《技不如人 兵敗如山倒︱列斯聯對車路士英超賽後感》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
如果對比上場和熱刺，今場輸波反而無咁一肚氣，主因今場波算係比列斯聯技術性層面擊倒，球証判決亦相對正路無乜太多爭議空間，喺一場波引爆晒車路士所有面對既問題，哩三分算係抵交。
因為問題範疇太多，所以會以point form列舉出黎，盡可能將相關問題放喺同一點避免重複，大家可以再作補充。
1. 應該無乜邊隊可以承受到主力同位球員傷兩個而戰術不受影響，強如利物浦同曼城兩隊都曾經遇上傷兵潮而失分，當然哩個唔係輸波既借口，不過簡迪受傷全季唔會踢足其實都係意料中事，高華錫都開始多傷下仲要靠佐真奴一個頂幾耐？喺加拉加仲要時間融合之下中場係咪需要諗諗佢？之前都有講係有需要補一番個補充到中場硬度既球員，今場波一無左簡迪問題隨即表露無遺，哩個問題係要面對無得逃避。
2. 承接住講起「硬度」哩樣野，想講車路士既中前場其實大多數球員都偏重於技術流，季前熱身賽對阿仙奴果場敗仗一樣五五波輸晒，果時都仲可以話未操fit，但今場波一拍埋去列斯聯度就知咩事，人地波到人到唔會比時間你轉身同控定，爭頂爭搶完全唔夠人撞，感覺藍軍既中前場全部都係「文弱書生」，過於玩弄技巧反而忽略左應有既身體對抗，淨係靠拍埋黎就即刻訓地哩一招唔用得幾耐，用得三幾次你都總有一次係要靠身體質素做對決。
3. 有時有啲野真係要自己調整，例如知道簡迪不在場就更加要一人走多步，知道列斯聯壓迫勁就唔好猜傳得咁忟水，有啲位應清則清，強如曼城依加都玩好多高波唔再沉迷地面組織，哩啲臨場調整既細節真係好講球員果刻既應變同技術，但有時有啲野，始終都逃避唔到身體對抗，你唔壓人就比人壓番你，等於你對熱刺仁慈就比人恰番你轉頭。.
4. 上場對熱刺場波先講完球隊前中後場有改善連接性，一去到今場波又打回完形，簡迪既受傷固然大影響，加拉加係做到前場攔截同壓迫，但回後既覆蓋同防守效能始終不及簡迪，夏維斯、蒙特既抗壓不足，前場屏障做得唔好都會令防線好大壓力，連隨影響球隊攻守轉換繼而個別球員出現失誤，哩啲問題全部都環環相扣的。
.
5. 文迪太有自信？其實一切都係歸咎於猶豫，同高尼巴尼一樣，兩者好多時喺決定上只要一諗一慢就做錯決定唔夠決斷，文迪自非洲盃返黎之後表現係有落差無之前咁穩，但上季去到啲盃賽決賽都改由佢把關，基柏真係無競爭力？咁樣反而令文迪太安逸無乜危機感，至於高列巴尼就真係要交下學費，忟衫過三秒唔縮手幾乎食硬牌，何況兩次都忟到走晒樣，輸咁多都選擇自己申請食紅實在不智。
6. 成隊波除左施華之外無乜邊個打得好，蒙特係特別要拎出黎講，操大隻左既佢動作已經無早兩季咁靈活，少左pass and move今場波成場企定定等波到，角球出啲波又高又飄其實真係好難接，打打下直頭隱埋形，至弊你想換走佢時望下個後備席既選擇，你就感受到杜曹既無奈。（利申 係無乜邊個打得好 唔係淨係揪秤蒙特）
.
7. 用得到既人又傷，換入黎既人其實都無乜邊個啱用，薛耶治果啲其實要清（傳賽後飛返阿積士傾回巢），前場數埋其實點都要補多個什至兩個，如果唔係單靠夏維斯、蒙特、史達寧同佩利錫（最後留隊的話）四個，實在難「捱」晒全季咁多戰線。
.
