《變則通不變則退 傷兵滿營邊個好態傷邊個 杜曹應如何是好？（下）》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
上回連結 : 《聯賽三戰只獲四分 傷兵滿營邊個好態傷邊個 杜曹應如何是好？（上）》
承接上回，同大家整合下依加車路士既傷兵名單，本身高華錫就已經傷癒可以復操，誰不知檢則陽性又要再自我隔離唔知幾多日，空歡喜一場，連同本身仍然受傷既簡迪、佐真奴、捷維爾、查路巴，再加上啱啱對辛尼特賽前熱身受傷既路夫斯捷克，藍軍依加有多達六位傷兵，而其中包括四位常任中場球員，可以話係重災區。
杜曹上場波嘗試安排列斯占士擔任6號角色，表現不過不失，老實講如果連同路夫斯捷克都真係確定唔係輕傷能夠短期內復出的話，黎緊哩段時間都好大機會要見到巴克利、沙奧尼古斯、連同列斯占士什至連基斯甸臣都可能需要兼替擔任中場位置，基本上中場成轉換同平衡兩端都已經唔可能跟番哩兩季既固定戰術去安排，因為都已經無一個係常任中場球員，全部都係其他位置既什至係好似巴克利哩啲係本身要轉會結果唔成功而留低既球員黎，搵佢間唔中幫下手係得但唔期望可以擔到大旗。
以往杜曹安排343為主要陣式，兩名中場球員各自分工，一個負責推進運波，連結前場將皮球運上去，再跨越各個戰區幫波，同時需要有覆蓋輸出去保護中後場，哩個角色主要係簡迪同高華錫擔任，至於另外一個中場就係6號位角色，主力負責同後場連結，與三中堅組成菱形小組企位，梳理中後場同控制大方向節奏，主力由佐真奴擔任同路夫斯捷克有試過兼任，而依加一下子四名球員都無晒，成個中場結構基本上可以話被推倒重新黎過。
杜曹嘗試將列斯占士調入中路幫手，而以往主力為攻擊球員既奧岱同佩利錫就兼任翼衛角色，其實變相令占士打開既右路都廢埋，既然中場同左路都成為球隊既重災區，而三中堅亦失去左中場既保護下形同虛設，相反前場球員大部份都仲保持健康，何解唔嘗試一下變陣，盡可能安排番依加可用既球員出任番自己慣常既位置，無錯哩一刻我地係十個煲得九個蓋，但感覺上將球員位置上既轉變減到愈少愈好，總好過搞搞下連自己本身都可以用既利器長處都無埋咁。
個人認為嘗試4231或者433會係一個短暫可以嘗試既方案，先以4231作藍圖，中堅主力維持施華同魯迪加，加上基斯甸臣做輸換，安排番列斯占士打番右閘，左閘就交番比馬高斯阿朗素或者艾斯派古達，中場方面蒙特就要收番後落番黎中場幫手，佢伙拍巴克利或者沙奧尼古斯出任雙中場，後者連以往經常打既中場位都未打得番狀態，杜曹就拉佢去打左翼衛其實都非常冒險，而薛耶治亦可以兼任中場位置，至於前場方面就由盧卡古、夏維斯、添姆雲拿同佩利錫等人負責。
防守時兩邊翼收後，適時都要回後去閘位協防，將陣式變為442或者4411，留番盧卡古同負責擔任輔鋒或攻中既球員喺前面，雙中場主力負責保護防線，即使皮球在腳都係連結交到前場球員腳下，主攻時亦都要有其中一個留後，以藍軍前場人腳黎講攻力絕對唔細，尤其係添姆雲拿同佩利錫兩個係可用性相當大既球員黎，兩者可以喺跑動同覆蓋範圍兩方面同時有高水準輸出，而且仲可以臨場調配到逆邊或中路區域，理應要更加活用得到佢地兩者既長處。
睇番近幾場失利既賽事，好多時都係穩定唔到個局勢繼而愈縮愈後，既然經常性被壓後倒不如放手一博，盡可能將戰區推至中前場，防守時至將三線空間收窄，面對強勁對手時搶不到控球就打番防反，因為喺「零」中場之下球隊已經缺少左傳控既本錢，強強對疊回歸防反都係最有效既方案，亦相信球迷們會接受哩個事實。
敢於相信杜曹並唔係一成不變既教練黎，而佢依加面對緊車路士近年黎最嚴重既傷兵潮，基本要搵兩名可以打到中場既球員出黎踢都唔係易事，哩一刻就要睇佢既功力點樣解決當前危機。
文章發表時間 : 11/12/2021 11:05
文章最後更新時間 : 11/12/2021 11:05
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
上回連結 : 《聯賽三戰只獲四分 傷兵滿營邊個好態傷邊個 杜曹應如何是好？（上）》
