《「握手不言和」 充滿火藥味的藍白打吡︱車路士對熱刺英超賽後感》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
要好理性討論哩場波其實好難，盡力吧！每逢車熱大戰打吡都會見到唔少埋身肉博、爭議性畫面，黎到新球季第二場比賽，可以話集合各大具話題性既元素於哩場打吡之中，無論由場上球員去到場邊領隊對碰都相當具火藥味，「握手不言和」，為下次碰面再留伏線。
杜曹沿用三中堅陣式，上次踢到「老抽」既施華同高列巴尼正選上陣，將列斯占士拉後一格擔任右中堅，而其右翼衛就由路夫斯捷克頂上，左翼衛亦有古古尼亞替換狀態未十足既捷維爾，中場方面有高華錫受傷，繼續選用佐真奴拍簡迪組合，前面三攻堅亦維持史達寧伙拍夏維爾、蒙特；杜曹賽前部署明顯針對孫興慜而安排占士打後一格，同時提防熱刺前場三人具威脅既反擊，希望占士、路夫斯捷克及古古尼亞三人能夠為防線提供到活力。
上場經已注意到藍軍既前中後三線連貫性並不一致，將前後戰區分割令防線曝露出過多空間，同時喺體力流放方面既控制不足，而今場波車路士明顯有所部署改善以上不足，夏維斯同史達寧會先發動壓迫，隨後蒙特、簡迪等人連同其他中後場球員亦會跟上將空間收窄，而佐真奴及施華多次會提場隊友企位，限制熱刺後場球員既短傳選擇，盡可能將客隊停留在自己半場猜傳，哩方面藍軍的確做得唔錯。
不過熱刺偶爾製造既反擊機會都相當具威脅，先有簡尼射斜，再有占士技術犯規截停正全速進行反擊既孫興慜，攻勢都愈見入肉，下半場簡尼亦多番回後策應，都加強左熱刺既反撲力度；而睇番黃牌數字，車路士有三名球員被黃牌警告，相反同樣有著唔少埋身動作攔截既熱刺反而無任何球員領取黃牌，包括踢中夏維斯無作出任何處罰繼而轉化成入球果下，當刻旁証近距離目擊其境亦未有作出任何跟進，實在令人難以理解。
作為球証既安東尼泰萊實在責無旁貸，即使你話執法尺度寬鬆好多埋身肉博動作都無吹，但理應兩隊要用一致尺度去執法，今場波幾下熱刺球員有明顯犯規而未有作出判罰實在對車路士不公，杜曹既氣憤係可以理解，而干地亦喺慶祝時有所過火，兩者明明之前都無乜牙齒印，難度干地想為盧卡古一事為向杜曹尋仇？（講笑）再講到場內球員，夏維斯少有地見到火氣實在難得，相反其他球員都較為息事寧人，就連古古尼亞比人扯埋頭髮都唔還拖，比著係以前迪亞高哥斯達經已大造文章，其實熱刺班波都有啲見著你藍軍球員無乜邊個搞事所以食住上，希望作為第三隊長既蒙特都可以有哩道火喺前場捍衛隊友，尤其對住熱刺更加無需仁慈。
而簡迪既受傷實在令人憂慮，杜曹喺賽後亦有講對傷勢唔樂觀，不過入替既干拉加拉加亦穩步上揚，希望佢可以把握得到高華錫同簡迪受傷哩個機會表現自己，尾段杜曹亦換入波查接替夏維斯，難得地見到多位藍軍自家青訓終於能夠一同上陣，算係喺一場失利既賽事之中得到一點欣慰。
總結成場波黎睇，判決不公的確影響到賽事既觀賞性同結果，但如果撇除安東尼泰萊哩部份，藍軍前線把握力好啲，後場尾段再集中啲的話都已經一早了結比賽，亦唔會發生咁多爭議，不過以整體表現黎睇車路士都總算係喺主場球迷面前打左一場好波，戰果實屬不幸，最重要係保持戰意繼續維持落去。
文章發表時間 : 15/8/2022 13:25
文章最後更新時間 : 15/8/2022 13:25
