《帶刀翼衛全面解凍 車路士對般尼賽後分析》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
杜曹領軍後第一場勝仗，亦係繼2012年賓尼迪斯上任後另一位主教練成功於執教首兩場比賽都能保清白之身，相對於早前首場對狼隊既賽事，杜曹係陣式以至戰術內容上都大同小異，依然維持一個三後衛陣式，相反喺人手安排上就作出左唔少變動，就連今季常任冷板凳上既馬高斯阿朗素亦獲得正選機會。
杜曹依舊維持堤亞高施華、艾斯派古達以及魯迪加為三中堅人選，復用馬高斯阿朗素以及奧岱繼續擔任左右翼衛，中場方面亦保持佐真奴伙拍高華錫哩對雙中場組合，而前線上亦同時更換左三位攻擊球員，由艾巴咸、添姆雲拿以及蒙特作為三攻堅，一如所料地睇到杜曹希望利用兩三場波去嘗試選用不同既組合，以以戰養戰咁活用到所有球員。
過往對住般尼既時候車路士總係顯得老鼠拉龜，加上對手早前成功擊敗曼聯，賽前難免令唔少球迷擔心，反而自開賽後既場面實在令人意外，一面倒既形勢以及數據，藍軍往往能夠成功以射門去完成一個攻勢，亦見得到哩一點係杜曹要求的。雖然進攻節奏上未至於行雲流水，默契同戰術理解上仍然有唔少上升空間，不過都經已睇到球員與球員之間點樣利用互動走位去製造進攻空間，尤其係艾斯派古達同馬高斯阿朗素既心球已經係最有力既証明。
高位防守、保持控球避免為猜而猜、透過跑動製造空間、提高前場攻擊點以及招數等等，杜曹短短經過幾節訓練課同兩場賽事經已顯現出以上元素，亦推測球隊陣容既係有唔少向上發展既空間。而黎緊馬上就要作客熱刺，相信會係一場戰術含量相當豐富既賽事。
文章發表時間 : 02/02/2021 15:15
文章最後更新時間 : 02/02/2021 15:15
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
杜曹領軍後第一場勝仗，亦係繼2012年賓尼迪斯上任後另一位主教練成功於執教首兩場比賽都能保清白之身，相對於早前首場對狼隊既賽事，杜曹係陣式以至戰術內容上都大同小異，依然維持一個三後衛陣式，相反喺人手安排上就作出左唔少變動，就連今季常任冷板凳上既馬高斯阿朗素亦獲得正選機會。
杜曹依舊維持堤亞高施華、艾斯派古達以及魯迪加為三中堅人選，復用馬高斯阿朗素以及奧岱繼續擔任左右翼衛，中場方面亦保持佐真奴伙拍高華錫哩對雙中場組合，而前線上亦同時更換左三位攻擊球員，由艾巴咸、添姆雲拿以及蒙特作為三攻堅，一如所料地睇到杜曹希望利用兩三場波去嘗試選用不同既組合，以以戰養戰咁活用到所有球員。
過往對住般尼既時候車路士總係顯得老鼠拉龜，加上對手早前成功擊敗曼聯，賽前難免令唔少球迷擔心，反而自開賽後既場面實在令人意外，一面倒既形勢以及數據，藍軍往往能夠成功以射門去完成一個攻勢，亦見得到哩一點係杜曹要求的。雖然進攻節奏上未至於行雲流水，默契同戰術理解上仍然有唔少上升空間，不過都經已睇到球員與球員之間點樣利用互動走位去製造進攻空間，尤其係艾斯派古達同馬高斯阿朗素既心球已經係最有力既証明。
高位防守、保持控球避免為猜而猜、透過跑動製造空間、提高前場攻擊點以及招數等等，杜曹短短經過幾節訓練課同兩場賽事經已顯現出以上元素，亦推測球隊陣容既係有唔少向上發展既空間。而黎緊馬上就要作客熱刺，相信會係一場戰術含量相當豐富既賽事。
文章發表時間 : 02/02/2021 15:15
文章最後更新時間 : 02/02/2021 15:15
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/