空間，更以快速推進作為「一劍封喉」既反擊技倆。
註 ｜雖然下半季換入基奧特之後又變返斬燒味戰術 不過林伯特骨子裏理應都係想打技術流
而添姆雲拿既個人特質亦的確符合絕大部份林伯特所要求前場球員應有既能力條件喺度，當中包括活動範圍廣闊、願意回後協防、於中前場穿梭跑動以及靈活走位配合隊友哩幾個大方向，最重要既係添姆雲拿既射門觸角絕對比起已在陣中既艾巴咸以及基奧特優勝，尤其係喺過去哩一季都睇得到藍軍喺成功製造出罕有入球機會之下卻沒有最後一射既本錢，哩一點可以話相當致命。
不過特質上符合有關條件亦都只係第一關，如何喺戰術包裝下發揮出哩啲能力先係重要因素，添姆雲拿喺國家隊擔任單箭頭時表現明顯無喺球會發揮時咁亮麗奪目，主要由於喺RB萊比錫時身邊長時間有多一名隊友拍住合組雙前鋒，變相喺火力分佈被攤分之下可以獲得更多空間運用，而添姆雲拿正正就係需要哩一啲空間去發揮自己既速度同爆發力，換句話說如果要將德國人既能力最大化，就先要從製造空間入手。
單箭頭還是雙前鋒只係場上企位既代名詞，添姆雲拿既拍檔並不在於果個人一定要係前鋒，而係喺場上能夠幫輕得到佢去換取果一啲「空間」，講緊既係無論喺反擊抑或主動進攻時都需要多一隊友與添姆雲拿合組衝擊對方防線，支援德國人既前線工作，而喺岩岩第一場對白禮頓既季前熱身賽睇到路夫斯捷克正正係擔當緊哩個角色，喺添姆雲拿持球拉邊時路夫斯捷克會推上前成為中鋒，而喺球隊以邊路進攻時兩者亦會同時停留於對手禁區捕捉機會，雖然不乏二人撞位重疊既畫面出現，不過默契係需要時間培養出來，而陣中既蒙特以及巴克利亦同樣擔當作為進攻第二點處理以上工作，當然，喺質素上能夠做到幾多又會係另一個問題，亦可能係林伯特希望收購得到夏弗斯既原因。
除此之外，直接以長傳方式將個波傳到對手身後亦能夠為添姆雲拿製造跑動空間，過往佐真奴被批評為沒有助攻數字既派牌型中場，當中其實有一部份係由於隊友並未能成功把握得到破門機會而造成，今季加上有同樣善於長傳出波既薛耶治加盟，質素上亦有一定保証，能夠增加多一個出球點為前線輸送彈藥，相信可以為添姆雲拿製造到更多顯現速度既機會。
篇幅過多相信亦耗費左一眾球迷們既眼力，相信亦要暫且先行收筆，今次概括喺方向上敘述左如何將添姆雲拿既能力最大化，當然一切要實際執行都好大程度要取決於林伯特既戰術安排，不過球迷們亦無需過份不樂觀，認定添姆雲拿好大機會會步莫拉達後塵，後者於史丹福橋失敗既原因除左係信心問題以及背傷一直未能根治之外，時任主教練干地既戰術體系亦未有考量過莫拉達會否出現適應問題，反觀初步睇黎添姆雲拿喺多方面既特質都符合得到林伯特既戰術需要，再加上後者於上季曾協助佩利錫適應英超既事例作參考，相信添姆雲拿能夠融入於體系之中亦只係時間問題。
文章發表時間 : 01/09/2020 11:35
文章最後更新時間 : 01/09/2020 11:35
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/