《峰迴路轉的勝仗 杜曹投訴過激領黃 車路士對修咸頓賽後分析》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
用峰迴路轉哩四個字黎形容哩一場波可以話最好不過，主場既車路士喺開賽初段領先過後，經歷一球越位以及一球入球後被VAR吹番，再到輸十二碼被追平，繼而修咸頓被判罰兼領紅之下打少個，再被藍軍一口氣連入兩球以3:1擊敗對手，過程可以話充滿刺激同戲劇性，亦總算為兩連敗之後收獲一場勝仗止止血。
杜曹今場波大膽地作出多個位置既調動，後防起用小將查路巴作正選，伙拍堤亞高施華同魯迪加作三中堅，左翼衛亦終於換上捷維爾作正選，而右翼衛繼續維持艾斯派古達，雙中場組合除左保留左高華錫之外亦換上路夫斯捷克，至於前線就收起左夏維斯，三人就選用左盧卡古配合添姆雲拿以及奧岱，見到哩個出場名單時其實感覺都相當新鮮，至少可以一見以往較少機會出場既路夫斯捷克、捷維爾以及奧岱打正選既表現。
自早前對曼城時列斯占士傷出，將艾斯派古達移上右翼衛再由基斯甸臣擔任右中堅時經已發現，後者負責補位同執漏既工作不及佢喺負責中中堅時咁稱職，相反今場波用上查路巴表現反而有驚喜，哩位小將能夠穩妥地將隊長身後既空間壓縮，即使對手嘗試利用速度硬爆亦對佢無乜太多正面效果，相信哩位小將即使經歷國際賽週期短休過後亦都會持續得到出場時間。
修咸頓喺今場波明顯希望通過壓迫去為自己搶佔形勢，尤其係喺曼城擊敗車路士之後，見到杜曹所帶領既藍軍喺面對強而有力既壓迫之下會出現好多自己犯錯既機會，不過哩位德國主帥亦有對症下藥，起用路夫斯捷克以及高華錫兩位能夠於小範圍解困既中場球員，前者自開季以黎都得到部份後備上陣以及本土盃賽時間去提升自己狀態，今場波都充份展現出自己喺空間被壓縮之下以一敵二既過人技術同速度，用波同起腳都非常大膽。
至於添姆雲拿同捷維爾亦都有唔錯既表現，前者被推番入球後最終都有進帳於聯賽開齋，而後者亦透過多下中路入攝製造起腳機會，上半場一下埋門被麥卡菲英勇救出，其後捷維爾更令球隊輸十二碼以為會慘成罪人，不過最終都射入一球靚波將功補過，結果總算無白費到哩兩位球員以至全隊既付出，感覺上都見到球隊上至下都有求勝既心態。
峰迴路轉既過程，沒有白費心機既結果，絕對得來不易。
文章發表時間 : 03/10/2021 14:30
文章最後更新時間 : 03/10/2021 14:30
《原創文章 歡迎轉載 請列明出處 謝謝》Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
用峰迴路轉哩四個字黎形容哩一場波可以話最好不過，主場既車路士喺開賽初段領先過後，經歷一球越位以及一球入球後被VAR吹番，再到輸十二碼被追平，繼而修咸頓被判罰兼領紅之下打少個，再被藍軍一口氣連入兩球以3:1擊敗對手，過程可以話充滿刺激同戲劇性，亦總算為兩連敗之後收獲一場勝仗止止血。
杜曹今場波大膽地作出多個位置既調動，後防起用小將查路巴作正選，伙拍堤亞高施華同魯迪加作三中堅，左翼衛亦終於換上捷維爾作正選，而右翼衛繼續維持艾斯派古達，雙中場組合除左保留左高華錫之外亦換上路夫斯捷克，至於前線就收起左夏維斯，三人就選用左盧卡古配合添姆雲拿以及奧岱，見到哩個出場名單時其實感覺都相當新鮮，至少可以一見以往較少機會出場既路夫斯捷克、捷維爾以及奧岱打正選既表現。
自早前對曼城時列斯占士傷出，將艾斯派古達移上右翼衛再由基斯甸臣擔任右中堅時經已發現，後者負責補位同執漏既工作不及佢喺負責中中堅時咁稱職，相反今場波用上查路巴表現反而有驚喜，哩位小將能夠穩妥地將隊長身後既空間壓縮，即使對手嘗試利用速度硬爆亦對佢無乜太多正面效果，相信哩位小將即使經歷國際賽週期短休過後亦都會持續得到出場時間。
修咸頓喺今場波明顯希望通過壓迫去為自己搶佔形勢，尤其係喺曼城擊敗車路士之後，見到杜曹所帶領既藍軍喺面對強而有力既壓迫之下會出現好多自己犯錯既機會，不過哩位德國主帥亦有對症下藥，起用路夫斯捷克以及高華錫兩位能夠於小範圍解困既中場球員，前者自開季以黎都得到部份後備上陣以及本土盃賽時間去提升自己狀態，今場波都充份展現出自己喺空間被壓縮之下以一敵二既過人技術同速度，用波同起腳都非常大膽。
至於添姆雲拿同捷維爾亦都有唔錯既表現，前者被推番入球後最終都有進帳於聯賽開齋，而後者亦透過多下中路入攝製造起腳機會，上半場一下埋門被麥卡菲英勇救出，其後捷維爾更令球隊輸十二碼以為會慘成罪人，不過最終都射入一球靚波將功補過，結果總算無白費到哩兩位球員以至全隊既付出，感覺上都見到球隊上至下都有求勝既心態。
峰迴路轉既過程，沒有白費心機既結果，絕對得來不易。
文章發表時間 : 03/10/2021 14:30
文章最後更新時間 : 03/10/2021 14:30
《原創文章 歡迎轉載 請列明出處 謝謝》Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/