《另一位後場通天老倌 左路的艾斯比利古達︱迎接更大的任務 - 古古利拿》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
有著佩奧爾的外型，同樣是出身自巴塞既青訓體系，古古利拿既職業生涯又再更進一步加盟車路士，由巴塞預備組到伊巴、基達菲效力，再轉戰英超白禮頓到今次車路士，當中更獲得曼城哥迪奧拿既垂青，可以話一切都得來不易，能否在史丹福橋為自己寫下歷史，筆者對佢抱有較高既期望。
古古利拿最先加入愛斯賓奴既青訓學院，直到2012年被巴塞挖角轉投到佢地加泰隆尼亞既青訓系統，由U16一直打到上U19再到巴塞B隊，可惜一直都未有正式提拔到一隊之中，其後先後被外借到另外兩支西甲球隊伊巴同基達菲效力，亮眼既數據同表現令佢得到後者行使買斷條款既機會，亦正式同巴塞分道揚鑣，意想不到既係古古利拿好快得到其他既聯賽球會所注視，喺正式效力基達菲一年過後轉投白禮頓，隻身走到英超尋找新挑戰。
轉換環境後既古古利拿好快得到穩定既上陣機會，喺白禮頓純熟既三中堅運轉以及祟尚地面猜傳組織既體系中擔任一個類近左翼衛或左中場既角色，雖然助攻數字並唔亮麗不過維持以往一貫穩打穩紮既作風，亦加強左白禮頓左路既防守同硬度，到下半季更被領隊樸達（Graham Potter）開發擔任左中堅既潛質，令人聯想到干地執教車路士時期將艾斯比利古達放到右中堅一樣，而以古古利拿哩個年紀黎講能夠有同時擔任哩幾個位置既能力同經驗，可塑性可以話相當之大，相信亦係哥迪奧拿招攬佢既原因之一。
對於進攻球員黎講要擺脫古古利拿既防守其實並唔係一件易事，球員單防能力強，死纏爛打既踢法令到即使你哩一下避過到佢都會用速度喺背後死追你，從而令對手唔會咁輕易就起到腳或者完成整個攻勢，加上出身自巴塞青訓，箍住個波做推進都相當純熟，亦會觀察場上形勢去判斷路線推「生」個波，攻守兩端既職能都平均；不過古古利拿既腳下功夫並唔算得上好好，啲推進好多時係依靠速度同賣力較少以技術過人，而佢亦偏好於打陣地戰短傳為主，踢法相對上較為務實。
對於車路士黎講古古利拿既加盟其實係一個幾唔錯既補充，即使轉會費經已創下英超左閘新記錄，不過喺捷維爾重傷過後未回復十足狀態加上藍軍中堅短缺下，哩位西班牙人能夠勝任兩個位置既多變性絕對切合依加藍軍既需要，而且踢法上亦相當符合杜曹既要求，以猜傳及陣地戰為主再加上三中堅陣式，融合同適應完全唔會係問題，更加有力成為繼艾斯比利古達後另一位後場通天老倌。
繼高列巴尼後有古古利拿既加盟，餘下時間就要尋覓最後一位新中堅人選...
相關文章:
《離城投車 能為藍軍尋回失去的入球數字嗎？︱曾經的「金童」- 史達寧》
《遲來的加盟 曾被列強豪門所追捧︱接替魯迪加的左路任務 - 高尼巴利》
《無聲無色地加盟 此小子屬何方神聖？︱又一顆中場新星 - 卓古美卡》
文章發表時間 : 25/8/2022 13:35
文章最後更新時間 : 25/8/2022 13:35
《原創文章 歡迎轉載 請列明出處 謝謝》Bluexlion車迷手記 每週出文 用心寫每篇文章 給我們一個Like作支持 : [url=https://www.facebook.com/bluexlion/]https://www.facebook.com/bluexlion/[/url
-請支持Bluexlion車迷手記 Facebook專頁-
有著佩奧爾的外型，同樣是出身自巴塞既青訓體系，古古利拿既職業生涯又再更進一步加盟車路士，由巴塞預備組到伊巴、基達菲效力，再轉戰英超白禮頓到今次車路士，當中更獲得曼城哥迪奧拿既垂青，可以話一切都得來不易，能否在史丹福橋為自己寫下歷史，筆者對佢抱有較高既期望。
古古利拿最先加入愛斯賓奴既青訓學院，直到2012年被巴塞挖角轉投到佢地加泰隆尼亞既青訓系統，由U16一直打到上U19再到巴塞B隊，可惜一直都未有正式提拔到一隊之中，其後先後被外借到另外兩支西甲球隊伊巴同基達菲效力，亮眼既數據同表現令佢得到後者行使買斷條款既機會，亦正式同巴塞分道揚鑣，意想不到既係古古利拿好快得到其他既聯賽球會所注視，喺正式效力基達菲一年過後轉投白禮頓，隻身走到英超尋找新挑戰。
轉換環境後既古古利拿好快得到穩定既上陣機會，喺白禮頓純熟既三中堅運轉以及祟尚地面猜傳組織既體系中擔任一個類近左翼衛或左中場既角色，雖然助攻數字並唔亮麗不過維持以往一貫穩打穩紮既作風，亦加強左白禮頓左路既防守同硬度，到下半季更被領隊樸達（Graham Potter）開發擔任左中堅既潛質，令人聯想到干地執教車路士時期將艾斯比利古達放到右中堅一樣，而以古古利拿哩個年紀黎講能夠有同時擔任哩幾個位置既能力同經驗，可塑性可以話相當之大，相信亦係哥迪奧拿招攬佢既原因之一。
對於進攻球員黎講要擺脫古古利拿既防守其實並唔係一件易事，球員單防能力強，死纏爛打既踢法令到即使你哩一下避過到佢都會用速度喺背後死追你，從而令對手唔會咁輕易就起到腳或者完成整個攻勢，加上出身自巴塞青訓，箍住個波做推進都相當純熟，亦會觀察場上形勢去判斷路線推「生」個波，攻守兩端既職能都平均；不過古古利拿既腳下功夫並唔算得上好好，啲推進好多時係依靠速度同賣力較少以技術過人，而佢亦偏好於打陣地戰短傳為主，踢法相對上較為務實。
對於車路士黎講古古利拿既加盟其實係一個幾唔錯既補充，即使轉會費經已創下英超左閘新記錄，不過喺捷維爾重傷過後未回復十足狀態加上藍軍中堅短缺下，哩位西班牙人能夠勝任兩個位置既多變性絕對切合依加藍軍既需要，而且踢法上亦相當符合杜曹既要求，以猜傳及陣地戰為主再加上三中堅陣式，融合同適應完全唔會係問題，更加有力成為繼艾斯比利古達後另一位後場通天老倌。
繼高列巴尼後有古古利拿既加盟，餘下時間就要尋覓最後一位新中堅人選...
相關文章:
《離城投車 能為藍軍尋回失去的入球數字嗎？︱曾經的「金童」- 史達寧》
《遲來的加盟 曾被列強豪門所追捧︱接替魯迪加的左路任務 - 高尼巴利》
《無聲無色地加盟 此小子屬何方神聖？︱又一顆中場新星 - 卓古美卡》
文章發表時間 : 25/8/2022 13:35
文章最後更新時間 : 25/8/2022 13:35
《原創文章 歡迎轉載 請列明出處 謝謝》Bluexlion車迷手記 每週出文 用心寫每篇文章 給我們一個Like作支持 : [url=https://www.facebook.com/bluexlion/]https://www.facebook.com/bluexlion/[/url