《熱身賽已經結束 開季前入大直路︱淺談車路士餘下的問題與處境》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
開季前入大直路，球會安排左兩場對烏甸尼斯既賽事比到正選同後備球員各自操好狀態，見到各人心態上都明顯有認真看待賽事，總算自上仗大敗比阿仙奴過後有重新上路。
由陣容所見，個人預測除非黎緊將會加盟既新中堅有能力拍到高列巴尼打雙中堅，否則球隊依然會以三中堅陣式為先，始終球隊喺現時人腳即使有史達寧同高列巴尼加盟亦尚未有本錢可以轉番打雙中堅陣，而球隊喺343既運作上經已熟練運作，相信首選機會較大。
不過有幾點都留意既係，以往球隊所缺乏既元素同問題其實都尚未解決，史達寧既加盟的確可以改善到側擊能力，但以佢一人之力實在難以完全解決藍軍攻力疲弱既問題，前線至少要買多一個，無論係中鋒還是邊路球員，睇番杜曹都多以夏維斯出任右翼位置，不過前面三個經常換位其實打咩位置都得，最重要係配合到夾到唔係撞位，而雲拿似係會離隊果個，加上薛耶治處境未明，只係得波查一個作為補充係唔足夠（佢係咪留隊仍是未知之數）。
至於後場方面，施華、隊長、高列巴尼哩條平均年齡高達三字頭既防線點都唔會係長期正選，查路巴就點都要有個大佬喺身邊泊佢打三中堅先，即使假設杜曹最終都成功留低隊長的話，都一定要買新中堅；至於兩邊翼衛方面，右翼衛如果隊長真係要走，哩個位就要補人，左邊的話個人取向係留阿朗素打多季，艾馬臣真係唔得，抗壓能力太弱基本上一比人迫同夾就甩，個波喺佢腳上根本向唔到前，阿朗素就算速度慢佢都最起碼向到前交，對阿仙奴場波都已經睇到晒。
但如果沿用343的話，中場方面加拉加既定位就好尷尬，本身佐高簡三個當無傷無病都已經要輪住打兩個位，加拉加可以喺佢地身上偷到幾多時間出黎？而同樣地佐真奴控制節奏同方向上始終無可取替，大師兄龍虎切拍埋差咁幾班，咁喺佐真奴缺陣下球隊又可以點運作？仲未講簡迪，中場黎講硬度最夠係佢，而喺343既運作上佢都負責埋前線支援既職能，哩樣野從來都唔係佢既強項，有佢在陣攻力上唔會有太大提升，但無佢的話就會令球隊防守力變得薄弱，實在太雙面刃，球隊係咪有必要引入一個同時具備掌控節奏能力加上身體硬度既中場球員？暫時睇唔到加拉加會係哩個理想人選。
前中後都各自有問題需要處理，距離開季仲有一星期時間，希望球隊至少可以先解決左其中一項，至於賽季目標？有待轉會窗正式完結至可以下定論，一切還言之尚早。
文章發表時間 : 31/7/2022 12:20
文章最後更新時間 : 2/8/2022 21:20
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
開季前入大直路，球會安排左兩場對烏甸尼斯既賽事比到正選同後備球員各自操好狀態，見到各人心態上都明顯有認真看待賽事，總算自上仗大敗比阿仙奴過後有重新上路。
由陣容所見，個人預測除非黎緊將會加盟既新中堅有能力拍到高列巴尼打雙中堅，否則球隊依然會以三中堅陣式為先，始終球隊喺現時人腳即使有史達寧同高列巴尼加盟亦尚未有本錢可以轉番打雙中堅陣，而球隊喺343既運作上經已熟練運作，相信首選機會較大。
不過有幾點都留意既係，以往球隊所缺乏既元素同問題其實都尚未解決，史達寧既加盟的確可以改善到側擊能力，但以佢一人之力實在難以完全解決藍軍攻力疲弱既問題，前線至少要買多一個，無論係中鋒還是邊路球員，睇番杜曹都多以夏維斯出任右翼位置，不過前面三個經常換位其實打咩位置都得，最重要係配合到夾到唔係撞位，而雲拿似係會離隊果個，加上薛耶治處境未明，只係得波查一個作為補充係唔足夠（佢係咪留隊仍是未知之數）。
至於後場方面，施華、隊長、高列巴尼哩條平均年齡高達三字頭既防線點都唔會係長期正選，查路巴就點都要有個大佬喺身邊泊佢打三中堅先，即使假設杜曹最終都成功留低隊長的話，都一定要買新中堅；至於兩邊翼衛方面，右翼衛如果隊長真係要走，哩個位就要補人，左邊的話個人取向係留阿朗素打多季，艾馬臣真係唔得，抗壓能力太弱基本上一比人迫同夾就甩，個波喺佢腳上根本向唔到前，阿朗素就算速度慢佢都最起碼向到前交，對阿仙奴場波都已經睇到晒。
但如果沿用343的話，中場方面加拉加既定位就好尷尬，本身佐高簡三個當無傷無病都已經要輪住打兩個位，加拉加可以喺佢地身上偷到幾多時間出黎？而同樣地佐真奴控制節奏同方向上始終無可取替，大師兄龍虎切拍埋差咁幾班，咁喺佐真奴缺陣下球隊又可以點運作？仲未講簡迪，中場黎講硬度最夠係佢，而喺343既運作上佢都負責埋前線支援既職能，哩樣野從來都唔係佢既強項，有佢在陣攻力上唔會有太大提升，但無佢的話就會令球隊防守力變得薄弱，實在太雙面刃，球隊係咪有必要引入一個同時具備掌控節奏能力加上身體硬度既中場球員？暫時睇唔到加拉加會係哩個理想人選。
前中後都各自有問題需要處理，距離開季仲有一星期時間，希望球隊至少可以先解決左其中一項，至於賽季目標？有待轉會窗正式完結至可以下定論，一切還言之尚早。
文章發表時間 : 31/7/2022 12:20
文章最後更新時間 : 2/8/2022 21:20
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/