《左閘引援仍未有定案 沙亞或許是最終解決方案？》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
距離轉會窗完結仲有幾日就完結，車路士依然未就捷維爾收咧作出任何引援，睇怕高層去到最後都唔會出手作出收購，近日傳媒亦有指沙亞既表現得到球會以至杜曹既滿意，好大機會會係哩個位置既最終解決方案，相信無乜邊個車路士球迷會喺一月頭估到佢竟然會係左閘位置既替補人選。
沙亞上季以自由身由尼斯轉投史丹福橋，隨即被借到波圖，除左中堅位置之外佢喺法甲亦的確有擔任左閘既經驗，而上季被借到波圖時亦都曾經客串過哩個位，不過佢喺哩支葡超勁旅上陣既時間唔算多，隨後更被調到B隊作賽，今季返到車路士後其實一直都搵緊球會再作外借，但由於球隊後防人手唔算充裕所以最終都未有成事留番喺藍軍陣容之中。
杜曹主力將沙亞放喺一啲本土盃賽中上陣，見得到球員的確喺身體對抗同速度上有優勢，不過喺一啲防守技術既處理上，例如攔截動作、出腳時機等都依然有好大進步空間，波底亦較粗糙，好多時被對手反壓時都顯得緊張，同時仍未算好掌握得到英超既節奏，當然哩啲都可以用時間浸，但以依加既車路士喺英超奪冠無望但需要同一眾勁敵爭前四既環境之下，投入到既即戰力會係哩一刻最為需要既主要因素。
老實講，如果一早覺得沙亞係啱用的話，其實早就已經拎左黎用啦，洗咩仲要賠錢比里昂去回收艾馬臣（仲要唔成功），跟住再傳當時仲喺愛華頓既迪尼，去到近期傳巴塞既達斯（話可以打到左右二閘但又話占士復出跟住又縮），再到回收埋堅尼地返黎，跟住到依一刻先至發現沙亞原來啱用？明顯既就係高層唔肯放水買人，諗埋晒啲度縮數希望用最少效益得到最大成效，倒頭來先至知原來自己本身既計劃首選次選什至去到三選原來全部都行唔通，跟手就要杜曹喺現有陣容中自己諗計搞。
只能夠講沙亞最多只可以幫你半稱職咁喺左閘位處理防務，唔好強求佢會幫到你分擔左路進攻既部份，即使法國人曾經有左閘經驗亦都最多只能幫你喺後場放下定點高波上前場，但一直以黎杜曹既戰術都相當依賴閘位或翼衛球員去做前插、拉邊以及幫手入中路加壓既工作，而沙亞明顯就唔係哩類型球員黎，如果係咁的話依加就等同廢左左路咁一樣。
賽季啱啱先過左一半多啲，而成個一月我地跌左幾多分？如果最終真係無左閘球員加盟而只用沙亞同馬高斯阿朗素去完成下半賽季，真係唔知仲有幾多分可以失...車迷們當然希望佢地既表現會令人大跌眼鏡啦，又或者杜曹真係會有方法去搞好哩一點...係咪四後防？下回再續...
文章發表時間 : 30/1/2022 9:40
文章最後更新時間 : 30/1/2022 9:40
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
距離轉會窗完結仲有幾日就完結，車路士依然未就捷維爾收咧作出任何引援，睇怕高層去到最後都唔會出手作出收購，近日傳媒亦有指沙亞既表現得到球會以至杜曹既滿意，好大機會會係哩個位置既最終解決方案，相信無乜邊個車路士球迷會喺一月頭估到佢竟然會係左閘位置既替補人選。
沙亞上季以自由身由尼斯轉投史丹福橋，隨即被借到波圖，除左中堅位置之外佢喺法甲亦的確有擔任左閘既經驗，而上季被借到波圖時亦都曾經客串過哩個位，不過佢喺哩支葡超勁旅上陣既時間唔算多，隨後更被調到B隊作賽，今季返到車路士後其實一直都搵緊球會再作外借，但由於球隊後防人手唔算充裕所以最終都未有成事留番喺藍軍陣容之中。
杜曹主力將沙亞放喺一啲本土盃賽中上陣，見得到球員的確喺身體對抗同速度上有優勢，不過喺一啲防守技術既處理上，例如攔截動作、出腳時機等都依然有好大進步空間，波底亦較粗糙，好多時被對手反壓時都顯得緊張，同時仍未算好掌握得到英超既節奏，當然哩啲都可以用時間浸，但以依加既車路士喺英超奪冠無望但需要同一眾勁敵爭前四既環境之下，投入到既即戰力會係哩一刻最為需要既主要因素。
老實講，如果一早覺得沙亞係啱用的話，其實早就已經拎左黎用啦，洗咩仲要賠錢比里昂去回收艾馬臣（仲要唔成功），跟住再傳當時仲喺愛華頓既迪尼，去到近期傳巴塞既達斯（話可以打到左右二閘但又話占士復出跟住又縮），再到回收埋堅尼地返黎，跟住到依一刻先至發現沙亞原來啱用？明顯既就係高層唔肯放水買人，諗埋晒啲度縮數希望用最少效益得到最大成效，倒頭來先至知原來自己本身既計劃首選次選什至去到三選原來全部都行唔通，跟手就要杜曹喺現有陣容中自己諗計搞。
只能夠講沙亞最多只可以幫你半稱職咁喺左閘位處理防務，唔好強求佢會幫到你分擔左路進攻既部份，即使法國人曾經有左閘經驗亦都最多只能幫你喺後場放下定點高波上前場，但一直以黎杜曹既戰術都相當依賴閘位或翼衛球員去做前插、拉邊以及幫手入中路加壓既工作，而沙亞明顯就唔係哩類型球員黎，如果係咁的話依加就等同廢左左路咁一樣。
賽季啱啱先過左一半多啲，而成個一月我地跌左幾多分？如果最終真係無左閘球員加盟而只用沙亞同馬高斯阿朗素去完成下半賽季，真係唔知仲有幾多分可以失...車迷們當然希望佢地既表現會令人大跌眼鏡啦，又或者杜曹真係會有方法去搞好哩一點...係咪四後防？下回再續...
文章發表時間 : 30/1/2022 9:40
文章最後更新時間 : 30/1/2022 9:40
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/