《職業生涯最後一份「大合約」 魯迪加續與不續的決擇》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
每名球員都希望喺職員生涯既黃金之年去獲取可觀既薪金，絕對係無可厚非，近日車路士就同陣中兩名後衛包括魯迪加以及基斯甸臣商討續約細則，後者亦進入動筆前既最後階段，相反魯迪加既處境就無咁順利，球員希望喺今次續約獲得比依加兩倍既薪酬，德國人同時視哩份合約為職業生涯之中最後一份重份量既合同，究竟佢值唔值得獲取哩個待遇？ 一齊探討下...
魯迪加自2017年加盟以黎喺球隊地位可以用穩步上揚哩四個字黎形容，初期喺干地手上以一個半正選半後備既定位參與賽事，直到沙利接任後至正式確立左正選位置，同大衛雷斯合組433雙中堅組合，雖然防線未至屬於相當穩定，經常都出現大起大落大手交易既場面，不過兩者之間既特質成功達至相輔相成，效果都算幾理想；直到前一季林伯特上任後魯迪加同時受傷患困擾，復出後表現亦大不如前，與基斯甸臣、蘇馬以及湯姆利三位小將被取其名為「後防風火輪」，無論用邊兩個做中堅組合都好，中路防守能力都相當薄弱，當時既防線可以話用不堪入目黎形容。
雖然魯迪加同時吸引到同鄉添姆雲拿同夏維斯既加盟，不過喺之後既時間亦被林伯特直接棄用，一度傳出轉投熱刺既消息，雖然最終轉會都未有成事，不過德國人喺史丹福橋既處境經已跌入左冰河時期，直到林伯特落馬由杜曹上任，魯迪加終於獲得「破冰」既機會迎來春天甦醒，一步步重拾昔日狀態明顯愈打愈有信心，更成為上季車路士奪得歐聯冠軍既重心人物之一，完全將上季接近離隊邊緣既局面扭轉。
足夠既上陣時間連同穩定同時相當落力既表現，再加上絕少既傷患經已令佢成為左中堅既不二人選，而陣中亦並未有比佢更合適打哩個位置既球員，令魯迪加既叫價能力有極大空間，最重要既係佢以留效藍橋作為自己首選，雖然過往既德國人的確有一段不穩既時期，不過喺依加球隊既環境加上巿面上並未有太多更好既選擇下，貿然選擇比佢離開等同變相增強左同為歐聯競敵既對手，如果球員既叫價並非不破陣中既薪酬結構的話，其實個人偏向同佢續約多過再尋覓新左中堅人選。
魯迪加依加既薪酬什至比起奧岱同路夫斯捷克更低，以正選中堅場場打足加上咁既水準表現黎講，希望得到番應有既人工其實都不為過，球員有心留，球迷亦支持，但最終能否成事，都要留待管理層的取態決定。
文章發表時間 : 05/10/2021 11:55
文章最後更新時間 : 05/10/2021 11:55
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
每名球員都希望喺職員生涯既黃金之年去獲取可觀既薪金，絕對係無可厚非，近日車路士就同陣中兩名後衛包括魯迪加以及基斯甸臣商討續約細則，後者亦進入動筆前既最後階段，相反魯迪加既處境就無咁順利，球員希望喺今次續約獲得比依加兩倍既薪酬，德國人同時視哩份合約為職業生涯之中最後一份重份量既合同，究竟佢值唔值得獲取哩個待遇？ 一齊探討下...
魯迪加自2017年加盟以黎喺球隊地位可以用穩步上揚哩四個字黎形容，初期喺干地手上以一個半正選半後備既定位參與賽事，直到沙利接任後至正式確立左正選位置，同大衛雷斯合組433雙中堅組合，雖然防線未至屬於相當穩定，經常都出現大起大落大手交易既場面，不過兩者之間既特質成功達至相輔相成，效果都算幾理想；直到前一季林伯特上任後魯迪加同時受傷患困擾，復出後表現亦大不如前，與基斯甸臣、蘇馬以及湯姆利三位小將被取其名為「後防風火輪」，無論用邊兩個做中堅組合都好，中路防守能力都相當薄弱，當時既防線可以話用不堪入目黎形容。
雖然魯迪加同時吸引到同鄉添姆雲拿同夏維斯既加盟，不過喺之後既時間亦被林伯特直接棄用，一度傳出轉投熱刺既消息，雖然最終轉會都未有成事，不過德國人喺史丹福橋既處境經已跌入左冰河時期，直到林伯特落馬由杜曹上任，魯迪加終於獲得「破冰」既機會迎來春天甦醒，一步步重拾昔日狀態明顯愈打愈有信心，更成為上季車路士奪得歐聯冠軍既重心人物之一，完全將上季接近離隊邊緣既局面扭轉。
足夠既上陣時間連同穩定同時相當落力既表現，再加上絕少既傷患經已令佢成為左中堅既不二人選，而陣中亦並未有比佢更合適打哩個位置既球員，令魯迪加既叫價能力有極大空間，最重要既係佢以留效藍橋作為自己首選，雖然過往既德國人的確有一段不穩既時期，不過喺依加球隊既環境加上巿面上並未有太多更好既選擇下，貿然選擇比佢離開等同變相增強左同為歐聯競敵既對手，如果球員既叫價並非不破陣中既薪酬結構的話，其實個人偏向同佢續約多過再尋覓新左中堅人選。
魯迪加依加既薪酬什至比起奧岱同路夫斯捷克更低，以正選中堅場場打足加上咁既水準表現黎講，希望得到番應有既人工其實都不為過，球員有心留，球迷亦支持，但最終能否成事，都要留待管理層的取態決定。
文章發表時間 : 05/10/2021 11:55
文章最後更新時間 : 05/10/2021 11:55
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/