總結成場波都係輸自己，上半場未失波之前都仲有力抗衡下，跟住對手開始搵到藍軍右邊個缺口就針對性做爆破，繼而文迪果下輸壞左個頭繼再輸死球令全隊士氣直插低谷，亦引發出連串問題一次過引爆，崩盤式敗仗上季都曾經發生過，買人會係解決部份問題既速食方法，但餘下轉會窗既時間又可以做到幾多？同時球員既心理質素亦係杜曹需要注視既一環，車迷心臟也不好受呀。
文章發表時間 : 23/8/2022 13:30
文章最後更新時間 : 23/8/2022 13:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
如果對比上場和熱刺，今場輸波反而無咁一肚氣，主因今場波算係比列斯聯技術性層面擊倒，球証判決亦相對正路無乜太多爭議空間，喺一場波引爆晒車路士所有面對既問題，哩三分算係抵交。
因為問題範疇太多，所以會以point form列舉出黎，盡可能將相關問題放喺同一點避免重複，大家可以再作補充。
1. 應該無乜邊隊可以承受到主力同位球員傷兩個而戰術不受影響，強如利物浦同曼城兩隊都曾經遇上傷兵潮而失分，當然哩個唔係輸波既借口，不過簡迪受傷全季唔會踢足其實都係意料中事，高華錫都開始多傷下仲要靠佐真奴一個頂幾耐？喺加拉加仲要時間融合之下中場係咪需要諗諗佢？之前都有講係有需要補一番個補充到中場硬度既球員，今場波一無左簡迪問題隨即表露無遺，哩個問題係要面對無得逃避。
2. 承接住講起「硬度」哩樣野，想講車路士既中前場其實大多數球員都偏重於技術流，季前熱身賽對阿仙奴果場敗仗一樣五五波輸晒，果時都仲可以話未操fit，但今場波一拍埋去列斯聯度就知咩事，人地波到人到唔會比時間你轉身同控定，爭頂爭搶完全唔夠人撞，感覺藍軍既中前場全部都係「文弱書生」，過於玩弄技巧反而忽略左應有既身體對抗，淨係靠拍埋黎就即刻訓地哩一招唔用得幾耐，用得三幾次你都總有一次係要靠身體質素做對決。
3. 有時有啲野真係要自己調整，例如知道簡迪不在場就更加要一人走多步，知道列斯聯壓迫勁就唔好猜傳得咁忟水，有啲位應清則清，強如曼城依加都玩好多高波唔再沉迷地面組織，哩啲臨場調整既細節真係好講球員果刻既應變同技術，但有時有啲野，始終都逃避唔到身體對抗，你唔壓人就比人壓番你，等於你對熱刺仁慈就比人恰番你轉頭。.
4. 上場對熱刺場波先講完球隊前中後場有改善連接性，一去到今場波又打回完形，簡迪既受傷固然大影響，加拉加係做到前場攔截同壓迫，但回後既覆蓋同防守效能始終不及簡迪，夏維斯、蒙特既抗壓不足，前場屏障做得唔好都會令防線好大壓力，連隨影響球隊攻守轉換繼而個別球員出現失誤，哩啲問題全部都環環相扣的。
.
5. 文迪太有自信？其實一切都係歸咎於猶豫，同高尼巴尼一樣，兩者好多時喺決定上只要一諗一慢就做錯決定唔夠決斷，文迪自非洲盃返黎之後表現係有落差無之前咁穩，但上季去到啲盃賽決賽都改由佢把關，基柏真係無競爭力？咁樣反而令文迪太安逸無乜危機感，至於高列巴尼就真係要交下學費，忟衫過三秒唔縮手幾乎食硬牌，何況兩次都忟到走晒樣，輸咁多都選擇自己申請食紅實在不智。
6. 成隊波除左施華之外無乜邊個打得好，蒙特係特別要拎出黎講，操大隻左既佢動作已經無早兩季咁靈活，少左pass and move今場波成場企定定等波到，角球出啲波又高又飄其實真係好難接，打打下直頭隱埋形，至弊你想換走佢時望下個後備席既選擇，你就感受到杜曹既無奈。（利申 係無乜邊個打得好 唔係淨係揪秤蒙特）
.
7. 用得到既人又傷，換入黎既人其實都無乜邊個啱用，薛耶治果啲其實要清（傳賽後飛返阿積士傾回巢），前場數埋其實點都要補多個什至兩個，如果唔係單靠夏維斯、蒙特、史達寧同佩利錫（最後留隊的話）四個，實在難「捱」晒全季咁多戰線。
.
總結成場波都係輸自己，上半場未失波之前都仲有力抗衡下，跟住對手開始搵到藍軍右邊個缺口就針對性做爆破，繼而文迪果下輸壞左個頭繼再輸死球令全隊士氣直插低谷，亦引發出連串問題一次過引爆，崩盤式敗仗上季都曾經發生過，買人會係解決部份問題既速食方法，但餘下轉會窗既時間又可以做到幾多？同時球員既心理質素亦係杜曹需要注視既一環，車迷心臟也不好受呀。
文章發表時間 : 23/8/2022 13:30
文章最後更新時間 : 23/8/2022 13:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/