《問題環環相扣 深入剖析車路士與杜曹所面對的處境與難關》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
失分連連，聯賽處境每況愈下，如果身後對手連埸得分的話，車路士就已經可以跌出前四之列，藍軍今季所遇到既問題可以話係近年之多，而環環相扣之下令杜曹同球隊都面對前所未有既困難，如果你以為只係傷左一對翼衛咁簡單，只能夠說過份輕視左其他問題既存在。
傷兵問題 x 戰術問題
十一月尾至十二月開始，車路士陸續受到傷患潮影響，捷維爾重傷收咧，中場球員包括簡迪、高華錫亦受到唔同時段既傷患困擾，同時佐真奴亦要喺背傷下忍痛作賽，其他位置亦有球員開始感染肺炎需要停賽，前中後場既球員正選名單經已改動到每場都有所不同面目全非，而時段上賽程亦開始緊密，令到可以落到場既球員連場作賽疲於奔命，缺乏休息下令戰術輸出同時受到影響。
兩邊翼衛既受傷的確對於藍軍有非常嚴重既打擊，說實話相信無乜邊支列強球隊可以喺傷晒兩邊正選閘之下對戰術同成績無重大影響，但其實缺少捷維爾同列斯占士都只係淡化左杜曹喺戰術上既問題，季初都有講自盧卡古加盟以黎，一直都未能完全融入得到戰術體系之中，當然球員亦受到肺炎加上傷患問題，但如果你話盧卡古打得唔好除左係佢本人自身責任之外，杜曹亦理應要需要負上部份責任。
戰術問題 x 盧卡古問題
其實由上季開始都睇到，球隊既攻擊線上缺少左兩項元素，一係創造機會能力，二係創造到機會下將個波放入網既能力，盧卡古既黎臨相信係杜曹為左解決第二項而作出既操作，但其實喺缺乏創造機會既球員上係並無作出任何補充，簡迪、高華錫、佐真奴由沙利年代開始都睇得到佢地哩個組合係精於掃蕩操控但缺少創造能力，而蒙特亦被杜曹定性於為翼鋒多於中場，相對上具創造元素既薜耶治亦喺三中堅體系下有所掙扎，加上明顯對於英超既身體對抗表現吃力，球隊並無就著創造力哩個問題喺人腳上作出任增長同變動，變相加大左翼衛缺陣同盧卡古既問題。
捷維爾同列斯占士前插助攻無疑成功淡化到前線組合攻力問題，即使仍然無法打破密集，不過佢地翼衛二人都依然可以透過高質素既傳中去製造入球機會，依加佢地缺陣就正正令問題重新放大浮現出黎，而喺搵戰犯之下盧卡古就必定係受靶第一人，因為佢既加盟無助為球隊喺攻力上作出任何提升，但其實即使無佢換番夏維斯出黎，喺上季都見到一樣既問題，創造力係並唔會有任何提升，夏維斯最多只能做到球員元素上既轉變，但前線乏力既問題係並無解決過。
傷兵問題 x 高層轉會操作問題
既然捷維爾經已一早宣佈收咧，球會就理應藉著一月轉會窗作出操作，但依加黎到最後一星期高層依然未為左閘作出任何方向性既計劃，由傳迪尼去到人地都加盟埋維拉再到巴塞既達斯，跟住再出現回收外借到里昂既艾馬臣不成既鬧劇，去到近排回收埋去左巴甲既堅尼地返黎，球會至今依然都未有為左閘位作出最終定案。
老實講即使回收到艾馬臣，佢既能力同水準都實在無法取代到捷維爾既唔知幾多成，如果一早係得既話就唔會今季外借左出去啦其實，高層回復收水慳家都經已令球隊喺哩個月失左唔知幾多分，當然上面都有講到其實翼衛係無助完全解決前線攻力問題，只能淡化同轉移視線，但依加講緊正選左翼衛得番阿朗素一人，有迪尼哩個即插即用你唔買，走去做埋啲度縮數計黎計去，睇怕都因少失大最後犠牲左杜曹。
總結
問題環環相扣，當然球隊所存在既未必止以上講既咁少，只能夠講由杜曹既戰術再去到球員既執行，以及高層喺轉會上既操作都存在各自問題，不過如果再唔係轉會窗最後哩一星期作出左閘既補充的話，相信球隊喺下半季都並唔會好受，球迷們亦只會有排鬧。
文章發表時間 : 22/1/2022 10:45
文章最後更新時間 : 22/1/2022 10:45
