《失的不只是三分 而是失去球迷們寄予對鬥心的希望》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
失三分已成定局，當然場面上未至於輸得好難睇，你可以話傷晒兩邊翼衛，可以話我地對完熱刺反而人地抖左成星期，可以話人地人腳完整過我地，不過今場波係球迷們寄予住球隊一種著重鬥心既希望，但球員們整體地都並沒有展示到出黎。
主要想講杜曹、盧卡古以及一眾進攻球員，被球迷們認定為最大罪人定必係盧卡古，但其實一直都有講杜曹並未有將佢既最大效能發揮，早兩場對熱刺打4222雙前鋒時盧卡古都開始有好轉跡象，較大空間比到佢可以選擇邊路或中路發揮，但今場波一回歸343喺兩邊翼鋒未有效拉開闊度下，佢再一次喺中路單打獨鬥，空間被壓縮，當然佢喺爭頂搶點方面既數據都相當差，哩部份都係球員責任。
而薛耶治、佩利錫同時都無發揮到自己最好既一面，哩個攻擊組合印象中都相當少見同時正選，薛耶治已經証實左自己只能應付中下游或歐洲賽實力較弱既對手，要佢強強大戰擔大旗交出好成績根本好難，而佩利錫就好睇腳風同狀態，不過次次一打得順境好態就會傷，實在兩難。
至於杜曹，喺場邊力不從心叫球員壓上但收不到成效，賽後亦有表示出自己對球隊進攻上既失望，但既然球隊達不到成效點解唔早喺半場就作出調動，以上半場表現黎講薛耶治、佩利錫同盧卡古最少都要拿下其中一人，而後備席上亦有夏維斯、雲拿以及奧岱等。
而一切都已成事實，翼衛傷三分已失，亦認清自己今季無力爭下英超，仲有半季時間就要以保前四為目標，其餘戰線有得去就繼續去，賽程上同時要係兼容到取勝及效益，既然盧卡古係你叫買番黎，用得好亦理應係杜曹既責任，而依加進攻線既人員完整，對比番其他球隊黎講其實算好豪華了。
文章發表時間 : 17/1/2022 21:35
文章最後更新時間 : 17/1/2022 21:35
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
失三分已成定局，當然場面上未至於輸得好難睇，你可以話傷晒兩邊翼衛，可以話我地對完熱刺反而人地抖左成星期，可以話人地人腳完整過我地，不過今場波係球迷們寄予住球隊一種著重鬥心既希望，但球員們整體地都並沒有展示到出黎。
主要想講杜曹、盧卡古以及一眾進攻球員，被球迷們認定為最大罪人定必係盧卡古，但其實一直都有講杜曹並未有將佢既最大效能發揮，早兩場對熱刺打4222雙前鋒時盧卡古都開始有好轉跡象，較大空間比到佢可以選擇邊路或中路發揮，但今場波一回歸343喺兩邊翼鋒未有效拉開闊度下，佢再一次喺中路單打獨鬥，空間被壓縮，當然佢喺爭頂搶點方面既數據都相當差，哩部份都係球員責任。
而薛耶治、佩利錫同時都無發揮到自己最好既一面，哩個攻擊組合印象中都相當少見同時正選，薛耶治已經証實左自己只能應付中下游或歐洲賽實力較弱既對手，要佢強強大戰擔大旗交出好成績根本好難，而佩利錫就好睇腳風同狀態，不過次次一打得順境好態就會傷，實在兩難。
至於杜曹，喺場邊力不從心叫球員壓上但收不到成效，賽後亦有表示出自己對球隊進攻上既失望，但既然球隊達不到成效點解唔早喺半場就作出調動，以上半場表現黎講薛耶治、佩利錫同盧卡古最少都要拿下其中一人，而後備席上亦有夏維斯、雲拿以及奧岱等。
而一切都已成事實，翼衛傷三分已失，亦認清自己今季無力爭下英超，仲有半季時間就要以保前四為目標，其餘戰線有得去就繼續去，賽程上同時要係兼容到取勝及效益，既然盧卡古係你叫買番黎，用得好亦理應係杜曹既責任，而依加進攻線既人員完整，對比番其他球隊黎講其實算好豪華了。
文章發表時間 : 17/1/2022 21:35
文章最後更新時間 : 17/1/2022 21:35
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/