承接上回，同大家整合下依加車路士既傷兵名單，本身高華錫就已經傷癒可以復操，誰不知檢則陽性又要再自我隔離唔知幾多日，空歡喜一場，連同本身仍然受傷既簡迪、佐真奴、捷維爾、查路巴，再加上啱啱對辛尼特賽前熱身受傷既路夫斯捷克，藍軍依加有多達六位傷兵，而其中包括四位常任中場球員，可以話係重災區。
杜曹上場波嘗試安排列斯占士擔任6號角色，表現不過不失，老實講如果連同路夫斯捷克都真係確定唔係輕傷能夠短期內復出的話，黎緊哩段時間都好大機會要見到巴克利、沙奧尼古斯、連同列斯占士什至連基斯甸臣都可能需要兼替擔任中場位置，基本上中場成轉換同平衡兩端都已經唔可能跟番哩兩季既固定戰術去安排，因為都已經無一個係常任中場球員，全部都係其他位置既什至係好似巴克利哩啲係本身要轉會結果唔成功而留低既球員黎，搵佢間唔中幫下手係得但唔期望可以擔到大旗。
以往杜曹安排343為主要陣式，兩名中場球員各自分工，一個負責推進運波，連結前場將皮球運上去，再跨越各個戰區幫波，同時需要有覆蓋輸出去保護中後場，哩個角色主要係簡迪同高華錫擔任，至於另外一個中場就係6號位角色，主力負責同後場連結，與三中堅組成菱形小組企位，梳理中後場同控制大方向節奏，主力由佐真奴擔任同路夫斯捷克有試過兼任，而依加一下子四名球員都無晒，成個中場結構基本上可以話被推倒重新黎過。
杜曹嘗試將列斯占士調入中路幫手，而以往主力為攻擊球員既奧岱同佩利錫就兼任翼衛角色，其實變相令占士打開既右路都廢埋，既然中場同左路都成為球隊既重災區，而三中堅亦失去左中場既保護下形同虛設，相反前場球員大部份都仲保持健康，何解唔嘗試一下變陣，盡可能安排番依加可用既球員出任番自己慣常既位置，無錯哩一刻我地係十個煲得九個蓋，但感覺上將球員位置上既轉變減到愈少愈好，總好過搞搞下連自己本身都可以用既利器長處都無埋咁。
個人認為嘗試4231或者433會係一個短暫可以嘗試既方案，先以4231作藍圖，中堅主力維持施華同魯迪加，加上基斯甸臣做輸換，安排番列斯占士打番右閘，左閘就交番比馬高斯阿朗素或者艾斯派古達，中場方面蒙特就要收番後落番黎中場幫手，佢伙拍巴克利或者沙奧尼古斯出任雙中場，後者連以往經常打既中場位都未打得番狀態，杜曹就拉佢去打左翼衛其實都非常冒險，而薛耶治亦可以兼任中場位置，至於前場方面就由盧卡古、夏維斯、添姆雲拿同佩利錫等人負責。
防守時兩邊翼收後，適時都要回後去閘位協防，將陣式變為442或者4411，留番盧卡古同負責擔任輔鋒或攻中既球員喺前面，雙中場主力負責保護防線，即使皮球在腳都係連結交到前場球員腳下，主攻時亦都要有其中一個留後，以藍軍前場人腳黎講攻力絕對唔細，尤其係添姆雲拿同佩利錫兩個係可用性相當大既球員黎，兩者可以喺跑動同覆蓋範圍兩方面同時有高水準輸出，而且仲可以臨場調配到逆邊或中路區域，理應要更加活用得到佢地兩者既長處。
睇番近幾場失利既賽事，好多時都係穩定唔到個局勢繼而愈縮愈後，既然經常性被壓後倒不如放手一博，盡可能將戰區推至中前場，防守時至將三線空間收窄，面對強勁對手時搶不到控球就打番防反，因為喺「零」中場之下球隊已經缺少左傳控既本錢，強強對疊回歸防反都係最有效既方案，亦相信球迷們會接受哩個事實。
敢於相信杜曹並唔係一成不變既教練黎，而佢依加面對緊車路士近年黎最嚴重既傷兵潮，基本要搵兩名可以打到中場既球員出黎踢都唔係易事，哩一刻就要睇佢既功力點樣解決當前危機。
文章發表時間 : 11/12/2021 11:05
文章最後更新時間 : 11/12/2021 11:05
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
如果喜歡我們的文章，請即分享到︰
延伸閲讀：
《又失三球由贏變和跌入次名 守又守唔好攻又唔係好攻到︱辛尼特對車路士賽後感》
《傷兵潮下再有球員確診 失分頻頻又再有失波︱車路士對愛華頓賽後感》
《七個球員確診無前鋒用 六個後備有兩個龍門 執到一分都偷笑︱狼隊對車路士賽後感》
《又失三球由贏變和跌入次名 守又守唔好攻又唔係好攻到︱辛尼特對車路士賽後感》
《傷兵潮下再有球員確診 失分頻頻又再有失波︱車路士對愛華頓賽後感》
《七個球員確診無前鋒用 六個後備有兩個龍門 執到一分都偷笑︱狼隊對車路士賽後感》