《離城投車 能為藍軍尋回失去的入球數字嗎？︱曾經的「金童」- 史達寧》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
車路士官方正式宣佈史達寧加盟既消息，由傳聞到官宣前前後後都用左接近一個多月既時間，亦係新班主波利（Todd Boehly）上任後首宗球員收購，史達寧既加盟或許唔會令車路士球迷有過於興奮既感覺，始終球員經已喺英超打滾多年經歷多次過招，「印象流」會覺得佢浪費唔少入球機會，什至拎添姆雲拿黎作直接比較，卻遺忘史達寧多年黎喺英超既入球數字同效能依然名列前茅，貴為當年的「金童」奬得主，今次將會為大家探討哩位英格蘭翼鋒既過去與現在，以及杜曹收購佢既需要。
擁有牙買加血統既史達寧出身自家鄉一個名為馬弗利（Maverley）既社區，根據當地記者所講哩度亦係國內最貧窮既地區之一，充斥住槍械、犯罪以及缺乏生活基本需要設施既邊緣化貧民窟社區，而好不幸地父親都係喺當地被槍殺，佢亦跟隨母親一家移居倫敦，但喺英國既生活被無因而變得輕鬆，窮困既家境令史達寧一家需要經常搬屋尋求棲所，相比於大部份現今職業球員黎講佢既成長路途的確係相當艱難。直到十歲時先開始有正式接觸足球既機會，亦都好快被QPR招攬為青年軍成員之一，被加以栽培。
經過幾年既時間之後，史達寧展現出既天賦同能力經已令佢進入左唔少豪門既法眼，當時包括阿仙奴同車路士等同巿球會都想將佢收歸旗下，但佢選擇聽從母親既建議拒絕轉投哩兩支倫敦勁旅，以逃避同巿敵對既幫派文化，最終以500,000 英鎊既轉會費加盟利物浦，亦以17 歲零 107 日哩項紀錄成為紅軍史上第三位年輕球員為一隊上陣，而史達寧亦開始一步步確立自己喺陣中既正選地位，當中最為經典定必係連同蘇亞雷斯、前車路士球員史杜列治合組「3S」組合，攻力什至可以媲美於沙拿、文尼同法明奴。
可惜哩位當日被譽為球隊既希望之星並唔能夠成為利迷心目中既寵兒，反而更背負住「二五寧」哩個稱號離開晏菲路，轉投到剛剛崛起材大氣粗既曼城，而喺哥迪奧拿手下更可以話將史達寧由半製成品琢磨成為一件前場利器，過去哩位英格蘭翼鋒都主要係利用速度壓制對手，經調教後依加球員無論有球還是無球在腳，技術突破同接應入攝都變得相當出色，加上同時具備大局觀同高度執行力，令佢成為哥迪奧拿偏好於大戰選用既球員，交出既數據亦係馬列斯、利萊辛尼等人之上。
當然，史達寧多年黎最為人詬病既地方就總係喺重要場合錯失一啲黃金機會，傳媒亦會因而大造文章，不過佢喺無論喺本土賽場抑或國際賽事所獲得既數據同表現係有目共睹，多季英超入球同助攻數字雙雙亦係最有力既証明，以佢依加既能力基本上已經完勝車路士任何一位翼鋒球員，杜曹收購哩位英格蘭球員既原因亦顯而易見，就係希望為攻力疲弱既邊路注入新爆點，藍軍現有既翼鋒基本上無人能夠進行單對單突破，即使最為接近既佩利錫係傷癒後表現亦大不如前，更何況史達寧能夠由推進到射門都可以一氣呵成獨力完成，加上左右兩邊都啱打，喺現今巿場實在難以搵到一個比佢更適合而且經已適應英超環境既球員加盟。
相關文章: 《後盧卡古時代 探討車路士攻擊線的未來方向 會是進步？還是原地踏步？》
同樣以控球為主，相信史達寧無需太多時間就能融入於車路士既體系之中，反而令人擔憂既係涉及創造力方面，始終藍軍一直缺乏能夠成功製造機會既球員，即使史達寧具備多方面優勝既條件，以一人之力去改善依加車路士乏力既攻擊線未必可以有即時效果，而根據唔少跟進開球隊既記者都有報導，杜曹喺今個轉會窗係有意收購兩名翼鋒，意味住除左史達寧之外係有機會羅致多一名攻擊球員加盟，不過依加要著手處理左後防既補充先，因為人手緊絀更為著急。
無論點都好有新球員加盟亦都係值得高興既事，至少球隊可以嘗試作改變，而史達寧過去既數據亦表現出值得投下佢信心一票，相信杜曹既眼光，可以帶領球隊於新一季重新上路。
文章發表時間 : 14/7/2022 12:05
文章最後更新時間 : 14/7/2022 12:05
