《主隊中路不設防 客隊大勝存在陰霾︱李斯特城對車路士賽後感》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
再一次同數字3有關，車路士作客李斯特城大勝3-0，正當大家都以為賽事清風送爽既時候，其實客隊喺背後存在左唔少進攻陰霾，加上李城中路長期不設防，為車路士營造出一個更可觀既大勝條件，成功轉移視線。
喺國際賽期過後杜曹並未有作出過大幅度既輪換，依舊維持唔少衡常球員出任343陣式正選，堤亞高施華並未有受到時差所影響，繼續領導防線伙拍魯迪加同小將查路巴，中場方面於國際賽射失十二碼既佐真奴亦繼續擔任正選，與簡迪組合成雙中場，而高華錫亦續國際賽期休戰後繼續養傷，左右翼衛就依舊由國家隊拍檔捷維爾同列斯占士出任，至於前場方面就依舊有夏維斯擔任正箭頭，而因牙痛缺席國際賽既蒙特亦復任正選，加上奧岱組成三攻堅。
李城同樣以三中堅陣式應戰，喺客隊主控時李城球員主要以堅守陣營為主，但三線並無完整地連結一齊，好多時前線球員投入去迫搶時雙中場會毫無保留地一同跟上，令防線同中場之間暴露出非常之多既空間出黎，車路士球員好容易通過幾下快速短傳就能將皮球運到哩個區域大造文章，尤其係你見到就連簡迪都有空位可以喺哩個位置自己推順再睇定黎射埋入網，就知道李城今場波真係有幾咁中路不設防。
話雖如此，車路士亦都有唔少進攻問題出現，首先講既係夏維斯，自盧卡古受傷後前者一直都擔任正選箭頭位置，但今場波感覺上佢好似好迷失咁完全唔知自己喺場上既定位，每次球隊進攻時究竟係回後做支點分波還時向前插上尋找空間接應，好似每一次企喺既位置同要做既判斷都唔啱咁，就連簡迪都要插入禁區同佢撞晒位搶點，果下都真係只能夠冷笑一聲，杜曹亦似乎無喺半場調整時作出任何指引，直接啲講夏維斯成場波就好似碌碌無為乜都無做過咁。
而同時佢同奧岱、蒙特兩者既距離之間亦都好遠，基本上就好似夏維斯自己一個同奧岱蒙特兩個各有各踢咁，後兩者好多互相走位配合，反而孤立左夏維斯自己一個踢自己咁，完全無連接性睇得到，再者睇番哩三個入球，要講到好有組織性就得第三球薛耶治助攻佩利錫果下，其餘入球包括魯迪加果球係訓練時所得既成果，而簡迪果球續之前所講都係歸立李城中路問題居多，反觀喺正選前場三人在場時其實都真係無乜太多火花出現。
三個入球，再加上三個被告越位既入球，都只係轉移左車路士背後存在既進攻問題，黎緊歐聯戰線重啟將要面對住同組勁旅祖雲達斯，加上盧卡古復出，杜曹似乎都要再喺球員定位及構思上再下苦功，否則夏維斯、盧卡古等人就只會繼續迷失下去。
文章發表時間 : 23/11/2021 09:30
文章最後更新時間 : 23/11/2021 09:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
再一次同數字3有關，車路士作客李斯特城大勝3-0，正當大家都以為賽事清風送爽既時候，其實客隊喺背後存在左唔少進攻陰霾，加上李城中路長期不設防，為車路士營造出一個更可觀既大勝條件，成功轉移視線。
喺國際賽期過後杜曹並未有作出過大幅度既輪換，依舊維持唔少衡常球員出任343陣式正選，堤亞高施華並未有受到時差所影響，繼續領導防線伙拍魯迪加同小將查路巴，中場方面於國際賽射失十二碼既佐真奴亦繼續擔任正選，與簡迪組合成雙中場，而高華錫亦續國際賽期休戰後繼續養傷，左右翼衛就依舊由國家隊拍檔捷維爾同列斯占士出任，至於前場方面就依舊有夏維斯擔任正箭頭，而因牙痛缺席國際賽既蒙特亦復任正選，加上奧岱組成三攻堅。
李城同樣以三中堅陣式應戰，喺客隊主控時李城球員主要以堅守陣營為主，但三線並無完整地連結一齊，好多時前線球員投入去迫搶時雙中場會毫無保留地一同跟上，令防線同中場之間暴露出非常之多既空間出黎，車路士球員好容易通過幾下快速短傳就能將皮球運到哩個區域大造文章，尤其係你見到就連簡迪都有空位可以喺哩個位置自己推順再睇定黎射埋入網，就知道李城今場波真係有幾咁中路不設防。
話雖如此，車路士亦都有唔少進攻問題出現，首先講既係夏維斯，自盧卡古受傷後前者一直都擔任正選箭頭位置，但今場波感覺上佢好似好迷失咁完全唔知自己喺場上既定位，每次球隊進攻時究竟係回後做支點分波還時向前插上尋找空間接應，好似每一次企喺既位置同要做既判斷都唔啱咁，就連簡迪都要插入禁區同佢撞晒位搶點，果下都真係只能夠冷笑一聲，杜曹亦似乎無喺半場調整時作出任何指引，直接啲講夏維斯成場波就好似碌碌無為乜都無做過咁。
而同時佢同奧岱、蒙特兩者既距離之間亦都好遠，基本上就好似夏維斯自己一個同奧岱蒙特兩個各有各踢咁，後兩者好多互相走位配合，反而孤立左夏維斯自己一個踢自己咁，完全無連接性睇得到，再者睇番哩三個入球，要講到好有組織性就得第三球薛耶治助攻佩利錫果下，其餘入球包括魯迪加果球係訓練時所得既成果，而簡迪果球續之前所講都係歸立李城中路問題居多，反觀喺正選前場三人在場時其實都真係無乜太多火花出現。
三個入球，再加上三個被告越位既入球，都只係轉移左車路士背後存在既進攻問題，黎緊歐聯戰線重啟將要面對住同組勁旅祖雲達斯，加上盧卡古復出，杜曹似乎都要再喺球員定位及構思上再下苦功，否則夏維斯、盧卡古等人就只會繼續迷失下去。
文章發表時間 : 23/11/2021 09:30
文章最後更新時間 : 23/11/2021 09:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/