《佐、高、簡又大一歲 車路士中場應是時候換班？淺談收購新球員的方向與需求》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
關於早幾日篇文章《施治將離開藍軍？新班主承諾一舉簽下六名球員？探討車路士轉會與高層人士變動》，就著車路士喺轉會窗講到收購新中場既部份，個人認為必要性的確未及得上兩名新中堅，不過重要程度不下於收購前鋒或翼鋒類型既攻擊球員，今次將會就哩一點話題作延伸。
.
是關佐、高、簡又已經再大一歲，哩個三人組合向來都係利控卻不利攻，佐真奴擅於掌控節奏，缺少左佢會令球隊失去方向性令攻守失調，而高華錫精於技術型持球突破，無佢在陣會令球隊中路缺少向前推進能力，同時不利攻守兩端，至於簡迪就更加唔洗講，硬度同覆蓋面佢同時兩者兼備，無佢的話係直接減弱球隊防守同掃蕩力，但係三位球員與此同時都並唔擅長於禁區頂工作，包括最後一傳、後上遠射、前插助攻等典型十號位工作，變相令球隊過往哩幾年都欠缺左哩道進攻板斧，面對對手密集防守時更難打破缺口。.
再睇番依加陣中可用既材料，蒙特經已被定性為翼鋒，而曾經被寄予厚望既「大師兄」路夫斯捷克表現亦好壞參半，杜曹將佢定位為佐真奴個墜後中場既替補居多，可能因為唔想佢過度走上走落而再次觸發傷患，至於基爾摩亞（Billy Clifford Gilmour）同干查加拉加（Conor John Gallaghe），前者唔係依加球隊最需要類型既球員，而後者上季喺水晶宮既好表現絕對會獲得杜曹喺季前熱身賽既關注，不過個人認為佢既特質較為偏向高華錫既風格，更為敢於在喺禁區頂發難同起腳，但始終並不精於創造機會，杜曹既戰術體系有冇一個正選位置比佢仍然需要時間觀察。
.
中場既構建組合係相當影響到球隊喺攻守兩端既發揮同能力，同時亦關係到陣式上既轉換，如果杜曹方向上係想捨棄三中堅的話（前題當然要收購到兩名單防能力強既中堅），中場中軸線亦有需要增添多一名有足夠硬度既球員去支撐陣式，單係繼續依靠年紀漸大既簡迪係並唔足夠，而就好似法蘭基迪莊哩一類型同時能應付4+8號位職能既球員其實都相當合適，不過藍軍喺哩一刻未必會花費太多資源喺收購哩個位置上，個人感覺即使球隊喺中場上有新收購都好，最多只會係喺創造力同硬度上二擇其一，功能上偏向單一既機會較大。
車路士既轉會消息每日都風雲變色，尤其係依加連兩個新中堅都未有消息，就更可況係要新中場，而言一切都有待官宣最為準確，亦呼籲一眾車迷們切勿跟「車」太貼，免得最後失望既就只會係自己，笑~
文章發表時間 : 1/7/2022 10:30
文章最後更新時間 : 1/7/2022 10:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
關於早幾日篇文章《施治將離開藍軍？新班主承諾一舉簽下六名球員？探討車路士轉會與高層人士變動》，就著車路士喺轉會窗講到收購新中場既部份，個人認為必要性的確未及得上兩名新中堅，不過重要程度不下於收購前鋒或翼鋒類型既攻擊球員，今次將會就哩一點話題作延伸。
.
是關佐、高、簡又已經再大一歲，哩個三人組合向來都係利控卻不利攻，佐真奴擅於掌控節奏，缺少左佢會令球隊失去方向性令攻守失調，而高華錫精於技術型持球突破，無佢在陣會令球隊中路缺少向前推進能力，同時不利攻守兩端，至於簡迪就更加唔洗講，硬度同覆蓋面佢同時兩者兼備，無佢的話係直接減弱球隊防守同掃蕩力，但係三位球員與此同時都並唔擅長於禁區頂工作，包括最後一傳、後上遠射、前插助攻等典型十號位工作，變相令球隊過往哩幾年都欠缺左哩道進攻板斧，面對對手密集防守時更難打破缺口。.
再睇番依加陣中可用既材料，蒙特經已被定性為翼鋒，而曾經被寄予厚望既「大師兄」路夫斯捷克表現亦好壞參半，杜曹將佢定位為佐真奴個墜後中場既替補居多，可能因為唔想佢過度走上走落而再次觸發傷患，至於基爾摩亞（Billy Clifford Gilmour）同干查加拉加（Conor John Gallaghe），前者唔係依加球隊最需要類型既球員，而後者上季喺水晶宮既好表現絕對會獲得杜曹喺季前熱身賽既關注，不過個人認為佢既特質較為偏向高華錫既風格，更為敢於在喺禁區頂發難同起腳，但始終並不精於創造機會，杜曹既戰術體系有冇一個正選位置比佢仍然需要時間觀察。
.
中場既構建組合係相當影響到球隊喺攻守兩端既發揮同能力，同時亦關係到陣式上既轉換，如果杜曹方向上係想捨棄三中堅的話（前題當然要收購到兩名單防能力強既中堅），中場中軸線亦有需要增添多一名有足夠硬度既球員去支撐陣式，單係繼續依靠年紀漸大既簡迪係並唔足夠，而就好似法蘭基迪莊哩一類型同時能應付4+8號位職能既球員其實都相當合適，不過藍軍喺哩一刻未必會花費太多資源喺收購哩個位置上，個人感覺即使球隊喺中場上有新收購都好，最多只會係喺創造力同硬度上二擇其一，功能上偏向單一既機會較大。
車路士既轉會消息每日都風雲變色，尤其係依加連兩個新中堅都未有消息，就更可況係要新中場，而言一切都有待官宣最為準確，亦呼籲一眾車迷們切勿跟「車」太貼，免得最後失望既就只會係自己，笑~
文章發表時間 : 1/7/2022 10:30
文章最後更新時間 : 1/7/2022 10:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/