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
車路士官方正式宣佈史達寧加盟既消息，由傳聞到官宣前前後後都用左接近一個多月既時間，亦係新班主波利（Todd Boehly）上任後首宗球員收購，史達寧既加盟或許唔會令車路士球迷有過於興奮既感覺，始終球員經已喺英超打滾多年經歷多次過招，「印象流」會覺得佢浪費唔少入球機會，什至拎添姆雲拿黎作直接比較，卻遺忘史達寧多年黎喺英超既入球數字同效能依然名列前茅，貴為當年的「金童」奬得主，今次將會為大家探討哩位英格蘭翼鋒既過去與現在，以及杜曹收購佢既需要。
擁有牙買加血統既史達寧出身自家鄉一個名為馬弗利（Maverley）既社區，根據當地記者所講哩度亦係國內最貧窮既地區之一，充斥住槍械、犯罪以及缺乏生活基本需要設施既邊緣化貧民窟社區，而好不幸地父親都係喺當地被槍殺，佢亦跟隨母親一家移居倫敦，但喺英國既生活被無因而變得輕鬆，窮困既家境令史達寧一家需要經常搬屋尋求棲所，相比於大部份現今職業球員黎講佢既成長路途的確係相當艱難。直到十歲時先開始有正式接觸足球既機會，亦都好快被QPR招攬為青年軍成員之一，被加以栽培。
經過幾年既時間之後，史達寧展現出既天賦同能力經已令佢進入左唔少豪門既法眼，當時包括阿仙奴同車路士等同巿球會都想將佢收歸旗下，但佢選擇聽從母親既建議拒絕轉投哩兩支倫敦勁旅，以逃避同巿敵對既幫派文化，最終以500,000 英鎊既轉會費加盟利物浦，亦以17 歲零 107 日哩項紀錄成為紅軍史上第三位年輕球員為一隊上陣，而史達寧亦開始一步步確立自己喺陣中既正選地位，當中最為經典定必係連同蘇亞雷斯、前車路士球員史杜列治合組「3S」組合，攻力什至可以媲美於沙拿、文尼同法明奴。
可惜哩位當日被譽為球隊既希望之星並唔能夠成為利迷心目中既寵兒，反而更背負住「二五寧」哩個稱號離開晏菲路，轉投到剛剛崛起材大氣粗既曼城，而喺哥迪奧拿手下更可以話將史達寧由半製成品琢磨成為一件前場利器，過去哩位英格蘭翼鋒都主要係利用速度壓制對手，經調教後依加球員無論有球還是無球在腳，技術突破同接應入攝都變得相當出色，加上同時具備大局觀同高度執行力，令佢成為哥迪奧拿偏好於大戰選用既球員，交出既數據亦係馬列斯、利萊辛尼等人之上。
當然，史達寧多年黎最為人詬病既地方就總係喺重要場合錯失一啲黃金機會，傳媒亦會因而大造文章，不過佢喺無論喺本土賽場抑或國際賽事所獲得既數據同表現係有目共睹，多季英超入球同助攻數字雙雙亦係最有力既証明，以佢依加既能力基本上已經完勝車路士任何一位翼鋒球員，杜曹收購哩位英格蘭球員既原因亦顯而易見，就係希望為攻力疲弱既邊路注入新爆點，藍軍現有既翼鋒基本上無人能夠進行單對單突破，即使最為接近既佩利錫係傷癒後表現亦大不如前，更何況史達寧能夠由推進到射門都可以一氣呵成獨力完成，加上左右兩邊都啱打，喺現今巿場實在難以搵到一個比佢更適合而且經已適應英超環境既球員加盟。
相關文章: 《後盧卡古時代 探討車路士攻擊線的未來方向 會是進步？還是原地踏步？》
同樣以控球為主，相信史達寧無需太多時間就能融入於車路士既體系之中，反而令人擔憂既係涉及創造力方面，始終藍軍一直缺乏能夠成功製造機會既球員，即使史達寧具備多方面優勝既條件，以一人之力去改善依加車路士乏力既攻擊線未必可以有即時效果，而根據唔少跟進開球隊既記者都有報導，杜曹喺今個轉會窗係有意收購兩名翼鋒，意味住除左史達寧之外係有機會羅致多一名攻擊球員加盟，不過依加要著手處理左後防既補充先，因為人手緊絀更為著急。
無論點都好有新球員加盟亦都係值得高興既事，至少球隊可以嘗試作改變，而史達寧過去既數據亦表現出值得投下佢信心一票，相信杜曹既眼光，可以帶領球隊於新一季重新上路。
文章發表時間 : 14/7/2022 12:05
文章最後更新時間 : 14/7/2022 12:05
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/