《當歐聯冠軍成為上限 如何再度向上突破？ 淺談杜曹與車路士今季的目標與前境》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
往往要維持高峰，可能會比起成長更困難，何況車路士哩支正處於年輕化既球隊，同時要處理新舊交替以及成績等問題，而上季贏得歐聯冠軍杜曹既功勞絕對係功不可沒，尤其係喺賽季中走馬上任，得到既準備時間唔多之下要馬上調整球隊重回正軌並唔係一件容易既事，而黎到新賽季之下今年既目標同前境又係點？一齊探討一下...
相信無論你係咪藍軍球迷都好，對於車路士成為上季歐聯冠軍都會感到意外，雖然季前重金收購左唔少具份量球員，不過喺整合需時加上喺少帥林伯特帶領之下，球迷們期望球隊會以一個循序漸進既方式去做磨合同成長，但不幸既係林伯特最終都唔能夠帶領球隊繼續走落去，機緣巧合之下換上剛離開巴黎聖日門既杜曹，而縱使上季贏得歐聯冠軍之後，都依然覺得哩支車路士係仲有好大既可能性可以發挖。
上季杜曹上任後以三中堅作為陣式主軸藍圖，同時復用艾斯派古達、魯迪加、佐真奴等於林伯特執教時期既「棄將」，以以老帶新既方式配合埋陣中既年輕球員，加上戰術套路更為鮮明同具邏輯性，以及與記者交流時既圓滑手段同說話方式，整體地將車路士帶到另一層次之上，而黎到今季喺歐聯冠軍經已成為球隊囊中物之下，個人預計英超冠軍定必會成為今年度既主要競爭目標之重。
一直都認為盧卡古會係杜曹希望為前線帶黎入球保証既收購，尤其喺上季要以佐真奴成為陣中「神射手」之下，更急需一名穩定既射手去完成將個波放入網既任務，雖然回購（正確黎講其實係二次效力唔算回購）盧卡古既爭議聲音不斷，不過近幾場波都開始睇到佢為前線所帶黎既攻擊元素，而杜曹成功說服到管理層重金禮聘到比利時人番黎，除左需要交出成績之外亦見得到管理層對於前者既信任。
延伸文章 : 《從不被看好的交易？是偏見還是現實？ 深入探討杜曹需要盧卡古的因與過》
而同時針對中場既補充由馬體會借入沙奧尼古斯，減低各路戰線為「佐高簡」帶黎既負荷，雖然最終喺賣走蘇馬後未能從西維爾引入觀迪，不過以現時陣容黎講都足以應付到上半季各項戰線；如果以英超冠軍作為前題之下，杜曹同球隊就定必要以拉近利物浦與曼城之間既距離作為目標，而聯賽既競爭方式又會同盃賽唔同，盃場總係以兩場主客至一場過既賽事為結，士氣當然重要，不過聯賽總係以穩定性行先，尤其係面對住中下游主力死守既對手時，上季球隊好多時候都係會喺哩啲賽時中失分，更顯得哩度所得番黎既三分重要性。
而同時杜曹亦有需要計劃一下其他陣式思路，始終喺賽季開始至今球隊就只有加入新球員，套路大方向並無乜太大改變，一眾列強定必有加以針對性分析相應戰術陣式作應對同部署，實在有必要預早計劃防範，雖則杜曹從來都唔係一個食古不化既領隊，不過哩位德籍教頭喺上季上任時曾經透露過三中堅並唔係佢既理想陣式，只係受制於球隊既環境同條件所限至有咁既安排，黎緊即管睇下會唔會有其他唔同既變化。
喺現今球壇氛圍下經已難以出現一位教頭能夠帶領球隊十年八載，即使哩一刻睇好亦難免會突然出現小低潮，正所謂合則來不合則去，杜曹能夠將車路士既發限發揮到幾多，相信時間既發展會係佢最好既証明。
文章發表時間 : 17/09/2021 13:20
文章最後更新時間 : 17/09/2021 13:20
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
往往要維持高峰，可能會比起成長更困難，何況車路士哩支正處於年輕化既球隊，同時要處理新舊交替以及成績等問題，而上季贏得歐聯冠軍杜曹既功勞絕對係功不可沒，尤其係喺賽季中走馬上任，得到既準備時間唔多之下要馬上調整球隊重回正軌並唔係一件容易既事，而黎到新賽季之下今年既目標同前境又係點？一齊探討一下...
