《遲來的加盟 曾被列強豪門所追捧︱接替魯迪加的左路任務 - 高尼巴利》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
高尼巴利哩個名可以話每逢轉會窗都會喺新聞球壇出現一次，由六七年前都經已開始被列強球隊所追捧，受制於拿玻里堅決不賣既作風，所以一直都只聞樓梯響，直到今年球員合約黎到最後一年而拿玻里亦終於都決定放行，高尼巴利正式由意甲轉戰英超賽場，以黃金之齡登陸史丹福橋加盟車路士，今次將會同大家介紹一下哩位非洲中堅既過去以及為藍軍帶黎既利弊。
父母同為塞內加爾人，為左追求更好既生活條件喺高尼巴利未出身之前經已移居法國，自少佢同細佬都喺一個名為Saint-Dié-des-Vosges既小鎮長大，而高尼巴利早已有著成為職業足球員既夢想，八歲時加入地方球會SR Saint-Dié，每當完成日復日既功課後就會去踢波直到夜深，而好快佢亦更進一步加盟法乙球會梅斯成為青年軍一員，並獲得球會正式開出第一份職業合約，亦喺十九歲果年為梅斯一隊上陣，為陣中既未來之星。
高尼巴利既表現好快得到其他球會既注視，而貴為比利時頂尖球會亨克正是其中之一，球會亦嘗試轉換環境接受新挑戰，轉戰比甲後哩位塞內加爾中堅獲得持續既正選上陣機會，更初嚐職業生涯首次捧盃滋味，及後曾代表球會於歐霸盃外圍賽出戰，穩定而出色既表現好快令到高尼巴利更上一層樓；拿玻里將當時只有廿三歲既佢帶到那不勒斯，喺坐擁希古恩、咸錫、恩斯治尼等星級球員之下高尼巴利都門顯顯得藉藉無名，當時基本上無乜球迷懂得哩名小伙子，而意想不到既係佢喺時任主帥賓尼迪斯既帶領底下會擔任陣中主力中堅，表現更受到各界所認同。
而喺翌季沙利上任後更可以話將高尼巴利既職業生涯推至頂峰，前者強調主控以及傳送既戰術體系非常適合哩位塞內加爾中堅發揮，縱使只係擔任中堅亦需要具備視野同傳送能力，而高尼巴利除左長傳了得之外亦擅於引球推進，身形高大加上直線爆發力充足令佢好似「坦克」一樣無人能擋，變相為隊友爆破出更多進攻機會；而防守方面，高尼巴利敢於落腳加上攔截力高令對手難以只利用速度過人，佢可以話係一名攻守兩端都出色既球員，即使之後喺安察洛堤執教下佢都依然係陣中既核心球員，更獲得哩名世界首屈一指既教頭評為所執教過球隊既最佳中堅之一，可見得喺現代化足球底下高尼巴利個人既認受性係相當高，亦成為備受列強豪門所追捧既原因。
要不是合約黎到最後一年加上球員希望尋求新挑戰，同時拿玻里堅拒出售至同國競爭對手，車路士都未必能夠將佢收歸旗下，著眼於球員技術人特點，佢的確有唔少同魯迪加相似既地方，無論用球能力、引球推進再加上同為主力擔任左中堅，但有兩點值得留意既係，高尼巴利既集中力同臨場判斷偶有「短路」，進與退既時機未必會拿捏得好準確，喺意甲賽場節奏較為慢時都可以用個人速度去補救修正，但黎到英超哩招仲奏唔奏效就要再觀察，而另一方面就係陣式既運用，球隊會轉為雙中堅還是依然維持三中堅好取決於杜曹既取向，不過高尼巴利過往都有好長時間都係擔任二人中堅偏左既角色，如果藍軍依舊打三中堅的話佢能唔能夠適應而分工係點亦會係另一個問題。
不過就個人而言對於哩單交易依然係保持正面評價，始終巿場上可選擇而且價錢合適既左中堅選擇並唔多，再加上球員經已同佐真奴以及文迪合作過唔短時間，如果要付出更多資金去贖回艾基的話，倒不如比機會即使年紀大但能力更為全面既高尼巴利。
首名中堅經已完成收購，係時候著眼第二名中堅目標...