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
失分連連，聯賽處境每況愈下，如果身後對手連埸得分的話，車路士就已經可以跌出前四之列，藍軍今季所遇到既問題可以話係近年之多，而環環相扣之下令杜曹同球隊都面對前所未有既困難，如果你以為只係傷左一對翼衛咁簡單，只能夠說過份輕視左其他問題既存在。
傷兵問題 x 戰術問題
十一月尾至十二月開始，車路士陸續受到傷患潮影響，捷維爾重傷收咧，中場球員包括簡迪、高華錫亦受到唔同時段既傷患困擾，同時佐真奴亦要喺背傷下忍痛作賽，其他位置亦有球員開始感染肺炎需要停賽，前中後場既球員正選名單經已改動到每場都有所不同面目全非，而時段上賽程亦開始緊密，令到可以落到場既球員連場作賽疲於奔命，缺乏休息下令戰術輸出同時受到影響。
兩邊翼衛既受傷的確對於藍軍有非常嚴重既打擊，說實話相信無乜邊支列強球隊可以喺傷晒兩邊正選閘之下對戰術同成績無重大影響，但其實缺少捷維爾同列斯占士都只係淡化左杜曹喺戰術上既問題，季初都有講自盧卡古加盟以黎，一直都未能完全融入得到戰術體系之中，當然球員亦受到肺炎加上傷患問題，但如果你話盧卡古打得唔好除左係佢本人自身責任之外，杜曹亦理應要需要負上部份責任。
戰術問題 x 盧卡古問題
其實由上季開始都睇到，球隊既攻擊線上缺少左兩項元素，一係創造機會能力，二係創造到機會下將個波放入網既能力，盧卡古既黎臨相信係杜曹為左解決第二項而作出既操作，但其實喺缺乏創造機會既球員上係並無作出任何補充，簡迪、高華錫、佐真奴由沙利年代開始都睇得到佢地哩個組合係精於掃蕩操控但缺少創造能力，而蒙特亦被杜曹定性於為翼鋒多於中場，相對上具創造元素既薜耶治亦喺三中堅體系下有所掙扎，加上明顯對於英超既身體對抗表現吃力，球隊並無就著創造力哩個問題喺人腳上作出任增長同變動，變相加大左翼衛缺陣同盧卡古既問題。
捷維爾同列斯占士前插助攻無疑成功淡化到前線組合攻力問題，即使仍然無法打破密集，不過佢地翼衛二人都依然可以透過高質素既傳中去製造入球機會，依加佢地缺陣就正正令問題重新放大浮現出黎，而喺搵戰犯之下盧卡古就必定係受靶第一人，因為佢既加盟無助為球隊喺攻力上作出任何提升，但其實即使無佢換番夏維斯出黎，喺上季都見到一樣既問題，創造力係並唔會有任何提升，夏維斯最多只能做到球員元素上既轉變，但前線乏力既問題係並無解決過。
傷兵問題 x 高層轉會操作問題
既然捷維爾經已一早宣佈收咧，球會就理應藉著一月轉會窗作出操作，但依加黎到最後一星期高層依然未為左閘作出任何方向性既計劃，由傳迪尼去到人地都加盟埋維拉再到巴塞既達斯，跟住再出現回收外借到里昂既艾馬臣不成既鬧劇，去到近排回收埋去左巴甲既堅尼地返黎，球會至今依然都未有為左閘位作出最終定案。
老實講即使回收到艾馬臣，佢既能力同水準都實在無法取代到捷維爾既唔知幾多成，如果一早係得既話就唔會今季外借左出去啦其實，高層回復收水慳家都經已令球隊喺哩個月失左唔知幾多分，當然上面都有講到其實翼衛係無助完全解決前線攻力問題，只能淡化同轉移視線，但依加講緊正選左翼衛得番阿朗素一人，有迪尼哩個即插即用你唔買，走去做埋啲度縮數計黎計去，睇怕都因少失大最後犠牲左杜曹。
總結
問題環環相扣，當然球隊所存在既未必止以上講既咁少，只能夠講由杜曹既戰術再去到球員既執行，以及高層喺轉會上既操作都存在各自問題，不過如果再唔係轉會窗最後哩一星期作出左閘既補充的話，相信球隊喺下半季都並唔會好受，球迷們亦只會有排鬧。
文章發表時間 : 22/1/2022 10:45
文章最後更新時間 : 22/1/2022 10:45
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/