《「般尼從來不易」 得場面失分數的和局︱車路士對般尼賽後感》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
得場面，失分數，哩兩句可以話完整交代左今場波既局勢，般尼喺尾段既零星反擊什至有機會絕殺主隊，而明顯車路士喺今場波完全欠運，有場面有攻勢有射門但總唔能夠將個波送進網內，即使下半換入佩利錫、蒙特等進攻球員亦無功而回，相信對於爭標路途上哩一仗會一挫士氣。
受到小型傷兵潮困擾，部份主力尤其攻擊線上既球員仍未復出，三人防線依舊維持魯迪加、堤亞高施華以及基斯甸臣，左右翼衛由捷維爾以及列斯占士擔任，雙中場安排左上場歐聯輪休既簡迪拍佐真奴，而前場杜曹意外地安排左什少上陣既巴克利擔任正選，聯同奧岱以及夏維斯組成攻擊線，給予巴克利擔任十一人正選名單之中既安排可以話相當大膽。
如果針對巴克利喺賽後既評分，其實佢既表現一啲都唔失禮，不過部份球迷針對佢喺禁區內一下浪射炒飛機間接引致球隊全失三分，但其實現實係有唔少球員同樣浪費左大量入球機會，全場廿五腳射門，而中龍既次數一隻手數得晒，就連門柱都中埋，只針對部份球員「搵戰犯」的話實有所不公，倒不如話全隊都欠缺把握力，而般尼既防守加上門將卜比神勇既表現亦值得奪取一分而回。
而今場波藍軍亦有唔少亮點值得注視既地方，首先係杜曹刻意選用兩邊長傳高空轟炸般尼後防，而夏維斯雖然身形上似乎較為單薄，不過佢依然都喺唔少對抗上成功得到唔少攻門機會，加上角球攻擊上施華、魯迪加等後防球員都同樣爭頂成功，睇得出球隊喺各個進攻項目上都有唔少成果，攻守轉換既流暢度亦有所提升；除此之外佩利錫既英超復出同樣令人高興，自開咧戰後美國隊長一直因傷缺乏各項賽事直到上場歐聯對陣馬模復出，不過黎緊準備又到國際週期，希望佩利錫唔好又再一次因傷而回。
失分從來都唔係值得高興既事，但總係成長既機會，每次失分之後究竟獲得幾多先至事關重要，相信今仗為杜曹以至全隊球員都係很好既一課。
文章發表時間 : 8/11/2021 14:00
文章最後更新時間 : 8/11/2021 14:00
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
得場面，失分數，哩兩句可以話完整交代左今場波既局勢，般尼喺尾段既零星反擊什至有機會絕殺主隊，而明顯車路士喺今場波完全欠運，有場面有攻勢有射門但總唔能夠將個波送進網內，即使下半換入佩利錫、蒙特等進攻球員亦無功而回，相信對於爭標路途上哩一仗會一挫士氣。
受到小型傷兵潮困擾，部份主力尤其攻擊線上既球員仍未復出，三人防線依舊維持魯迪加、堤亞高施華以及基斯甸臣，左右翼衛由捷維爾以及列斯占士擔任，雙中場安排左上場歐聯輪休既簡迪拍佐真奴，而前場杜曹意外地安排左什少上陣既巴克利擔任正選，聯同奧岱以及夏維斯組成攻擊線，給予巴克利擔任十一人正選名單之中既安排可以話相當大膽。
如果針對巴克利喺賽後既評分，其實佢既表現一啲都唔失禮，不過部份球迷針對佢喺禁區內一下浪射炒飛機間接引致球隊全失三分，但其實現實係有唔少球員同樣浪費左大量入球機會，全場廿五腳射門，而中龍既次數一隻手數得晒，就連門柱都中埋，只針對部份球員「搵戰犯」的話實有所不公，倒不如話全隊都欠缺把握力，而般尼既防守加上門將卜比神勇既表現亦值得奪取一分而回。
而今場波藍軍亦有唔少亮點值得注視既地方，首先係杜曹刻意選用兩邊長傳高空轟炸般尼後防，而夏維斯雖然身形上似乎較為單薄，不過佢依然都喺唔少對抗上成功得到唔少攻門機會，加上角球攻擊上施華、魯迪加等後防球員都同樣爭頂成功，睇得出球隊喺各個進攻項目上都有唔少成果，攻守轉換既流暢度亦有所提升；除此之外佩利錫既英超復出同樣令人高興，自開咧戰後美國隊長一直因傷缺乏各項賽事直到上場歐聯對陣馬模復出，不過黎緊準備又到國際週期，希望佩利錫唔好又再一次因傷而回。
失分從來都唔係值得高興既事，但總係成長既機會，每次失分之後究竟獲得幾多先至事關重要，相信今仗為杜曹以至全隊球員都係很好既一課。
文章發表時間 : 8/11/2021 14:00
文章最後更新時間 : 8/11/2021 14:00
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/