相關文章: 《離城投車 能為藍軍尋回失去的入球數字嗎？︱曾經的「金童」- 史達寧》
文章發表時間 : 19/7/2022 12:25
文章最後更新時間 : 19/7/2022 12:25
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
高尼巴利哩個名可以話每逢轉會窗都會喺新聞球壇出現一次，由六七年前都經已開始被列強球隊所追捧，受制於拿玻里堅決不賣既作風，所以一直都只聞樓梯響，直到今年球員合約黎到最後一年而拿玻里亦終於都決定放行，高尼巴利正式由意甲轉戰英超賽場，以黃金之齡登陸史丹福橋加盟車路士，今次將會同大家介紹一下哩位非洲中堅既過去以及為藍軍帶黎既利弊。
父母同為塞內加爾人，為左追求更好既生活條件喺高尼巴利未出身之前經已移居法國，自少佢同細佬都喺一個名為Saint-Dié-des-Vosges既小鎮長大，而高尼巴利早已有著成為職業足球員既夢想，八歲時加入地方球會SR Saint-Dié，每當完成日復日既功課後就會去踢波直到夜深，而好快佢亦更進一步加盟法乙球會梅斯成為青年軍一員，並獲得球會正式開出第一份職業合約，亦喺十九歲果年為梅斯一隊上陣，為陣中既未來之星。
高尼巴利既表現好快得到其他球會既注視，而貴為比利時頂尖球會亨克正是其中之一，球會亦嘗試轉換環境接受新挑戰，轉戰比甲後哩位塞內加爾中堅獲得持續既正選上陣機會，更初嚐職業生涯首次捧盃滋味，及後曾代表球會於歐霸盃外圍賽出戰，穩定而出色既表現好快令到高尼巴利更上一層樓；拿玻里將當時只有廿三歲既佢帶到那不勒斯，喺坐擁希古恩、咸錫、恩斯治尼等星級球員之下高尼巴利都門顯顯得藉藉無名，當時基本上無乜球迷懂得哩名小伙子，而意想不到既係佢喺時任主帥賓尼迪斯既帶領底下會擔任陣中主力中堅，表現更受到各界所認同。
而喺翌季沙利上任後更可以話將高尼巴利既職業生涯推至頂峰，前者強調主控以及傳送既戰術體系非常適合哩位塞內加爾中堅發揮，縱使只係擔任中堅亦需要具備視野同傳送能力，而高尼巴利除左長傳了得之外亦擅於引球推進，身形高大加上直線爆發力充足令佢好似「坦克」一樣無人能擋，變相為隊友爆破出更多進攻機會；而防守方面，高尼巴利敢於落腳加上攔截力高令對手難以只利用速度過人，佢可以話係一名攻守兩端都出色既球員，即使之後喺安察洛堤執教下佢都依然係陣中既核心球員，更獲得哩名世界首屈一指既教頭評為所執教過球隊既最佳中堅之一，可見得喺現代化足球底下高尼巴利個人既認受性係相當高，亦成為備受列強豪門所追捧既原因。
要不是合約黎到最後一年加上球員希望尋求新挑戰，同時拿玻里堅拒出售至同國競爭對手，車路士都未必能夠將佢收歸旗下，著眼於球員技術人特點，佢的確有唔少同魯迪加相似既地方，無論用球能力、引球推進再加上同為主力擔任左中堅，但有兩點值得留意既係，高尼巴利既集中力同臨場判斷偶有「短路」，進與退既時機未必會拿捏得好準確，喺意甲賽場節奏較為慢時都可以用個人速度去補救修正，但黎到英超哩招仲奏唔奏效就要再觀察，而另一方面就係陣式既運用，球隊會轉為雙中堅還是依然維持三中堅好取決於杜曹既取向，不過高尼巴利過往都有好長時間都係擔任二人中堅偏左既角色，如果藍軍依舊打三中堅的話佢能唔能夠適應而分工係點亦會係另一個問題。
不過就個人而言對於哩單交易依然係保持正面評價，始終巿場上可選擇而且價錢合適既左中堅選擇並唔多，再加上球員經已同佐真奴以及文迪合作過唔短時間，如果要付出更多資金去贖回艾基的話，倒不如比機會即使年紀大但能力更為全面既高尼巴利。
首名中堅經已完成收購，係時候著眼第二名中堅目標...
相關文章: 《離城投車 能為藍軍尋回失去的入球數字嗎？︱曾經的「金童」- 史達寧》
文章發表時間 : 19/7/2022 12:25
文章最後更新時間 : 19/7/2022 12:25
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/