《薜耶治大發神威 賽季四殺熱刺 是止跌回升還是實屬虛火？︱車路士對熱刺賽後感》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
今季於英超以及聯賽盃四度與熱刺對碰，車路士都以全勝姿態擊敗對手，當中除左能力上既表現之外亦有格食格既味道，前車主帥干地執教熱刺後亦無助打破宿命，相反杜曹帶領近況較為低沉既車路士喺今場波嘗試一啲新變化，算係喺後防人手不足底下尋求一啲新嘗試，表現正面。
單以正選陣容名單黎睇，一度以為杜曹會再以一個4222陣式應戰，不過自比賽開始一刻，場上既陣式就見到車路士係擺出4141陣式，後防繼續又兩大核心堤亞高施華及魯迪加擔任中堅，沙亞同艾斯派古達為左右閘兩員，佐真奴就擔任中場稍為墮後既角色，而佢身前由左至右就分別係奧岱、高華錫、蒙特以及薜耶治，最前攻堅就繼續源用盧卡古。
由於兩閘活力不足，尤其係左邊既沙亞會以防守之主什少壓前助攻，杜曹就嘗試利用兩邊翼鋒去幫補提供輸出，奧岱同薜耶治喺防守時會收後至防線協防，什至會回後到己隊角球旗區域，而佢地兩者喺今場波既表現亦相當出色，第一個入球就由佢地兩者合力包辦，由薜耶治一下世界波作結，今場波佢既演出可以話超水準，連續兩場聯賽都貢獻兩個入球，更展露出少有笑容。
某程度上薜耶治打得好有兩個原因，一個係陣式上既角色定位，而另一原因就係蒙特，薜耶治係一個需要隊友為佢拉扯出空間去發揮既球員，尤其係喺身體碰撞較多既英超環境黎講，本身佢既身體對抗都已經唔係強，過往喺三中堅體系下佢都只係單靠右翼衛去支援助攻，但一缺少左列斯占士之後佢就只能單打獨鬥，今場波佢身後除左有艾斯派古達外更重要既係身旁有蒙特，後者善於適時前插為薜耶治提供到唔少活動空間，從而令佢可以運用到哩啲空間去選擇長傳轉邊還是自己入中路作結，令佢更得心應手。
當然熱刺既發揮唔好都令杜曹所安排既戰術有效，不過暫時睇黎轉換陣式既發揮都唔錯，至於係止跌回升還是虛火就尚待觀察，但敢相信新左閘都唔會喺一月會出現，依加就要睇杜曹點樣利用現有既人手去作調配，最重要既係戰術思路清晰，別變出禍。
文章發表時間 : 26/1/2022 11:35
文章最後更新時間 : 26/1/2022 11:35
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
今季於英超以及聯賽盃四度與熱刺對碰，車路士都以全勝姿態擊敗對手，當中除左能力上既表現之外亦有格食格既味道，前車主帥干地執教熱刺後亦無助打破宿命，相反杜曹帶領近況較為低沉既車路士喺今場波嘗試一啲新變化，算係喺後防人手不足底下尋求一啲新嘗試，表現正面。
單以正選陣容名單黎睇，一度以為杜曹會再以一個4222陣式應戰，不過自比賽開始一刻，場上既陣式就見到車路士係擺出4141陣式，後防繼續又兩大核心堤亞高施華及魯迪加擔任中堅，沙亞同艾斯派古達為左右閘兩員，佐真奴就擔任中場稍為墮後既角色，而佢身前由左至右就分別係奧岱、高華錫、蒙特以及薜耶治，最前攻堅就繼續源用盧卡古。
由於兩閘活力不足，尤其係左邊既沙亞會以防守之主什少壓前助攻，杜曹就嘗試利用兩邊翼鋒去幫補提供輸出，奧岱同薜耶治喺防守時會收後至防線協防，什至會回後到己隊角球旗區域，而佢地兩者喺今場波既表現亦相當出色，第一個入球就由佢地兩者合力包辦，由薜耶治一下世界波作結，今場波佢既演出可以話超水準，連續兩場聯賽都貢獻兩個入球，更展露出少有笑容。
某程度上薜耶治打得好有兩個原因，一個係陣式上既角色定位，而另一原因就係蒙特，薜耶治係一個需要隊友為佢拉扯出空間去發揮既球員，尤其係喺身體碰撞較多既英超環境黎講，本身佢既身體對抗都已經唔係強，過往喺三中堅體系下佢都只係單靠右翼衛去支援助攻，但一缺少左列斯占士之後佢就只能單打獨鬥，今場波佢身後除左有艾斯派古達外更重要既係身旁有蒙特，後者善於適時前插為薜耶治提供到唔少活動空間，從而令佢可以運用到哩啲空間去選擇長傳轉邊還是自己入中路作結，令佢更得心應手。
當然熱刺既發揮唔好都令杜曹所安排既戰術有效，不過暫時睇黎轉換陣式既發揮都唔錯，至於係止跌回升還是虛火就尚待觀察，但敢相信新左閘都唔會喺一月會出現，依加就要睇杜曹點樣利用現有既人手去作調配，最重要既係戰術思路清晰，別變出禍。
文章發表時間 : 26/1/2022 11:35
文章最後更新時間 : 26/1/2022 11:35
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/