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
要好理性討論哩場波其實好難，盡力吧！每逢車熱大戰打吡都會見到唔少埋身肉博、爭議性畫面，黎到新球季第二場比賽，可以話集合各大具話題性既元素於哩場打吡之中，無論由場上球員去到場邊領隊對碰都相當具火藥味，「握手不言和」，為下次碰面再留伏線。
杜曹沿用三中堅陣式，上次踢到「老抽」既施華同高列巴尼正選上陣，將列斯占士拉後一格擔任右中堅，而其右翼衛就由路夫斯捷克頂上，左翼衛亦有古古尼亞替換狀態未十足既捷維爾，中場方面有高華錫受傷，繼續選用佐真奴拍簡迪組合，前面三攻堅亦維持史達寧伙拍夏維爾、蒙特；杜曹賽前部署明顯針對孫興慜而安排占士打後一格，同時提防熱刺前場三人具威脅既反擊，希望占士、路夫斯捷克及古古尼亞三人能夠為防線提供到活力。
上場經已注意到藍軍既前中後三線連貫性並不一致，將前後戰區分割令防線曝露出過多空間，同時喺體力流放方面既控制不足，而今場波車路士明顯有所部署改善以上不足，夏維斯同史達寧會先發動壓迫，隨後蒙特、簡迪等人連同其他中後場球員亦會跟上將空間收窄，而佐真奴及施華多次會提場隊友企位，限制熱刺後場球員既短傳選擇，盡可能將客隊停留在自己半場猜傳，哩方面藍軍的確做得唔錯。
不過熱刺偶爾製造既反擊機會都相當具威脅，先有簡尼射斜，再有占士技術犯規截停正全速進行反擊既孫興慜，攻勢都愈見入肉，下半場簡尼亦多番回後策應，都加強左熱刺既反撲力度；而睇番黃牌數字，車路士有三名球員被黃牌警告，相反同樣有著唔少埋身動作攔截既熱刺反而無任何球員領取黃牌，包括踢中夏維斯無作出任何處罰繼而轉化成入球果下，當刻旁証近距離目擊其境亦未有作出任何跟進，實在令人難以理解。
作為球証既安東尼泰萊實在責無旁貸，即使你話執法尺度寬鬆好多埋身肉博動作都無吹，但理應兩隊要用一致尺度去執法，今場波幾下熱刺球員有明顯犯規而未有作出判罰實在對車路士不公，杜曹既氣憤係可以理解，而干地亦喺慶祝時有所過火，兩者明明之前都無乜牙齒印，難度干地想為盧卡古一事為向杜曹尋仇？（講笑）再講到場內球員，夏維斯少有地見到火氣實在難得，相反其他球員都較為息事寧人，就連古古尼亞比人扯埋頭髮都唔還拖，比著係以前迪亞高哥斯達經已大造文章，其實熱刺班波都有啲見著你藍軍球員無乜邊個搞事所以食住上，希望作為第三隊長既蒙特都可以有哩道火喺前場捍衛隊友，尤其對住熱刺更加無需仁慈。
而簡迪既受傷實在令人憂慮，杜曹喺賽後亦有講對傷勢唔樂觀，不過入替既干拉加拉加亦穩步上揚，希望佢可以把握得到高華錫同簡迪受傷哩個機會表現自己，尾段杜曹亦換入波查接替夏維斯，難得地見到多位藍軍自家青訓終於能夠一同上陣，算係喺一場失利既賽事之中得到一點欣慰。
總結成場波黎睇，判決不公的確影響到賽事既觀賞性同結果，但如果撇除安東尼泰萊哩部份，藍軍前線把握力好啲，後場尾段再集中啲的話都已經一早了結比賽，亦唔會發生咁多爭議，不過以整體表現黎睇車路士都總算係喺主場球迷面前打左一場好波，戰果實屬不幸，最重要係保持戰意繼續維持落去。
文章發表時間 : 15/8/2022 13:25
文章最後更新時間 : 15/8/2022 13:25
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/