《雲拿盧卡古勇戰受傷 得三分卻埋下賽程陰霾︱車路士對馬模歐聯賽後感》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
大勝下全取三分，車路士喺主場之下憑住佐真奴、夏維斯同基斯甸臣連入四球，可以話輕取歐聯同組對手馬模，不過喺大勝背後盧卡古同添姆雲拿先後於上半場傷出，賽後杜曹指兩位球員好大機會需要休息多一段時間，意味住黎緊將有好幾場賽事都會缺少左哩兩位重將。
喺作客賓福特苦戰過後，藍軍終於回到主場應戰，而防線兩位核心球員亦宣告復出，魯迪加同堤亞高施華回歸正選行列，與基斯甸臣組成三中堅，而左右翼衛就繼續由捷維爾同艾斯派古達出任，中場方面就抽起左高華錫同路夫斯捷克兩位近兩場正選球員，安排番佐真奴與簡迪組成雙中場，而攻擊線方面亦有蒙特倦勤後復出，同盧卡古以及添姆雲拿作三攻堅。
杜曹今場波刻意安排球員拉開陣式寛度，蒙特同雲拿兩個主要負責拉邊角色，而後上既左右翼衛捷維爾以及艾斯派古達就走入偏向中軸區域，喺主攻時形成前場五個攻擊點，盡可能分佈左中右三個間距區域，翼鋒與翼衛互相配合互動，避免以往較多人囤積於中路既場面；當然，今場波既對手實力始終存在差距，即使進攻上做到行雲流水亦未必代表可以喺英超什至歐聯勁旅上奏效，而盧卡古同雲拿亦喺之後時間宣告傳出，換入夏維斯以及奧岱上場。
夏維斯同奧岱亦同時合作製造左一個入球，敢相信喺盧卡古同雲拿受傷哩段時間都會加大左佢地兩位連同薛耶治既出場機會，尤其係夏維斯係現時陣中唯一一位能夠勝任中鋒既球員，除左希望哩幾位可以把握得到出場時間表現自己之外，亦都係一個機會比到杜曹重新審視一下現時球隊喺使用盧卡古上既用法，由近幾場波都睇到球員表現明顯有下滑同迷失，感覺上杜曹仍未活用得到球員既大部份特質，一直都只維持支點撞牆用法，實在未免有點兒浪費左盧卡古既其他職能。
而基斯甸臣喺主場球迷見証下攻入佢喺車路士職業生涯下第一球，絕對令人高興，佢亦同時成為左藍軍今季第十五位入球既球員，黎緊週末球隊將會繼續喺主場迎戰諾域治，亦都可以睇下喺缺少左兩位攻擊主力之下球隊有冇一啲變化出現。
文章發表時間 : 21/10/2021 20:05
文章最後更新時間 : 21/10/2021 20:05
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
大勝下全取三分，車路士喺主場之下憑住佐真奴、夏維斯同基斯甸臣連入四球，可以話輕取歐聯同組對手馬模，不過喺大勝背後盧卡古同添姆雲拿先後於上半場傷出，賽後杜曹指兩位球員好大機會需要休息多一段時間，意味住黎緊將有好幾場賽事都會缺少左哩兩位重將。
喺作客賓福特苦戰過後，藍軍終於回到主場應戰，而防線兩位核心球員亦宣告復出，魯迪加同堤亞高施華回歸正選行列，與基斯甸臣組成三中堅，而左右翼衛就繼續由捷維爾同艾斯派古達出任，中場方面就抽起左高華錫同路夫斯捷克兩位近兩場正選球員，安排番佐真奴與簡迪組成雙中場，而攻擊線方面亦有蒙特倦勤後復出，同盧卡古以及添姆雲拿作三攻堅。
杜曹今場波刻意安排球員拉開陣式寛度，蒙特同雲拿兩個主要負責拉邊角色，而後上既左右翼衛捷維爾以及艾斯派古達就走入偏向中軸區域，喺主攻時形成前場五個攻擊點，盡可能分佈左中右三個間距區域，翼鋒與翼衛互相配合互動，避免以往較多人囤積於中路既場面；當然，今場波既對手實力始終存在差距，即使進攻上做到行雲流水亦未必代表可以喺英超什至歐聯勁旅上奏效，而盧卡古同雲拿亦喺之後時間宣告傳出，換入夏維斯以及奧岱上場。
夏維斯同奧岱亦同時合作製造左一個入球，敢相信喺盧卡古同雲拿受傷哩段時間都會加大左佢地兩位連同薛耶治既出場機會，尤其係夏維斯係現時陣中唯一一位能夠勝任中鋒既球員，除左希望哩幾位可以把握得到出場時間表現自己之外，亦都係一個機會比到杜曹重新審視一下現時球隊喺使用盧卡古上既用法，由近幾場波都睇到球員表現明顯有下滑同迷失，感覺上杜曹仍未活用得到球員既大部份特質，一直都只維持支點撞牆用法，實在未免有點兒浪費左盧卡古既其他職能。
而基斯甸臣喺主場球迷見証下攻入佢喺車路士職業生涯下第一球，絕對令人高興，佢亦同時成為左藍軍今季第十五位入球既球員，黎緊週末球隊將會繼續喺主場迎戰諾域治，亦都可以睇下喺缺少左兩位攻擊主力之下球隊有冇一啲變化出現。
文章發表時間 : 21/10/2021 20:05
文章最後更新時間 : 21/10/2021 20:05
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/