相信無論你係咪藍軍球迷都好，對於車路士成為上季歐聯冠軍都會感到意外，雖然季前重金收購左唔少具份量球員，不過喺整合需時加上喺少帥林伯特帶領之下，球迷們期望球隊會以一個循序漸進既方式去做磨合同成長，但不幸既係林伯特最終都唔能夠帶領球隊繼續走落去，機緣巧合之下換上剛離開巴黎聖日門既杜曹，而縱使上季贏得歐聯冠軍之後，都依然覺得哩支車路士係仲有好大既可能性可以發挖。
上季杜曹上任後以三中堅作為陣式主軸藍圖，同時復用艾斯派古達、魯迪加、佐真奴等於林伯特執教時期既「棄將」，以以老帶新既方式配合埋陣中既年輕球員，加上戰術套路更為鮮明同具邏輯性，以及與記者交流時既圓滑手段同說話方式，整體地將車路士帶到另一層次之上，而黎到今季喺歐聯冠軍經已成為球隊囊中物之下，個人預計英超冠軍定必會成為今年度既主要競爭目標之重。
一直都認為盧卡古會係杜曹希望為前線帶黎入球保証既收購，尤其喺上季要以佐真奴成為陣中「神射手」之下，更急需一名穩定既射手去完成將個波放入網既任務，雖然回購（正確黎講其實係二次效力唔算回購）盧卡古既爭議聲音不斷，不過近幾場波都開始睇到佢為前線所帶黎既攻擊元素，而杜曹成功說服到管理層重金禮聘到比利時人番黎，除左需要交出成績之外亦見得到管理層對於前者既信任。
延伸文章 : 《從不被看好的交易？是偏見還是現實？ 深入探討杜曹需要盧卡古的因與過》
而同時針對中場既補充由馬體會借入沙奧尼古斯，減低各路戰線為「佐高簡」帶黎既負荷，雖然最終喺賣走蘇馬後未能從西維爾引入觀迪，不過以現時陣容黎講都足以應付到上半季各項戰線；如果以英超冠軍作為前題之下，杜曹同球隊就定必要以拉近利物浦與曼城之間既距離作為目標，而聯賽既競爭方式又會同盃賽唔同，盃場總係以兩場主客至一場過既賽事為結，士氣當然重要，不過聯賽總係以穩定性行先，尤其係面對住中下游主力死守既對手時，上季球隊好多時候都係會喺哩啲賽時中失分，更顯得哩度所得番黎既三分重要性。
而同時杜曹亦有需要計劃一下其他陣式思路，始終喺賽季開始至今球隊就只有加入新球員，套路大方向並無乜太大改變，一眾列強定必有加以針對性分析相應戰術陣式作應對同部署，實在有必要預早計劃防範，雖則杜曹從來都唔係一個食古不化既領隊，不過哩位德籍教頭喺上季上任時曾經透露過三中堅並唔係佢既理想陣式，只係受制於球隊既環境同條件所限至有咁既安排，黎緊即管睇下會唔會有其他唔同既變化。
喺現今球壇氛圍下經已難以出現一位教頭能夠帶領球隊十年八載，即使哩一刻睇好亦難免會突然出現小低潮，正所謂合則來不合則去，杜曹能夠將車路士既發限發揮到幾多，相信時間既發展會係佢最好既証明。
文章發表時間 : 17/09/2021 13:20
文章最後更新時間 : 17/09/2021 13:20
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
如果喜歡我們的文章，請即分享到︰
延伸閲讀：
《鏡與影的四十五分鐘 半場調整成勝負分野 熱刺對車路士賽後分析》
《強強對碰收錄兩連敗 歐冠後遺症問題逐一浮現？ 祖雲達斯對車路士歐聯賽後分析》
《峰迴路轉的勝仗 杜曹投訴過激領黃 車路士對修咸頓賽後分析》
《鏡與影的四十五分鐘 半場調整成勝負分野 熱刺對車路士賽後分析》
《強強對碰收錄兩連敗 歐冠後遺症問題逐一浮現？ 祖雲達斯對車路士歐聯賽後分析》
《峰迴路轉的勝仗 杜曹投訴過激領黃 車路士對修咸頓賽後分析》